Astro Tips: మీ ఇంట్లో బల్లి ఉంటే శుభమా, అశుభమా? తప్పక తెలుసుకోండి
ఇంట్లో బొద్దింకలు, ఈగలు, దోమలు, కందిరీగలు, బల్లులు ఉండటం సర్వసాధారణం. వేసవి వచ్చిందంటే చాలా మందికి ఇళ్ల గోడలపై బల్లులు కనిపించడం ప్రారంభిస్తాయి. అయితే బల్లి గురించి చెప్పాలంటే.. ఈ జీవిని చూడగానే భయపడేవాళ్లు చాలామందే ఉంటారు. చాలా ఇళ్లలో మీరు బల్లులను చీపురుతో తరిమికొట్టేవారిని చూసి ఉండవచ్చు. సాధారణం కాకుండా, జ్యోతిషశాస్త్రం యొక్క కోణం నుండి, బల్లిని చూడటం కొన్నిసార్లు శుభమని మరియు కొన్ని మార్గాల్లో అశుభకరంగా పరిగణించబడుతుంది. పాత కాలంలో, అమ్మమ్మలు తరచుగా దీపావళి సమయంలో బల్లిని చూడటం శుభప్రదంగా భావించేవారు. జ్యోతిష్యంలో దీని అర్థం ఏమిటో తెలుసుకుందాం. బల్లిని లక్ష్మీదేవికి సంబంధించినదిగా భావిస్తారు. జ్యోతిష్యశాస్త్రంలో, ఇంటి గోడపై బల్లిని చూడటం కొత్తది రాకకు చిహ్నంగా పరిగణించబడుతుంది. మీ జీవితంలో కొత్తది రాబోతోందని నమ్ముతారు. ఎందుకంటే బల్లి ఏళ్ల తరబడి జీవించే జీవి. అందువల్ల ఇది దీర్ఘాయువుతో ముడిపడి ఉంటుంది. కొన్ని రాష్ట్రాల్లో, కొత్త ఇంటి వాస్తు పూజలో వెండి బల్లి విగ్రహాన్ని కూడా ఉంచుతారని మీకు తెలియజేద్దాం. ఎందుకంటే బల్లి ఇంట్లో సంతోషాన్ని, సంపదను పెంచుతుందని నమ్ముతారు. వాస్తు శాస్త్రం ప్రకారం, మీ ఇంట్లోని పూజ గదిలో లేదా డ్రాయింగ్ రూమ్‌లో బల్లి కనిపిస్తే అది చాలా శుభప్రదం. సమీప భవిష్యత్తులో మీరు మరింత డబ్బును పొందబోతున్నారని దీని అర్థం. దీపావళి రోజున మీ ఇంట్లో బల్లి ఉంటే ఆ సంవత్సరం పొడవునా లక్ష్మీ దేవి అనుగ్రహం మీకు లభిస్తుంది. ఇది మాత్రమే కాదు, ఇది మీకు అపారమైన ఆనందాన్ని , సంపదను తెస్తుంది. ఇంట్లో ఒకే చోట మూడు బల్లులను చూడటం చాలా శుభప్రదమని కూడా నమ్ముతారు. ఇది చూస్తే మీకు త్వరలో శుభవార్త వచ్చే అవకాశం ఉంది. మీరు కొత్త ఇంట్లోకి ప్రవేశించిన వెంటనే బల్లి కనిపిస్తే, అది చాలా శుభప్రదంగా భావిస్తారు. బల్లిని చూస్తే పూర్వీకుల ఆశీస్సులు పొందినట్లే అని నమ్ముతారు. మన పూర్వీకుల ఆశీస్సులు మనకు లభిస్తాయి.
2024-04-19T14:28:13Z
Sugar Cane: వేసవిలో దీనికి మించిన వ్యాపారం లేదు.. ఎంత వస్తుందో అస్సలు ఊహించలేరు..!
