MAKAR RASI UGADI RASI PHALALU 2024-25 శ్రీ క్రోధి నామ సంవత్సరంలో మకర రాశి వారికి రాహువు ప్రభావంతో అద్భుత ప్రయోజనాలు..!

Makar Rasi Ugadi Rasi Phalalu 2024-25 జ్యోతిష్యశాస్త్రం ప్రకారం, శ్రీ క్రోధి నామ సంవత్సరంలో ఉగాది తర్వాత మకర రాశి వారికి అన్ని రంగాల్లో అనుకూల ఫలితాలొస్తాయా లేదా అనే పూర్తి వివరాలను ఇప్పుడు తెలుసుకుందాం...

Makar Rasi Ugadi Rasi Phalalu 2024-25 తెలుగు పంచాంగం ప్రకారం, శ్రీ క్రోధి నామ సంవత్సరానికి ఘనంగా స్వాగతం పలికాం. తెలుగు వారి 60 సంవత్సరాల్లో ఇది 38వది. ఇదిలా ఉండగా జ్యోతిష్యం ప్రకారం, ఉగాది తర్వాత మకర రాశి వారికి సానుకూల ఫలితాలు రానున్నాయి. కొన్ని ఆర్థిక పరమైన ఇబ్బందులు ఉన్నప్పటికీ, సంవత్సరం ప్రారంభంలో కుటుంబ సమస్యలు, మే మాసం తర్వాత సమస్యలన్నీ తొలగిపోతాయి. కొత్త ఏడాదిలో మకర రాశి వారు సమస్యలన్నీ ధైర్యంగా ఎదుర్కొంటారు. ముఖ్యంగా రాహువు ప్రభావంతో శుభ ఫలితాలొస్తాయి. గురుడి ప్రభావంతో ఆశావహులకు మంచి అవకాశాలొస్తాయి. సమాజంలో మీ కీర్తి, ప్రతిష్టలు పెరుగుతాయి. ఈ నేపథ్యంలో వచ్చే ఏడాది వరకు ఆర్థిక పరంగా, కెరీర్ పరంగా, ఆరోగ్యం, విద్యా, కుటుంబ జీవితంలో ఎలాంటి మార్పులు రానున్నాయనే ఆసక్తికరమైన విషయాలను ఇప్పుడు తెలుసుకుందాం...గ్రహాల ప్రభావం..

ఈ రాశి నుంచి గురువు మే 1వ తేదీ వరకు మేష రాశిలో నాలుగో స్థానంలో, ఆ తర్వాత నుంచి వృషభ రాశిలో పంచమ స్థానం నుంచి సంచారం చేయనున్నాడు. మరోవైపు శని కుంభంలో ఈ రాశి నుంచి రెండో స్థానంలో, రాహువు మీనంలో ఈ రాశి నుంచి మూడో స్థానంలో, కేతువు భాగ్య స్థానంలో సంచారం చేయనున్నారు. ఈ సమయంలో గురుబలం ప్రభావంతో అన్ని రంగాల్లో విజయం సాధించే అవకాశం ఉంది. మే తర్వాత రాహువు ప్రభావంతో అద్భుత ఫలితాలొచ్చే అవకాశాలున్నాయి.​Dhanasu Rasi Ugadi Rasi Phalalu 2024-25 శ్రీ క్రోధి నామ సంవత్సరంలో ధనస్సు రాశి వారికి ఆర్థిక పరంగా రెట్టింపు లాభాలు..!​

ఆదాయం-14, వ్యయం-14..

ఈ రాశి వారికి ఉగాది తర్వాత ఆర్థిక పరంగా మిశ్రమ ఫలితాలు రానున్నాయి. ఆదాయం ఎంత పెరిగినా.. అదే స్థాయిలో ఖర్చులు పెరిగే అవకాశం ఉంది. కాబట్టి మీ ఖర్చులను నియంత్రించుకోవాలి. అప్పుడే మీ ఆర్థిక పరిస్థితి మెరుగవుతుంది. మీరు ఆర్థిక నిర్ణయాలు తీసుకునే ముందు, అనుభవం ఉన్న వారి సలహాలు తీసుకోవాలి. మీ ఆస్తికి సంబంధించి సరైన నిర్ణయాలు తీసుకోవాలి. స్టాక్ మార్కెట్లో పెట్టుబడి పెట్టేవారు మరింత అప్రమత్తంగా ఉండాలి.

కుటుంబ జీవితంలో..

ఉగాది తర్వాత మకర రాశి వారికి రాజపూజ్యం -03, అవమానం-01గా ఉంటాయి. మీ కుటుంబ జీవితంలో వాతావరణం ఆహ్లాదకరంగా ఉంటుంది. గురు బలం కారణంగా మీ కుటుంబ విషయాలలో విజయం సాధిస్తారు. కొన్ని విలువైన వస్తువులను కొనే అవకాశం ఉంది. గర్భిణీ స్త్రీలకు అన్ని శుభ పరిణామాలే వస్తాయి. మీ ఆరోగ్య పరిస్థితి అద్భుతంగా ఉంటుంది. మీరు తల్లిదండ్రులను గౌరవించాలి.

