KUBER DEV ZODIAC SIGNS ఈ రాశుల వారికి ఎల్లప్పుడూ కుభేరుని ప్రత్యేక అనుగ్రహం ఉంటుందట.. వీరికి సంపదకూ లోటనేదే ఉండదు...!
kuber dev zodiac signs హిందూ పురాణాల ప్రకారం, కుభేర దేవుడిని సంపదకు అధిపతిగా పరిగణిస్తారు. ఈ దేవుడి ఆశీస్సులు ఉండే వారికి ఆదాయానికి లోటు అనేదే ఉండదు. అయితే కొన్ని రాశుల వారికి కుభేరుని ఆశీస్సులు ఎలప్పుడూ ఉంటాయట.. అందులో మీ రాశి ఉందేమో ఇప్పుడే చూసెయ్యండి.
kuber dev zodiac signs హిందూ మత విశ్వాసాల ప్రకారం కుభేర దేవునికి ఎంతో ప్రాముఖ్యత ఉంది. కుభేరుడిని దేవతల కోశాధికారిగా, యక్షుల రాజుగా భావిస్తారు. సంపదకు, శ్రేయస్సుకు ఈ దేవుడినే అధిపతిగా పరిగణిస్తారు. లక్ష్మీదేవి, వినాయకుడితో పాటు కుభేర దేవుడికి ధన త్రయోదశి, దీపావళి రోజున ప్రత్యేక పూజలు నిర్వహిస్తారు. ఇలా చేయడం వల్ల తమ ఇంట్లో ధనం, ధాన్యానికి కొరత ఉండదని చాలా మంది నమ్ముతారు. ఇదిలా ఉండగా జ్యోతిష్యశాస్త్రం ప్రకారం, ద్వాదశ రాశులలో కొన్ని రాశుల వారికి కుభేర దేవుని ఆశీస్సులు ఎల్లప్పుడూ ఉంటాయి. ఈ కారణంగా వీరికి ఆర్థిక పరమైన సమస్యలనేవే ఉండవు. వీరు జీవితాంతం శ్రేయస్సు, ఐశ్వర్యంతో గడుపుతారు. అంతేకాదు వీరు తమ జీవితంలోని ప్రతి రంగంలోనూ అద్భుత విజయాలు సాధిస్తారు. ఈ సందర్భంగా కుభేరుని అనుగ్రహం ఎల్లప్పుడూ ఉండే రాశి చక్రాలేవో ఇప్పుడు తెలుసుకుందాం...
వృషభ రాశి (Taurus)..
ఈ రాశి వారికి శుక్రుడు అధిపతిగా ఉంటాడు. శుక్రుడిని తేజస్సు, కీర్తి, గౌరవం, ఐశ్వర్యం వంటి వాటికి ప్రతీకగా పరిగణిస్తారు. వీరు ప్రజలను చాలా త్వరగా ఆకట్టుకుంటారు. అదే సమయంలో ఇతరుల కళలను చాలా గౌరవిస్తారు. వీరికి శుక్రుడు, కుభేర దేవుని ఆశీస్సులు ఎల్లప్పుడూ ఉంటాయి. ఈ కారణంగా వీరు జీవితంలోని కొన్ని సవాళ్లను ఎదుర్కొని అపారమైన విజయాన్ని పొందుతారు. వీరు పని చేసే రంగంలో తమ పేరు, ప్రతిష్టలను పెంచుకుంటారు. తమ కుటుంబ అవసరాలను తీర్చడానికి చాలా కష్టపడతారు. వీరు ఎల్లప్పుడూ మంచి వస్తువులను ఇష్టపడతారు. భౌతిక ఆనందాలతో చుట్టుముడతారు.
Rahu Effect రాహువు చెడు ప్రభావంతో వచ్చే సమస్యలేంటి... ఏయే పరిహారాలు పాటించాలంటే...
కర్కాటక రాశి(Cancer)..