రాజన్న సిరిసిల్ల జిల్లా వేములవాడ పట్టణంలో శ్రీ రాజరాజేశ్వర స్వామి వారి ఆలయానికి అతి సమీపంలో లోకేష్ షుగర్ కేన్ (చెరుకు రసం) వ్యాపారాన్ని కల్లు వెంకటేష్ అనే వ్యక్తి 25 సంవత్సరాలుగా చేస్తున్నారు. చెరుకు రసానికి గిరాకీ ఎలా ఉంది.. అనే అంశాలపై లోకల్ 18 ప్రత్యేక కథనం మీకోసం అందిస్తోంది. లీటర్ చెరుకు రసాన్ని రూ.90 రూపాయలని, ఒక్క గ్లాస్ కు రూ. 20 తీసుకుంటున్నారు. గతంతో పోలిస్తే ఈ సారి అధికంగా గిరాకీ ఉందని, తన వద్ద నాణ్యమైన చెరుకు రసం లభిస్తుందని చెప్పారు. గిరాకీ ఎక్కువగా ఉన్న సమయాల్లో రూ.6, రూ. 7వేల వరకు గిరాకీ అవుతుందని, రోజు చెప్పాలంటే రూ.4 నుంచి రూ. 5వేల వరకు అవుతుందని అన్నారు. ఇతర చెరుకు రసాలతో పోలిస్తే తమ వద్ద నాణ్యమైన చెరుకు రసాన్ని అందిస్తున్నామని.. ఎలాంటి ఐస్, నీరు కలపకుండా చెరుకు రసాన్ని అందిస్తున్నానని చెబుతున్నారు. జింజర్ చెరుకు రసం, సబ్జా చెరుకు రసం, పుదీనా చెరుకు రసం ఇలా ఏడు రకాల చెరుకు రసాలను నాణ్యతతో అందిస్తున్నానని.. పది సంవత్సరాల క్రితం మూడు లక్షల రూపాయలు వెచ్చించి చెరుకు రసాన్ని తీసే మిషన్ తో పాటు ఫ్రిజ్ను కూడా దానితోని కొనుగోలు చేశానని చెప్పారు. వేములవాడ రాజన్న ఆలయానికి వచ్చే భక్తులు సోమవారంతో పాటు ఆదివారం, శుక్రవారాల్లో అయితే మాత్రం చాలా వరకు గిరాకీ అధికంగా ఉంటుందని, ప్రతిరోజు ఉదయం 9 గంటల నుంచి రాత్రి 12 గంటల వరకు చెరుకు రసం అమ్మకాలు జరుపుతానని యజమాని వెంకటేష్ లోకల్18కి వివరించారు. తనపై స్పెషల్ స్టోరీని అందిస్తున్న లోకల్18 ఛానల్ వారికి ప్రత్యేక ధన్యవాదాలు తెలిపారు. రాజన్న సిరిసిల్ల జిల్లాతో పాటు చాలా ప్రాంతాల నుంచి కూడా వేములవాడ ప్రాంతానికి రాజన్న క్షేత్రానికి భక్తులు వస్తుంటారని.. మీరు ఎప్పుడైనా వేములవాడకు వస్తే తప్పకుండా చెరుకు రసాన్ని టేస్ట్ చేయాలని చెరుకు రసం నిర్వాహకుడు, యజమాని, వ్యాపారి వెంకటేష్ కోరుతున్నారు. వేములవాడ శ్రీరాజరాజేశ్వర స్వామి వారి ఆలయానికి వచ్చే భక్తులతో పాటు పట్టణవాసులు తన వద్ద చెరుకు రసం తాగినందుకు ఆసక్తి చూపుతూ అధిక సంఖ్యలో వస్తుంటారని, ఒక్కసారి తన వద్ద చెరుకు రసం తాగిన భక్తులైతేనేమి, పట్టణవాసులు అయితేనేమి మళ్లీ వేములవాడ ప్రాంతానికి వస్తే మాత్రం తప్పకుండా చెరుకు రసాన్ని తాగే వెళ్తారని చెరుకు రసం నిర్వాహకుడు, యజమాని కల్లు వెంకటేశ్ లోకల్ 18 కి వివరించారు.