విద్యా పరంగా..

మకర రాశి వారికి ఉగాది తర్వాత విద్యా రంగంలో శుభ ఫలితాలొస్తాయి. పోటీ పరీక్షల్లో పాల్గొనే వారు గురు ప్రభావంతో మంచి విజయాలు సాధిస్తారు. విద్యార్థులకు విద్యపై ఆసక్తి పెరుగుతుంది. మీ కష్టానికి తగిన ఫలితాలను పొందుతారు. ఉన్నత విద్యను అభ్యసించేందుకు ఎలాంటి ఇబ్బందులు పడాల్సిన అవసరం లేదు. ఏదైనా మంచి విద్యా సంస్థల్లో ప్రవేశం లభించే అవకాశం ఉంది. మెడికల్ పరీక్షలకు సిద్ధమవుతున్న విద్యార్థులు, ఇంజనీరింగ్ విద్యార్థులు కొంత కష్టపడాల్సి ఉంటుంది.​Vruschika Rasi Ugadi Rasi Phalalu 2024-25 శ్రీ క్రోధి నామ సంవత్సరంలో వృశ్చికరాశి వారికి ఆదాయం కంటే ఖర్చులు ఎక్కువ..!​

కెరీర్ పరంగా..

ఈ రాశి వారికి ఉగాది తర్వాత కెరీర్ పరంగా అద్భుత పురోగతి లభిస్తుంది. ఉద్యోగ, వ్యాపారాలలో మీరు మంచి విజయం సాధిస్తారు. ఉద్యోగులకు ప్రమోషన్ లభించే అవకాశం ఉంది. మీకు కంపెనీ నుంచి ప్రోత్సాహాకాలు లభిస్తాయి. మీరు వ్యాపారంలో పురోగతి సాధిస్తారు. మీరు విదేశాలకు వెళ్లొచ్చు. ఈ సమయంలో మీరు సమర్థవంతంగా పని చేస్తారు. మీరు సహోద్యోగులతో, సీనియర్ అధికారులతో మంచి సంబంధాలను ఏర్పరచుకుంటారు.

ఆరోగ్య పరంగా..

ఈ రాశి వారు ఉగాది తర్వాత ఆరోగ్యం విషయంలో చాలా జాగ్రత్తగా ఉండాలి. ఎందుకంటే ఆరోగ్య పరంగా కొన్ని సమస్యలు ఎదురయ్యే అవకాశం ఉంది. కళ్లు, కడుపు నొప్పి, కీళ్ల నొప్పులు వంటి వ్యాధులు మిమ్మల్ని ఇబ్బంది పెట్టొచ్చు. ఈ ఏడాది మీరు ఫిట్‌గా ఉండటానికి యోగా, వ్యాయామం చేయాలి. మీకు ఏవైనా శారీరక సమస్యలుంటే, వెంటనే వైద్యుడిని సంప్రదించాలి. ఆరోగ్యకరమైన ఆహారం తినాలి. ఎక్కువగా నీరు తాగండి.

వివాహ జీవితంలో..

ఈ రాశి వారిలో వివాహితులకు ఉగాది తర్వాత మిశ్రమ ఫలితాలు వచ్చే అవకాశం ఉంది. కొందరు వ్యక్తులు ఈ సమయంలో అనుకూలమైన ఫలితాలను అనుభవించొచ్చు. మరికొందరు వ్యక్తులు వైవాహిక జీవితంలో సవాళ్లను ఎదుర్కోవచ్చు. గురుడి ప్రభావంతో మీకు పురోగతికి అవకాశాలొస్తాయి. మీ భాగస్వామితో సంబంధాలు మెరుగవుతాయి. ఇంకోవైపు శని గ్రహం కారణంగా వివాహ జీవితంలో కొన్ని సవాళ్లు ఎదురవుతాయి. ఈ సమయంలో మీ భాగస్వామితో సంబంధంపై ప్రభావం పడొచ్చు. ఇది అపార్థాలు లేదా వైరుధ్యాలకు దారి తీస్తుంది. నిజాయితీతో కూడిన సంభాషణను కొనసాగించాలి. ఈ కాలంలో మీ రిలేషన్ లేదా వివాహానికి సంబంధించి తొందరపాటు నిర్ణయాలు తీసుకోకుండా ఉండాలి.

పాటించాల్సిన పరిహారాలు..

* ఈ ఏడాది పొడవునా మకర రాశి వారికి శని సాడేసతి ప్రభావం ఏడాది పొడవునా ఉంటుంది. కాబట్టి శని మంత్రాలను పఠిస్తూ శనివారం రోజున శని దేవాలయాన్ని సందర్శించాలి.* శని ఆలయంలో ఆవాల నూనెతో దీపారాధన చేయాలి.* మంగళవారం రోజున హనుమంతుడికి చోళాన్ని సమర్పించాలి.* ప్రతిరోజూ హనుమాన్ చాలీసా పఠించాలి.గమనిక : ఇక్కడ అందించిన జ్యోతిష్య సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.Read Latest Astrology News and Telugu News