Egg: రోజూ గుడ్డు తింటే ఏమవుతుందో తెలుసా..? శరీరంలో జరిగే మార్పులివే!
గుడ్డు తక్కువ ధరలో లభించే మంచి పోషకాహారం. దీంట్లో వివిధ రకాల న్యూట్రియెంట్స్, విటమిన్లు, ఖనిజాలు ఉంటాయి. ఒక గుడ్డు నుంచి దాదాపు 77 క్యాలరీలు, 6 గ్రాముల ప్రోటీన్, 5 గ్రాముల మంచి కొవ్వులు శరీరానికి అందుతాయి. విటమిన్ A, D, E, B12 వీటి నుంచి లభిస్తాయి. మెదడు పనితీరుకు, కంటి ఆరోగ్యానికి అవసరమైన పోషకాలు గుడ్డు పచ్చసొనలో ఉంటాయి. అందుకే రోజూ ఒక గుడ్డు తినాలని పోషకాహార నిపుణులు సూచిస్తారు. రోజూ ఒక గుడ్డు తింటే శరీరంలో జరిగే ఆరోగ్యకరమైన మార్పులు ఏవో తెలుసుకుందాం. మెదడు ఆరోగ్యంరోజూ ఒక గుడ్డు తింటే మెదడు పనితీరు మెరుగుపడుతుంది. ఇందులోని యాంటీఆక్సిడెంట్లు నాడీ సంబంధిత వ్యాధుల బారిన పడే ముప్పును తగ్గిస్తాయి. దీంతో పాటు, పచ్చసొనలో ఉండే కోలీన్ అనే పోషకం, మెదడు పనితీరును పెంచుతుంది. కోలీన్ వల్ల మూడ్ స్వింగ్స్ తగ్గుతాయి, మెమరీ పవర్ పెరుగుతుంది, ఇది న్యూరో ట్రాన్స్‌మిటర్ సింథసిస్‌కి సహాయపడుతూ, బ్రెయిన్ యాక్టివిటీని పెంచుతుంది. బోన్ హెల్త్గుడ్డులో లభించే మరో ముఖ్యమైన పోషకం.. ‘విటమిన్ D’. ఇది ఎముకల ఆరోగ్యానికి అవసరం ఈ పోషకం తగినంత అందితేనే, శరీరం కాల్షియంను గ్రహించుకుంటుంది. తద్వారా ఎముకల పటుత్వాన్ని మెరుగు పరిచి, ఫ్రాక్చర్స్‌ రిస్క్ తగ్గిస్తుంది. కండరాల బలోపేతానికి కూడా గుడ్డు ఉపయోగపడుతుంది. దీంట్లో ఉండే ప్రొటీన్, మజిల్ పవర్‌ను పెంచుతుంది. ఇందులోని అమైనో యాసిడ్స్ కండరాలకు అయ్యే గాయాలను త్వరగా రిపేర్ చేస్తాయి. హార్ట్ ప్రాబ్లమ్స్‌కు చెక్గుడ్డులో హెల్తీ ఫ్యాట్ ఉంటుంది. దీంతో రోజూ ఎగ్స్ తింటే శరీరంలో లిపిడ్స్ పెరుగుతాయి. హై డెన్సిటీ లిపోప్రొటీన్(HDL) పెరిగి గుండె వ్యాధుల బారిన పడే ముప్పు తగ్గుతుంది. అయితే కొందరిలో దీని ప్రభావం భిన్నంగా ఉండొచ్చని నిపుణులు చెబుతున్నారు. వ్యక్తి జన్యువులను, ఓవరాల్ డైట్‌ని బట్టి గుండె వ్యాధుల బారిన పడే ముప్పు ఆధారపడి ఉంటుంది. వెయిట్ మేనేజ్‌మెంట్గుడ్డులో ప్రొటీన్ ఉండటంతో శరీరానికి కావాల్సిన క్యాలరీలు అందుతాయి. దీంతో కడుపు నిండిన అనుభూతి ఉంటుంది. తద్వారా ఆహారం ఎక్కువగా తినకుండా చేస్తుంది. బ్రేక్‌ఫాస్ట్‌లో గుడ్డు తీసుకుంటే ఆకలి తగ్గి, యాక్టివ్‌గా