2024-04-19T11:58:17Z
Horoscope: ఏప్రిల్ 20 రాశిఫలాలు. ఇవాళ మీ రాశి ఫలాలు తెలుసుకోండి
Horoscope today:రాశి ఫలాలు ప్రతి రోజూ మారిపోతూ ఉంటాయి. ఒక్కో రోజు.. ఒక్కో రాశి వారికి కలిసొస్తుంది. మరికొందరికి ఇబ్బందులు తలెత్తుతాయి. ఏ రాశి వారికి ఇవాళ ఎలా ఉందో ముందే తెలుసుకుంటే.. ఏవైనా సమస్యలు ఉన్నట్లు అనిపిస్తే.. జాగ్రత్త పడవచ్చు. మరి ఈ రోజు (ఏప్రిల్ 20, 2024 శనివారం)... రాశిఫలాలు ఎలా ఉన్నాయో.. జ్యోతిష పండితులు ఏం సూచించారో తెలుసుకుందాం. మేష రాశి (Aries):ఉద్యోగాల్లో ప్రాధాన్యం పెరుగుతుంది. నిరుద్యోగులతో పాటు ఉద్యోగులకు కూడా కొత్త ఉద్యోగా వకాశాలు అందివస్తాయి. కొన్ని వ్యవహారాలలో తక్కువ శ్రమతో ఎక్కువ ఫలితాలు పొందుతారు. వృత్తి, వ్యాపారాల్లో డిమాండ్ బాగా పెరుగుతుంది. ఆదాయానికి లోటు ఉండదు. అయితే, స్నేహితుల మీద ఎక్కువగా ఖర్చు చేయడం జరుగుతుంది. కుటుంబ వ్యవహారాల్లో సామరస్యం పెరుగుతుంది. ఆరోగ్యం బాగానే ఉంటుంది. ఆధ్యాత్మిక చింతన పెరిగి, దైవ కార్యాల్లో పాల్గొంటారు. వృషభ రాశి (Taurus):ఉద్యోగ వాతావరణం అనుకూలంగా ఉంటుంది. వృత్తి, వ్యాపారాల్లో లాభాలు పరవాలేదనిపిస్తాయి. జీవిత భాగస్వామి తోడ్పాటుతో దీర్ఘకాలిక ఆర్థిక సమస్యలు తగ్గుముఖం పడతాయి. అనుకోకుండా ఒక శుభ పరిణామం చోటు చేసుకుంటుంది. భవిష్యత్తుకు ఉపయోగపడే విధంగా ప్రముఖులతో పరిచయాలు ఏర్పడుతాయి. తలపెట్టిన వ్యవహారాల్లో పురోగతి ఉంటుంది. నిరుద్యోగులకు శుభ వార్తలు అందుతాయి. ఆహార, విహారాల్లోనూ, ప్రయాణాల్లోనూ వీలైనంత జాగ్రత్తగా ఉండాలి. మిథున రాశి (Gemini):ఉద్యోగంలో అధికారుల ఆదరణ లభిస్తుంది. వృత్తి, వ్యాపారాలు అనుకూల ఫలితాలను ఇస్తాయి. రియల్ ఎస్టేట్, లిక్కర్, రాజకీయాలు, ప్రభుత్వ రంగాలకు చెందినవారికి అంచనాలకు మించి లాభాలు అందే అవకాశం ఉంది. చేపట్టిన పనులు, వ్యవహారాల్లో కార్యసిద్ధి ఉంటుంది. సమాజంలో గౌరవ మర్యాదలు బాగా పెరుగుతాయి. కుటుంబ సభ్యులతో దైవ దర్శనాలు చేసుకుంటారు. నిరుద్యోగులకు మంచి ఉద్యోగావకాశాలు లభిస్తాయి. ఆరోగ్యం చాలావరకు మెరుగుపడుతుంది. కర్కాటక రాశి (Cancer):వృత్తి, ఉద్యోగాల్లో పనిభారం కాస్తంత ఎక్కువగా ఉంటుంది. అయితే, ఆశించిన స్థాయిలో ప్రతిఫలం ఉంటుంది. వ్యాపారాల్లో ఆశించిన ఫలితాలు