MEENA RASI UGADI RASI PHALALU 2024-25 శ్రీ క్రోధి నామ సంవత్సరంలో మీన రాశి వారికి డబ్బు విషయంలో తిరుగనేదే ఉండదట..!

Meena Rasi Ugadi Rasi Phalalu 2024-25 శ్రీ క్రోధి నామ సంవత్సరంలో మీన రాశి వారికి ఆర్థిక పరంగా అద్భుతమైన ప్రయోజనాలు కలగనున్నాయి. ఈ నేపథ్యంలో ఆరోగ్యం, విద్య, కెరీర్, కుటుంబ జీవితంలో ఎలాంటి ఫలితాలు రానున్నాయనే ఆసక్తికరమైన విషయాలను ఇప్పుడు తెలుసుకుందాం...

Meena Rasi Ugadi Rasi Phalalu 2024-25 తెలుగు పంచాంగం ప్రకారం, ఈ ఏడాది ఏప్రిల్ 9వ తేదీ నుంచి శ్రీ క్రోధి నామ సంవత్సరం ప్రారంభమైంది. క్రోధి అంటే కోపం. పేరులో కోపం ఉందని.. ఈ ఏడాది అంతా అందరికీ అలానే ఉంటుందనే అనుమానం అందరికి రావడం సహజమే. అయితే మీన రాశి వారికి కొత్త ఏడాదిలో భవిష్యత్తు పరంగా అనేక అవకాశాలు, సవాళ్లు ఎదురవుతాయి. మీరు అన్ని రంగాల్లో ఏకాగ్రతతో అడ్డంకులను అధిగమించొచ్చు. ముఖ్యంగా గ్రహాల ప్రభావంతో మీ జీవితంలో అద్భుతమైన మార్పులు రానున్నాయి. ఈ సందర్భంగా కొత్త ఏడాదిలో ఆర్థిక పరంగా, ఆరోగ్యం, కుటుంబ జీవితంలో ఎలాంటి మార్పులు రానున్నాయనే పూర్తి వివరాలను ఇప్పుడు తెలుసుకుందాం...1 Ugadi Astrology Predictions 2023.

ఆదాయం-11, వ్యయం-05

ఈ రాశి వారికి కొత్త ఏడాదిలో ఆర్థిక పరంగా మెరుగైన ఫలితాలు రానున్నాయి. అయితే ఆర్థిక నిర్ణయాల విషయంలో జాగ్రత్తగా ఉండాలి. అనవసరమైన రిస్క్‌లు తీసుకోకుండా ఉండాలి. శని ప్రభావంతో ఆర్థిక పరమైన విషయాల్లో కొన్ని సవాళ్లు ఎదుర్కోవాల్సి రావొచ్చు. దీర్ఘకాలిక ఆర్థిక స్థిరత్వంపై ఫోకస్ పెట్టడం వల్ల ఆర్థిక సమస్యలను అధిగమించొచ్చు. మీ ఆర్థిక జీవితంలో విజయం, శ్రేయస్సు సాధించొచ్చు.

కుటుంబ జీవితంలో..

ఈ రాశి వారికి శ్రీ క్రోధి నామ సంవత్సరంలో రాజపూజ్యం -02, అవమానం-04గా ఉంటాయి. ఉగాది తర్వాత గురుడి ప్రభావంతో కుటుంబ సంబంధాలలో సామరస్యం పెరుగుతుంది. అయితే శని దేవుని ప్రభావంతో కొన్ని సమస్యలు ఎదురవుతాయి. ఈ కాలంలో కుటుంబ సభ్యులతో కొన్ని విషయాలను బహిరంగంగా చర్చించాలి. మీ ప్రియమైన వారితో బంధాన్ని బలంగా మార్చుకునేందుకు ప్రయత్నించాలి.

విద్యా పరంగా..

