BEAUTY TIPS: ఓట్స్‌‌‌‌‌‌‌‌‌‌‌‌‌‌‌‌‌‌‌‌‌తో.. వావ్‌ అనిపించే సౌందర్యం సొంతం చేసుకోండి..!
Beauty Tips: బరువు తగ్గాలనుకునే వారికి మొదట గుర్తొచ్చే డైట్‌ ఆప్షన్‌.. ఓట్స్. ఇది బరువు తగ్గించడమే కాదు ఆరోగ్యానికీ ఎంతో మేలు చేస్తుంది. ఓట్స్‌లో అధికంగా ఉండే ఫైబర్‌ చెడు కొలెస్ట్రాల్‌ని తగ్గించడమే కాదు.. రక్తంలో చక్కెర స్థాయులను నిలకడగా ఉంచుతుంది. హైపర్‌టెన్షన్‌ను కంట్రోల్‌లో ఉంచుతుంది. దీనిలోని మినరల్స్‌ ఎముకల ఆరోగ్యానికి సాయపడతాయి. దీనిలోని మినరల్స్‌ విటమిన్‌ బి6 ఒత్తిడిని దూరంచేసి, సెరటోనిన్‌ను ప్రేరేపిస్తాయి. దీంతో మానసిక ఆరోగ్యానికి మేలు జరుగుతుంది. ఓట్స్ ఆరోగ్యానికే కాదు, ఆందాన్ని రెట్టింపు చేయడానికి సహాయపడతాయి. ఓట్స్‌లో ఉండే యాంటీఆక్సిడెంట్‌, యాంటీ ఇన్‌ఫ్లమేటరీ లక్షణాలు చర్మాన్ని పునరుజ్జీవింపజేయడంలో సహాయపడతాయి. ఇవి డెడ్‌ సెల్స్‌ను తొలగించడంలో సహాయపడతాయి. ఓట్స్లోని విటమిన్లు, ప్రొటీన్లు.. చర్మాన్ని ఆరోగ్యంగా ఉంచుతాయి.
ఎక్స్‌ఫోలియేట్‌ చేస్తుంది..
ఓట్‌ మీల్‌.. చర్మాన్ని ఎక్స్‌ఫోలియేట్‌ చేయడానికి అద్భుతంగా పనిచేస్తుంది. ఓట్స్లోని సాపోనిన్‌లు.. చర్మాన్ని సున్నితంగా ఎక్స్‌ఫోలియేట్‌ చేసి, మృత కణాలను తొలగిస్తుంది. చర్మంలోని అదనపు నూనెను, ధూళిని నిర్మూలిస్తాయి. పావు కప్పు పెరుగులో రెండు చెంచాల ఓట్స్ పొడి వేసి మిక్స్‌ చేయండి. దీన్ని ముఖానికి, చేతులకు పట్టింటి.. మర్దనా చేయాలి. ఆ తర్వాత 15 నిమిషాల పాటు ఆరనిచ్చి గోరువెచ్చని నీళ్లతో శుభ్రం చేసుకోండి. ఓట్స్ చర్మానికి క్లెన్సర్‌లా పనిచేస్తాయి. చర్మంపై పేరుకున్న మృత కణాలను, మురికినీ తొలగిస్తాయి. మీ చర్మాన్ని తాజాగా ఉంచుతాయి.
చర్మానికి తేమనందిస్తాయి..
ఓట్స్లోని పోషకాలు చర్మానికి తేమనందిస్తాయి, కండిషనింగ్‌ చేస్తాయి. చర్మం పొడిబారడాన్ని నివారిస్తాయి. ఓట్స్‌లో ప్రొటీన్‌, విటమిన్‌ ఇ మెండుగా ఉంటుంది. ఇవి చర్మాన్ని హైడ్రేట్‌గా, కాంతివంతంగా ఉంచుతాయి. గోరువెచ్చటి నీటిలో కొంచెం ఓట్స్ కలిపి పేస్ట్‌లాగా చేయాలి. దీనిలో ఒక టీస్పూన్ తేనె వేసి.. ఈ మిశ్రమంతో ముఖంపై గుండ్రంగా రుద్దాలి. దీంతో ముఖంపై ఉండే దుమ్ము, ధూళి కణాలు తొలగిపోయి నీట్‌గా తయారవుతుంది. చర్మానికి తేమనందిస్తుంది. అలాగే ఇందులో వేసిన తేనెలోని యాంటీబ్యాక్టీరియల్ గుణాల వల్ల చర్మం కాంతివంతమవుతుంది.
మొటిమలకు చెక్‌ పెడుతుంది..
ఓట్స్ మొటిమల సమస్యను నివారిస్తుంది. ఓట్స్ మీ చర్మంలోని అదనపు నూనెను బయటకు తీస్తుంది. ఓట్స్‌లో జింక్‌ పుష్కలంగా ఉంటుంది. ఇది మంటను తగ్గిస్తుంది, మొటమలు కలిగించే బ్యాక్టీరియను నాశనం చేస్తుంది. మొటిమలు, తామర, సోరియాసిస్ వంటి చర్మ సమస్యలను నివారించడానికి ఓట్స్ సహాయపడతాయి.
ఒక చెంచా ఓట్స్ పౌడర్ తీసుకోండి. అందులో కొంచెం తేనెను వేసి బాగా మిక్స్‌ చేయాలి. అంతేకాకుండా అందులో కొద్దిగా రోజ్ వాటర్, పాలను కూడా వేసి పేస్ట్‌లా చేయాలి. ఈ ప్యాక్‌ను ముఖానికి ప్యాక్‌లా అప్లై చేసుకోండి. దీన్ని 20 నిమిషాల పాటు ఆరనిచ్చి చల్లటి నీటితో శుభ్రం చేసుకోవాలి. ఇలా వారానికి రెండు సార్లు చేస్తే.. మొటిమల సమస్య దూరం అవుతుంది.
తెల్లబడతారు..
ఓట్స్ మీ ఛాయను మెరుగుపరచడానికి సహాయపడతాయి. ఇది మీ చర్మంపై ఉన్న బ్యాక్టీరియాని నాశనం చేస్తుంది, ఓట్స్లోని మాయిశ్చరైజింగ్‌ ప్రభావం మీకు మంచి రంగును ఇస్తుంది.
గమనిక:
ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
2023-03-27T06:01:57Z dg43tfdfdgfd