ఉంటాయి. ఉద్యోగపరంగా శుభవార్తలు అందే అవకాశం కూడా ఉంది. స్వల్ప అనారోగ్యానికి అవకాశం ఉంది. ఉద్యోగం మారడానికి చేసే ప్రయత్నాలు ఫలించవచ్చు. కొందరు బంధువుల వల్ల ఇబ్బందులు ఏర్పడవచ్చు. ఆర్థిక విషయాల్లో మోసపోయే సూచనలున్నాయి. మిత్రుల నుంచి ఆశించిన సహాయ సహకారాలు లభిస్తాయి. సింహ రాశి (Leo):అదనపు ఆదాయ ప్రయత్నాలు చాలావరకు సత్ఫలితాలనిస్తాయి. వృత్తి, వ్యాపారాల్లో కొద్దిగా లాభాలు తగ్గే అవకాశముంది. ఉద్యోగం సానుకూలంగా సాగిపోతుంది. ఇంటా బయటా ఒత్తిడి ఉంటుంది. ముఖ్యమైన పనులు ఆలస్యమవుతాయి. మీ నుంచి సహాయం పొందినవారు ముఖం చాటేస్తారు. ప్రస్తుతానికి హామీలు ఉండడం, వాగ్దానాలు చేయడం చేయవద్దు. ఆదాయం నిలకడగా ఉంటుంది. కుటుంబ బాధ్యతలను సమర్థవంతంగా పూర్తిచేస్తారు. ఆరోగ్యం పరవాలేదనిపిస్తుంది. కన్య రాశి (Virgo):వృత్తి, ఉద్యోగాలు బాగానే అనుకూలిస్తాయి. వ్యాపారాలలో కొద్దిగా లాభాలు పెరుగుతాయి. ఆర్థిక వ్యవహారాలు విజయవంతం అవుతాయి. ఆర్థిక పరిస్థితి చక్కబడుతుంది. కొత్త ప్రయత్నాలు, కొత్త ఆలోచనలు కలిసి వస్తాయి. ఇప్పుడు తీసుకునే నిర్ణయాల వల్ల మంచి ఫలితాలుంటాయి. ఆరోగ్యానికి, ఆదాయానికి ఢోకా ఉండదు. బంధువులకు ఇతోధికంగా సహాయం చేస్తారు. కుటుంబ సభ్యుల సహకారంతో ముఖ్యమైన కార్యక్రమాలు పూర్తి చేస్తారు. ప్రయాణాలు ఆర్థికంగా లాభిస్తాయి. తుల రాశి (Libra):ఉద్యోగంలో మరింత అనుకూల వాతావరణం ఉంటుంది. వృత్తి, వ్యాపారాలను విస్తరించుకునే ప్రయత్నాలు ప్రారంభిస్తారు. కుటుంబ సభ్యులతో ఉత్సాహంగా కాలక్షేపం చేస్తారు. ఆదాయ మార్గాలు పెరుగుతాయి. ముఖ్యమైన వ్యవహారాలు సకాలంలో పూర్తవుతాయి. నిరుద్యోగులకు ఆశించిన సమాచారం అందుతుంది. కొందరు మిత్రులకు సహాయ సహకారాలు అందజేస్తారు. ఆరోగ్యం విషయంలో జాగ్రత్తగా ఉండాలి. పెళ్లి ప్రయత్నాల్లో తప్పకుండా సానుకూల స్పందన లభిస్తుంది. వృశ్చిక రాశి (Scorpio):వృత్తి, వ్యాపారాలో సొంత ఆలోచనలు లాభదాయకంగా ఉంటాయి. ఇతరుల మీద ఆధారపడవద్దు. ఇంటా బయటా బాధ్యతలు పెరుగుతాయి. ఉద్యోగులకు అధికారుల నుంచి ఆశించిన ఆదరణ, ప్రోత్సాహం లభిస్తాయి. ముఖ్యమైన పనులు, వ్యవహారాలు సకాలంలో సంతృప్తికరంగా పూర్తవుతాయి. ఆర్థిక పరిస్థితి అనుకూలంగా ఉంటుంది. ఆరోగ్యం విషయంలో కాస్తంత జాగ్రత్తగా ఉండడం