MANGO FOR WEIGHT LOSS : మామిడిపండ్లు ఇలా తింటే బరువు తగ్గుతారట..

Mango for Weight Loss : మామిడి పండ్ల సీజన్ నడుస్తోంది. ఈ పండ్లని చాలా మంది ఎంతగానో ఇష్టంగా తింటారు. అయితే, దీని వల్ల బరువు పెరుగుతారని చాలా మంది అనుకుంటారు. అందులో నిజమెంతో తెలుసుకోండి.

పండ్ల రారాజు మామిడిపండు. వీటిని తినడమంటే ఎవరు మాత్రం ఇష్టపడరు చెప్పండి. సీజన్ వచ్చింది మొదలు అయిపోయవరకూ రోజూ కచ్చితంగా తినాల్సిందే. అయితే, వీటిని తినడం వల్ల బరువు పెరుతారని చాలా మందికి అనుకుంటారు. కానీ, వీటిని సరిగ్గా తింటే బరువు తగ్గొచ్చని చెబుతున్నారు నిపుణులు. అదెలానో ఇప్పుడు తెలుసుకోండి.

మామిడిలోని పోషకాలు..

మామిడిలో పోషకాలు పుష్కలంగా ఉంటాయి. అవి.

విటమిన్ సి,

విటమిన్ ఇ,

విటమిన్ బి6,

ఫోలేట్,

ఐరన్,

మెగ్నీషియం

ఫైబర్స్,

యాంటీ ఆక్సిడెంట్స్

ఇవన్నీ కూడా ఆరోగ్యానికి చాలా మంచివి.

97743616

అందరికీ ఇష్టమైన మామిడి..

మామిడిపండ్లలో క్యాలరీలు ఎక్కువగా ఉంటాయి. ఈ కారణంగానే బరువు పెరుగుతారని చాలా మంది అనుకుంటారు. వేసవిలో మాత్రమే లభించే ఈ పండుని పిల్లలు, పెద్దలు అనే తేడా లేకుండా అందరూ తిని ఎంజాయ్ చేస్తారు. ఈ సీజన్‌లో మామిడి కాయల్ని, పండ్లని అన్నింటిని ఎన్ని రకాలుగా అన్ని రకాలుగా తిని ఆనందపడతారు. అయితే, వీటిని తినడం వల్ల శరీరంలోని కొలెస్ట్రాల్ తగ్గి బరువు తగ్గుతుందని చెబుతున్నారు నిపుణులు.

Also Read : ప్యాడ్స్ వాడినప్పుడు దద్దుర్లు వస్తున్నాయా.. ఇలా చేయండి..

బరువు తగ్గడం..

మామిడి పండ్లలో పీచు పదార్థం ఎక్కువగా ఉంటుంది. ఇందులోని ఫైబర్ కారణంగా కడుపు నిండిన ఫీలింగ్ ఉంటుంది. దీని వల్ల జీవక్రియ కూడా పెరుగుతుంది. మామిడిపండ్లలో కేలరీలు ఎక్కువగా ఉంటాయి. మితంగా, అంటే తక్కువగా తింటే బరువు తగ్గుతారు. ఎక్కువగా తీసుకుంటే బరువు పెరుగుతారని గుర్తుపెట్టుకోండి.

కొలెస్ట్రాల్ తగ్గడం..

మామిడి తినడం వల్ల శరీరంలోని కొలెస్ట్రాల్ స్థాయిలు కూడా తగ్గుతాయి.

ఈ పండులోని మెగ్నీషియం, యాంటీ ఆక్సిడెంట్స్ శరీరానికి చాలా మంచివి. ఇవన్నీ మన రక్తంలో కొలెస్ట్రాల్ స్థాయిని కంట్రోల్ చేస్తాయి. దీంతో గుండె ఆరోగ్యం మెరుగ్గా మారుతుంది.

Also Read : Milk For Health : కిడ్నీల్లో రాళ్ళు ఉన్నవారు పాలు ఈ టైమ్‌లోనే తాగాలి..

జీర్ణ సమస్యలు దూరం..

మనం తీసుకున్న ఆహారం సరిగ్గా జీర్ణమవ్వాలంటే పండ్లు కచ్చితంగా తీసుకోవాలి. ఇందులో ముందుగా అరటిపండు ఉంటుంది. ఇందులో పీచు పదార్థం అందుకు హెల్ప్ చేస్తుంది. అయితే, మామిడి పండ్లలో పీచు పదార్థం ఎక్కువగా ఉంటుంది.

ఈ పీచు పదార్థం జీర్ణశక్తిని మెరుగ్గా చేస్తుంది. అజీర్ణ సమస్యల్ని దూరం చేస్తుంది. అదే విధంగా, ఫైబర్స్ కార్బోహైడ్రేట్స్‌ని గ్రహించి శరీరానికి అవసరమైన శక్తిగా మారుస్తుంది. దీంతో జీవక్రియ పెరుగుతుంది.

ఇమ్యూనిటీ..

మామిడి పండు తింటే బాడీలో ఇమ్యూనిటీ పెరుగుతుంది. 100 గ్రాముల మామిడి పండు తింటే అందులో 36 మిల్లీ గ్రాముల విటమిన్ సి ఉంటుంది. ఇది మన రోజువారీ విటమిన్ సిలో 67 శాతం. విటమిన్ సి మన బాడీలో ఇమ్యూనిటీని పెంచే ముఖ్య పోషకం..

​ఎలా తినాలంటే..

మామిడి పండ్లు తింటే సమస్యలు రావు. అయితే, మితంగా మాత్రమే తీసుకోవాలి.

అదే విధంగా స్నాక్స్ తినే బదులు వీటిని తినాలి.

మామిడి పండ్లలో కేలరీలు ఎక్కువగా ఉంటాయి. కాబట్టి షుగర్ ఉన్నవారు దూరంగా ఉండడం మంచిది.

అయితే, మామిడిపండుని పండులానే తీసుకోవాలి.

జ్యూస్‌లా తీసుకుంటే ఉపయోగముండదని గుర్తుపెట్టుకోండి.

​​

గమనిక:

ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

​​​​​​​​Read More :

Health News

and

Telugu News

2023-06-02T05:31:08Z dg43tfdfdgfd