ఈ రాశి వారికి చంద్రుడు అధిపతిగా ఉంటాడు. చంద్రుడి స్వభావం ఎంతో స్నేహపూర్వకరమైనదిగా పరిగణిస్తారు. ఈ కారణంగా వీరు ప్రజలందరితో త్వరగా కలిసిపోతారు. అంతేకాదు వీరు కష్టపడి పని చేసే మనస్తత్వాన్ని కలిగి ఉంటారు. మరోవైపు కర్కాటక రాశి వారికి కుభేర దేవుని ఆశీస్సులు ఎల్లప్పుడూ ఉంటాయి. ఈ కారణంగా వీరు జీవితంలో ఉన్నత స్థానాలకు చేరుకుంటారు. వీరి జీవితంలో ఏ చిన్న అవకాశం వచ్చినా అస్సలు వదులుకోరు. దీని వల్ల ఎంతో జ్ఞానాన్ని పొందుతారు.
తులా రాశి (Libra)..
ఈ రాశి వారికి శుక్రుడు అధిపతిగా ఉంటాడు. శుక్రుడి ప్రభావంతో వీరు కష్టపడి పని చేయడం, పోరాట పటిమను ప్రదర్శించడం వంటివి చేస్తుంటారు. ఏ రంగంలో అయినా విజయం సాధించేందుకు పూర్తి సామర్థ్యంతో ప్రయత్నిస్తారు. ఈ కారణంగా కుభేర దేవుని ప్రత్యేక అనుగ్రహం ఎల్లప్పుడూ తులా రాశిపై ఉంటుంది. ఈ రాశికి చెందిన వ్యక్తులు కుటుంబ సభ్యుల ప్రతి కోరికను నెరవేర్చడానికి ప్రయత్నిస్తారు. కుభేరుని అనుగ్రహంతో వీరికి డబ్బు సంబంధిత సమస్యలనేవే ఉండవు. వీరు దానధర్మాలలోనూ ఎల్లప్పుడూ ముందుంటారు.
వృశ్చిక రాశి(Scorpio)..
ఈ రాశి వారికి అంగారకుడు అధిపతిగా ఉంటాడు. ఈ కారణంగా వీరు చాలా శక్తివంతంగా, ధైర్యంగా, పని పట్ల ఎక్కువ మక్కువ కలిగి ఉంటారు. వీరు ఏ రంగంలో అయినా విజయం సాధించే వరకూ శ్రమిస్తూనే ఉంటారు. ఈ కారణంగా వీరికి కుభేర దేవుని ఆశీస్సులు ఎల్లప్పుడూ ఉంటాయి. వీరు తమ చుట్టూ ఉన్న పరిస్థితులను, తమ ప్రయత్నాలతో అనుకూలంగా మార్చుకోవడంలో విజయం సాధిస్తారు. వీరి జీవితంలో సంతోషంగా ఉంటుంది. కుభేరుడి అనుగ్రహం వల్ల వీరి జీవితంలో ఆదాయానికి లోటు అనేదే ఉండదు.
Dhan Yoga in Cancer కర్కాటకంలో ధన యోగం వల్ల ఈ 4 రాశులకు ఆర్థిక ప్రయోజనాలు...!
ధనస్సు రాశి (Sagittarius)..
ఈ రాశి వారికి గురుడు అధిపతిగా ఉంటాడు. వీరు మతపరమైన పనులు, భవిష్యత్తు గురించి ఎల్లప్పుడూ ఆశావాదంతో ఉంటారు. ఆధ్యాత్మిక ధోరణి కారణంగా వీరికి కుభేరుని ఆశీస్సులు ఎల్లప్పుడూ ఉంటాయి. వీరు ప్రతి విషయాన్ని ఉత్సాహంగా, స్ఫూర్తిదాయకంగా, ప్రతిష్టాత్మకంగా తీసుకుంటారు. వీరి జీవితంలో కొత్త స్థానాన్ని సంపాదించుకుంటారు. అందరికీ స్ఫూర్తిదాయకంగా ఉంటారు. ఆర్థిక సమస్యలు లేకపోవడం వల్ల, ఎల్లప్పుడూ ఇతరులకు సహాయం చేసేందుకు సిద్ధంగా ఉంటారు. వీరి మనోహరమైన స్వభావం కారణంగా, వీరికి చాలా మంది స్నేహితులు ఉంటారు.
గమనిక
: ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
Read
and