ఈ రాశి వారికి ఉగాది తర్వాత విద్యా రంగంలో కొత్త అవకాశాలొస్తాయి. మీరు కష్టానికి తగిన ఫలితాలను పొందుతారు. అయితే శని సంచారం కారణంగా విద్యలో కొన్ని సవాళ్లు ఎదుర్కోవాల్సి ఉంటుంది. మానసిక శ్రేయస్సుకు ప్రాధాన్యత ఇవ్వడం చాలా ముఖ్యం. మీ లక్ష్యాలపై ఫోకస్ పెట్టి, ఉపాధ్యాయుల, సీనియర్ల నుంచి సలహాలు తీసుకోవాలి. మీ అధ్యయనం పట్ల సానుకూల ఫలితాలను పొందే అవకాశం ఉంది. ఈ కాలంలో సవాళ్లను అధిగమించడం ద్వారా గొప్ప విజయాలు సాధించే అవకాశం ఉంది.​Makar Rasi Ugadi Rasi Phalalu 2024-25 శ్రీ క్రోధి నామ సంవత్సరంలో మకర రాశి వారికి రాహువు ప్రభావంతో అద్భుత ప్రయోజనాలు..!​

కెరీర్ పరంగా..

ఈ రాశి వారికి ఉగాది తర్వాత గురుడి ప్రభావంతో కెరీర్ పరంగా మంచి ఫలితాలొస్తాయి. మీరు అద్భుత విజయాలను సాధించే అవకాశం ఉంది. అయితే శని ప్రభావం కారణంగా కొన్ని సవాళ్లను ఎదుర్కోవాల్సి రావొచ్చు. ఈ కాలంలో కెరీర్ పరంగా బ్యాలెన్స్ మెయింటెన్ చేయాలి. మీరు మానసిక శ్రేయస్సుకు ప్రాధాన్యత ఇవ్వడం చాలా ముఖ్యం. సహోద్యోగుల నుంచి మద్దతు పొందడం ద్వారా, ఈ కాలంలో కొన్ని సవాళ్లు ఎదుర్కోవచ్చు. మీరు కెరీర్ పరంగా గొప్ప విజయాలు సాధించొచ్చు.

ఆరోగ్య పరంగా..

మీన రాశి వారు తెలుగు నూతన సంవత్సరంలో ఆరోగ్యం విషయంలో మిశ్రమ ఫలితాలను పొందుతారు. ముఖ్యంగా ఈ రాశికి చెందిన మహిళలు ఈ కాలంలో ఆరోగ్య పరమైన విషయాల్లో చాలా జాగ్రత్తగా ఉండాలి. తొలి అర్ధభాగంలో ఆరోగ్య పరంగా అనుకూల వాతావరణం ఉంటుంది. ఆ తర్వాత ఆరోగ్య పరంగా కొన్ని సమస్యలను ఎదుర్కోవాల్సి వస్తుంది. ఇలాంటి సమయంలో అప్రమత్తంగా ఉండాలి. సరైన సమయానికి సరైన ఆహారం తీసుకోవాలి. క్రమం తప్పకుండా వ్యాయామం చేయాలి.

వైవాహిక జీవితంలో..

ఈ రాశి వారికి ఉగాది తర్వాత వివాహ జీవితంలో ఆశించిన మేరకు ఫలితాలొస్తాయి. శని సంచారం ప్రభావంతో వైవాహిక జీవితంలో కొన్ని అడ్డంకులు రావొచ్చు. మీరు నిజాయితీగా కమ్యూనికేట్ చేయడం చాలా ముఖ్యం. ఏవైనా సమస్యలు లేదా సవాళ్లను ఎదుర్కొనేందుకు సిద్ధంగా ఉండాలి. మీ ప్రియమైన వ్యక్తితో మీ బంధాన్ని బలోపేతం చేసుకోవచ్చు.

పాటించాల్సిన పరిహారాలు..

* ఈ రాశి వారు ప్రతి నెలా మాస శివరాత్రికి రుద్రాభిషేకం చేయాలి.* అమ్మవారికి కుంకుమ పూజ చేసి సుందరకాండ పారాయణం చేయాలి.* మీ శక్తి మేరకు పేదలకు సహాయం చేయాలి. అవసరమైన వారికి ఆహార పదార్థాలు, బట్టలు దానం చేయాలి.* క్రమం తప్పకుండా వ్యాయామం చేస్తూ ఆరోగ్యాన్ని కాపాడుకోవాలి.* సూర్య నమస్కారం చేయాలి. ఆదిత్య హృదయ స్తోత్రం పఠించాలి.* దక్షిణామూర్తిని లేదా దత్తాత్రేయుడికి ప్రత్యేక పూజలు చేయాలి.* శ్రీ రుద్రం, గురు స్తోత్రం పఠించాలి. గురువారం ఉపవాసం ఉండాలి.గమనిక : ఇక్కడ అందించిన జ్యోతిష్య సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.Read Latest Astrology News and Telugu News