AKSHAYA TRITIYA 2024 అక్షయ తృతీయ వేళ పొరపాటున కూడా వీటిని కొనొద్దు..! లేదంటే మీరు నష్టపోతారు..

Akshaya Tritiya 2024 అక్షయ తృతీయ వంటి పవిత్రమైన రోజున కొన్ని వస్తువులను పొరపాటున కూడా కొనకూడదంట. ఒకవేళ వాటిని కొంటే నష్టపోయే అవకాశం ఉంటుందని పెద్దలు చెబుతున్నారు. ఇంతకీ అక్షయ తృతీయ రోజున ఏయే వస్తువులను కొనకూడదనే పూర్తి వివరాలను ఇప్పుడు తెలుసుకుందాం...

Akshaya Tritiya 2024 హిందూ మత విశ్వాసాల ప్రకారం, అక్షయ తృతీయకు ఎంతో ప్రాధాన్యత ఉంది. ప్రతి ఏడాది వైశాఖ మాసంలో శుక్ల పక్షంలోని తదియ తిథినాడు అక్షయ తృతీయ పండుగను జరుపుకుంటారు. ఈ నేపథ్యంలో ఈసారి మే 10వ తేదీన శుక్రవారం నాడు అక్షయ తృతీయ వచ్చింది. ఈ పర్వదినాన శ్రీ మహా విష్ణువు, లక్ష్మీదేవికి ప్రత్యేక పూజలు చేయడం వల్ల ఆర్థిక పరంగా ఉండే సమస్యలన్నీ తొలగిపోతాయని చాలా మంది నమ్ముతారు. అంతేకాదు లక్ష్మీదేవి ఆశీస్సులతో తమ ఆదాయం పెరుగుతుందని కూడా నమ్ముతారు. ఇదిలా ఉండగా అక్షయ తృతీయ వేళ ఏ వస్తువులను పొరపాటున కొనకూడదు.. ఏయే పనులను చేయకూడదనే వివరాలను ఇప్పుడు తెలుసుకుందాం...వీటిని కొనకూడదు..!

అక్షయ తృతీయ రోజు ప్లాస్టిక్ వస్తువులు, స్టీల్, అల్యూమినియం పాత్రలు, నల్లని దుస్తులు, పదునైన వస్తువులు, ఇనుప వస్తువులు, నలుపు రంగు దుస్తులను పొరపాటున కూడా కొనొద్దని పండితులు చెబుతున్నారు. వీటిని ఈ పవిత్రమైన రోజున కొనడం వల్ల ప్రతికూల శక్తులు ఇంట్లో ప్రవేశించే అవకాశం ఉందని చాలా మంది నమ్ముతారు. అంతేకాదు గ్రహ, వాస్తు దోషాలు కూడా పెరిగే అవకాశం ఉంది. అందుకే ఈ శుభ సమయంలో వీటిని పొరపాటున కూడా కొనకండి. లేదంటే మీరు నష్టపోవాల్సి రావొచ్చు.

Akshaya Tritiya 2024 in Telugu (1)

మురికి లేకుండా చూసుకోండి..

పురాణాల ప్రకారం, పరిశుభ్రత ఉన్న ప్రదేశంలో లక్ష్మీదేవి నివాసం ఉంటుంది. అందుకే అక్షయ తృతీయ వేళ మీ ఇంట్లో ఏ మూలనైనా చీకటిగా లేదా మురికిగా ఉంచొద్దు. ఈ పవిత్రమైన రోజున రాత్రి దీపం వెలిగించాలి. పరిశుభ్రంగా ఉండే ఇంట్లోకి చీకటిని పారద్రోలి లక్ష్మీదేవి ఆ ఇంట్లోకి ప్రవేశిస్తుందని చాలా మంది నమ్ముతారు. అక్షయ తృతీయ రోజున లక్ష్మీదేవి, విష్ణువును పూజిస్తారు. కాబట్టి ఈరోజున తులసి ఆకులను తెంచకూడదు.

రుణాలు తీసుకోకుండా ఉండాలి..

అక్షయ తృతీయ వేళ మీ సంపాదనతో మాత్రమే వస్తువులను కొనాలి. పొరపాటున కూడా అప్పులు చేయకండి. ఇలా చేయడం వల్ల లక్ష్మీదేవి మీ ఇంటిని వదిలి వెళ్లిపోతుంది. అలాగే ఈరోజున ఎవరికైనా అప్పుడు ఇవ్వడం లేదా రుణం తీసుకోవడం వంటివి చేయకండి. ఇది అశుభ పరిణామంగా పరిగణించబడుతుంది. మరోవైపు అక్షయ తృతీయ రోజున ఆస్తిని లేదా ఇంటిని కొనుగోలు చేయడం వల్ల శుభ ఫలితాలొస్తాయి. అయితే ఏదైనా ఇంటి నిర్మాణానికి సంబంధించిన మరమ్మతులను చేయకండి. దీని వల్ల మీరు నష్టపోవాల్సి రావొచ్చు.గమనిక : ఇక్కడ అందించిన భక్తి సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.Read Latest Religion News and Telugu News