Gold Jewellery Purity Check: మీరు బంగారు ఆభరణాలు కొనుగోలు చేస్తున్నారా? అయితే మీరు కొనే బంగారం స్వచ్ఛత ఎప్పుడైనా చెక్ చేసుకున్నారా? ఇప్పటికీ చాలా మంది గోల్డ్ కొనేటప్పుడు దానిని కొరికి చూడటం, గిల్లి చూడటం వంటివి చేస్తుంటారు. ఇంకా రకరకాల టెస్టులు చేసి తీసుకుంటుంటారు. ఇంకా ఎన్ని క్యారెట్ల బంగారం,, మీరు తీసుకునే జువెలరీలో ఎంత గోల్డ్ ఉంది అనేది తెలుసా? దీని కోసం బ్యూరో ఆఫ్ ఇండియన్ స్టాండర్డ్స్ (BIS) గతంలోనే హాల్ మార్కింగ్ విధానాన్ని తీసుకొచ్చింది. దీని ప్రకారం.. మీరు తీసుకునే బంగారు ఆభరణంలో ఎంత గోల్డ్ ఉంది.. స్వచ్ఛత ఎంత.. ఇలా హాల్ మార్క్తో ధ్రువీకరించి ఇస్తుంది. హాల్ మార్కింగ్ చేసిన బంగారు ఆభరణాలనే విక్రయించాలని ఎప్పుడో స్పష్టం చేసింది.
మొదటగా 2021, జూన్ 16 నుంచే గోల్డ్ జువెలరీకి హాల్ మార్కింగ్ తప్పనిసరి చేయగా.. కరోనా అవాంతరాల నేపథ్యంలో రిటైలర్ల నుంచి ఒత్తిడి కారణంగా దీనిని వాయిదా వేసింది. ఆ తర్వాత 2021 జులై 1కి, మళ్లీ 2023 ఏప్రిల్ 1కి పొడిగించింది. ఇక గతేడాది ఏప్రిల్ 1 నుంచి దీనిని తప్పనిసరి చేసింది. అప్పటినుంచి ఆరంకెల హాల్మార్క్ యూనిక్ ఐడెంటిఫికేషన్ లేదా HUID నంబర్ లేకుండా బంగారు ఆభరణాలు విక్రయించవద్దని స్పష్టం చేసింది BIS. హాల్మార్కింగ్ను BIS ధ్రువీకరిస్తుంటుంది. ఇదే బంగారం స్వచ్ఛతను నిర్ధరిస్తుంది. అందుకే కొనుగోలు చేసే ముందు ప్రజలు.. ఇది గుర్తుంచుకొని చెక్ చేసుకోవడం మరిచిపోవద్దు.
హాల్ మార్క్ ఉండటం వల్ల ఆ బంగారు ఆభరణం ఎన్ని క్యారెట్ల గోల్డ్తో చేసింది.. ఎంత గోల్డ్ అందులో ఉంది.. ఇలా అన్ని వివరాలు ఉండటం వల్ల ఎప్పుడైనా దానిని అమ్మాలన్నా తగిన రేటు పొందగలడు. దీంతో అతడు మోసపోకుండా ఉంటాడని చెప్పొచ్చు. కొందరు నకిలీ బంగారం కూడా విక్రయిస్తున్న నేపథ్యంలో ఈ హాల్ మార్కింగ్ తప్పనిసరి చేసింది.
a) బీఐఎస్ స్టాండర్డ్ మార్క్ (ముద్ర)- ఇది బీఐఎస్ లోగో.. త్రిభుజాకారంలో ఉంటుంది. ఇది బీఐఎస్ సర్టిఫైడ్ అని నిర్ధరిస్తుంది.
b) ప్యూరిటీ/ఫైన్నెస్ గ్రేడ్- 14 క్యారెట్లు, 18 క్యారెట్లు, 22 క్యారెట్లు ఇలా బంగారం ఉంటుంది కాబట్టి 22K, 18K, 14K ఇలా ముద్రించి ఉంటుంది. 22 క్యారెట్ల బంగారు ఆభరణంలో 91.6 శాతం గోల్డ్ ఉంటుంది. 18 క్యారెట్ల జువెల్లరీలో 75 శాతం గోల్డ్ ఉంటుంది. అదే 14 క్యారెట్ల ఆభరణంలో 58.5 శాతం గోల్డ్ ఉంటుంది.
c) ఆరంకెల ఆల్ఫా- న్యూమరిక్ కోడ్. దీనినే HUID అంటారు. దీంట్లో ఆల్ఫాబెట్స్, నంబర్స్ కలిపి ఉంటాయి. ఈ HUID నంబర్ను వెరిఫై చేసుకోవచ్చు. BIS కేర్ యాప్ కూడా ఇందుకోసం ఉంది. దీంట్లో ఆ నంబర్తో సెర్చ్ చేసుకోవచ్చు.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్స్టైల్ అప్డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-08T06:39:13Z dg43tfdfdgfd