LUCKY PLANT: ఇంట్లో ఈ మొక్కను పెంచుకోండి.. సకల దరిద్రాలు వదిలిపోతాయి..!
మన దేశంలో వాస్తు శాస్త్రానికి (Vastu Shastra) ఎంతో ప్రాముఖ్యత ఉంది. ఇది నివాస స్థలాల నిర్మాణం, అమరిక ద్వారా శ్రేయస్సు, ఆనందం, అదృష్టాన్ని పెంపొందించడంపై దృష్టి పెడుతుంది. ఈ శాస్త్రం ప్రకారం, ఇంటిలోని వస్తువుల స్థానం, దిశ శక్తి ప్రవాహాన్ని ప్రభావితం చేస్తుంది, ఇది మన జీవితాలపై ప్రభావం చూపుతుంది.
అయితే వాస్తు శాస్త్రంలో వెదురు మొక్కకు చాలా ప్రాముఖ్యత ఉంది. దీన్ని ఇంట్లో నాటుకుంటే శక్తి, అదృష్టం, శ్రేయస్సును పెంపొందించుకోవచ్చు. ఇది పాజిటివ్ ఎనర్జీని వ్యాపిస్తూ, నెగిటివ్ ఎనర్జీని బయటకు పంపుతుంది. తద్వారా ఇంట్లో ఆహ్లాదకరమైన వాతావరణాన్ని క్రియేట్ చేస్తుంది. దీన్ని ఇండోర్ ప్లాంట్‌గా కూడా పెంచుకోవచ్చు.
వాస్తు ప్రకారం, వెదురు మొక్కలోని కొన్ని ప్రత్యేక లక్షణాలు ప్రజలకు మంచి చేస్తాయి. వెదురు చాలా వేగంగా పెరిగే మొక్క. ఇది శ్రేయస్సు, అభివృద్ధిని సూచిస్తుంది. వాస్తు శాస్త్రంలోనే కాదు హిందూమతంలో దీనికి ప్రత్యేక స్థానం ఉంది. ఈ మొక్క దీర్ఘాయువు, వైద్యం, సానుకూల శక్తితో ముడిపడి ఉంటుంది.
వెదురు ఎంతో ఎత్తుగా పెరుగుతుంది, ఇది ఆధ్యాత్మిక అభివృద్ధిని సూచిస్తుంది. దీన్ని నీటిలో లేదా మట్టిలో పెంచవచ్చు. నీటిలో పెరిగే వెదురు డబ్బు, సంపద, సానుకూల శక్తిని సూచిస్తుంది. సంబంధాలను బలోపేతం చేస్తుంది. దీనిని ఇంట్లో నాటడం లేదా ఉంచడం కారణంగా కలిగే ప్రయోజనాలు ఏవో తెలుసుకుందాం.
ఇంట్లో వెదురు మొక్కతో ప్రయోజనాలు
వాస్తు శాస్త్రం ప్రకారం, ఇంట్లో వెదురు మొక్క ఉంచితే అనేక ప్రయోజనాలు లభిస్తాయి. ఇవి సుమారు 400 నుండి 500 సంవత్సరాల వరకు జీవించగలవు. అందువల్ల వాటిని దీర్ఘాయువుకు ప్రతీకగా భావిస్తారు. అనారోగ్యంతో బాధపడుతున్న వ్యక్తి గదిలో వెదురు మొక్క పెడితే, వారి జబ్బు త్వరగా నయం అవుతుందని నమ్ముతారు. వెదురు మొక్క ఏ పరిస్థితులలోనైనా పెరుగుతుంది. దీనివల్ల స్థిరమైన సంపదకు చిహ్నంగా నిలుస్తుంది. డబ్బు, శ్రేయస్సు పెరుగుతాయని నమ్ముతారు.
వ్యాపారంలో స్థిరత్వం, వృద్ధి కోసం ఆఫీస్‌లో వెదురు మొక్క ఉంచడం మంచిది. ఇవి పురోగతికి, వ్యాపార స్థిరత్వానికి దారి తీస్తుందని నమ్ముతారు. వెదురు మొక్కలు, బాంబూ విండ్ఛైమ్స్ (Bamboo wind chimes) పర్యావరణంలో సానుకూల శక్తిని పెంచుతాయి.
వెదురు మొక్కలు ప్రకృతిలో ఒక భాగంగా, మనకు శాంతిని, సామరస్యతను ఇచ్చే శక్తిని కలిగి ఉంటాయని భావిస్తారు. బాంబూ విండ్ఛైమ్స్ సున్నితమైన శబ్దాలు మనసును ప్రశాంతపరచి, మనల్ని ఆనందంగా ఉంచుతాయి. వెదురు మొక్కలు, విండ్ఛైమ్స్ వాతావరణంలో సానుకూలతను పెంచి, ప్రతికూలతను తగ్గిస్తాయి.
వెదురు మొక్కను తూర్పు లేదా ఆగ్నేయ దిశలో ఉంచడం మంచిదని వాస్తు పండితులు సూచిస్తున్నారు. ప్రవేశ ద్వారం దగ్గర దీన్ని ఉంచితే ఇంట్లోకి సానుకూల శక్తి ప్రవేశిస్తుంది. ఆఫీసు టేబుల్‌పై ఈ మొక్కను పెడితే వల్ల వృత్తిపరమైన విజయం లభించే అవకాశాలు ఎక్కువగా ఉంటాయి. బాంబూ ప్లాంట్ కారణంగా పడకగదిలో స్లీప్ క్వాలిటీ పెరుగుతుందని నమ్ముతారు.
(Disclaimer: ఈ ఆర్టికల్‌లో ఇచ్చినది ప్రజల విశ్వాసాలు, ఇంటర్నెట్‌లో సోషల్ సమాచారం మాత్రమే. దీన్ని తెలుగు న్యూస్ 18 నిర్ధారించట్లేదని గమనించగలరు.)