మంచిది. వ్యక్తిగత సమస్యలు తగ్గుముఖం పడతాయి. ప్రస్తుతానికి ప్రయాణాలు పెట్టుకోవద్దు. ధనస్సు రాశి (Sagittarius):వృత్తి, ఉద్యోగాలు అనుకూలంగా సాగిపోతాయి. కుటుంబంలో ఆనందోత్సాహాలు పెరుగుతాయి. వ్యాపారాల్లో శ్రమాధిక్యత ఉంటుంది. పెట్టుబడులకు తగ్గ రాబడి ఉంటుంది. ఆధ్యాత్మిక విషయాలపై దృష్టి పెడతారు. తలపెట్టిన పనులు ఆలస్యంగా పూర్తవుతాయి. పిల్లలు చదువుల్లో పురోగతి సాధిస్తారు. స్వల్ప అనారోగ్యానికి అవకాశం ఉంది. మంచి కంపెనీల నుంచి ఆఫర్లు కలిసి వస్తాయి. ఉద్యోగం మారడానికి చేస్తున్న ప్రయత్నాలు అనుకూలిస్తాయి. ప్రయాణాలు లాభిస్తాయి. మకర రాశి (Capricorn):వృత్తి, ఉద్యోగాలలో సానుకూల వాతావరణం ఉంటుంది. మీ పనితీరుతో అందరినీ ఆకట్టుకుంటారు. బంధువుల రాకపోకలు ఉంటాయి. కొత్తగా వ్యాపారాలు ప్రారంభించాలనే ఆలోచన చేస్తారు. నిరుద్యోగులకు దూర ప్రాంతం నుంచి ఆశించిన సమాచారం అందవచ్చు. పెళ్లి ప్రయత్నాలు సానుకూలపడతాయి. తలపెట్టిన పనులలో శ్రమకు తగ్గ ఫలితం ఉంటుంది. ఆర్థిక పరిస్థితి ఆశాజనకంగా ఉంటుంది. కుటుంబ సమస్యలకు పరిష్కారం లభిస్తుంది. ప్రయాణాలు లాభిస్తాయి. కుంభ రాశి (Aquarius):వృత్తి, ఉద్యోగాల్లో బరువు బాధ్యతలు బాగా పెరిగే అవకాశం ఉంది. విశ్రాంతి ఉండని పరిస్థితి ఏర్పడుతుంది. ఆదాయం నిలకడగా ఉంటుంది కానీ, ఖర్చులు తగ్గించుకోవడం, పొదుపు పాటించడం మంచిది. ఆరోగ్యం మీద శ్రద్ధ పెట్టాల్సిన అవసరం ఉంది. కుటుంబ సభ్యులతో కలిసి విహార యాత్ర చేసే సూచనలున్నాయి. వ్యాపారం ఆశాజనకంగా సాగిపోతాయి. ప్రయాణాలు వాయిదా వేయడం మంచిది. బంధుమిత్రులకు ఆర్థికంగా అండగా నిలబడతారు. ఎవరికీ హామీలు ఉండవద్దు. మీన రాశి (Pisces):ఉద్యోగంలో ప్రోత్సాహకర వాతావరణం ఉంటుంది. వృత్తి, వ్యాపారాల్లో అంచనాలకు మించి లాభాలు అందుతాయి. వ్యక్తిగత సమస్య ఒకటి పరిష్కారమవుతుంది. అనుకోకుండా పెండింగ్ పనులు పూర్తయి ఊరట లభిస్తుంది. ఇంట్లో కుటుంబ సభ్యులతో కలిసి ఆనందంగా కాలక్షేపం చేస్తారు. దీర్ఘకాలిక ఆర్థిక సమస్యల నుంచి కొంత వరకూ బయటపడతారు. ఆర్థిక పరిస్థితి అనుకూలంగా ఉంటుంది. ఉద్యోగ ప్రయత్నాలు కలిసి వస్తాయి. పెళ్లి ప్రయత్నాలలో ఇబ్బందులు ఎదుర్కొంటారు. Disclaimer: ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-04-19T23:13:12Z