ఉండేలా చేస్తుందని అధ్యయనాలు చెబుతున్నాయి. కొన్ని సమస్యలురోజూ గుడ్డు తినడం వల్ల కొంతమంది వ్యక్తులకు కొన్ని సమస్యలు ఎదురయ్యే అవకాశం ఉంది. ముఖ్యంగా ఇప్పటికే కొన్ని ఆరోగ్య సమస్యలతో బాధపడుతున్న వారు కొలెస్ట్రాల్ స్థాయులను ఎప్పటికప్పుడు మానిటర్ చేసుకుంటూ ఉండాలి. కొందరికి గుడ్డు తింటే అలర్జీ వస్తుంది. ముఖ్యంగా పిల్లల్లో ఈ లక్షణాలు కనిపిస్తాయి. ఒక్కోసారి ఇవి తీవ్రమయ్యే అవకాశం ఉంటుంది. కాబట్టి, ఆరోగ్య పరిస్థితి బట్టి, వైద్యుల సలహాతో డైట్‌లో గుడ్డు తినాలని నిపుణులు సూచిస్తున్నారు. (Disclaimer: ఈ ఆర్టికల్ లో అందించిన సమాచారం సాధారణ అంచనాల ఆధారంగా రూపొందించబడింది. news18 Telugu ఇదే విషయాన్ని ధృవీకరించలేదు. దయచేసి వాటిని అమలు చేయడానికి ముందు సంబంధిత నిపుణులను సంప్రదించండి)
2024-05-20T09:32:46Z
జ్యోతిష్యం ప్రకారం.. మీకు ఏ రాశి వారు శత్రువులు అవుతారో తెలుసుకోండి..
మనకు అందరూ శత్రువులు కారు, అలానే మిత్రులు కారు. కొందరితోనే స్నేహం కుదురుతుంది. ఇంకొందరితో అన్ని విషయాల్లోనూ అభిప్రాయ భేదాలు వచ్చి శత్రువులుగా మారతారు. జ్యోతిష శాస్త్రం ప్రకారం, ఇందుకు కొన్ని కారణాలు ఉంటాయి. ముఖ్యంగా కొన్ని రాశిచక్రాలు ఒకదానికొకటి అనుకూలంగా ఉండవు. కొన్ని రాశుల వారు ఎప్పుడూ శత్రువులుగా ఉంటారు. ఇంగ్లీష్ జాగ్రణ్ రిపోర్ట్ ప్రకారం, మీ రాశిచక్రం ఆధారంగా చూస్తే, మీకు ఏ రాశివారు ప్రత్యర్థి అవుతారు? ఎవరిని ఎప్పటికీ నమ్మకూడదో తెలుసుకోండి. మేషం (శత్రువు రాశి - మీనం)మేషరాశికి అధిపతి గురుడు, మూలకం అగ్ని. దీంతో అత్యంత శక్తివంతమైన సంకేతాలలో మేషంగా ఒకటిగా నిలుస్తుంది. మీనం, నీటి రాశి, అగ్ని రాశి అయిన మేషంతో సాధారణంగా కలవదు. మీనం ఎప్పుడూ అవసరాలు తీర్చుకునేందుకు ప్రాధాన్యం ఇస్తుంది, ఇది ఇండిపెండెంట్‌ మేషరాశిని నిరాశపరుస్తుంది. మేషరాశికి, మీనం తరచుగా చాలా సున్నితంగా కనిపిస్తుంది, ఇది వారికి హ్యాండిల్‌ చేయడం చాలా కష్టం. మేషరాశి వారు మీనం అతి సున్నిత స్వభావాన్ని తట్టుకోవడం కష్టం. వృషభం (శత్రువు రాశి - సింహం)వృషభం ప్రేమ, అందం, ఆకర్షణ, సంతృప్తి, కృతజ్ఞతకు సంకేతం. అధిపతి శుక్రుడు. రెండు అయస్కాంతాలు ఒకదానికొకటి ఎలా ఆకర్షించగలవో, వికర్షించగలవో అదేవిధంగా, సింహరాశి, వృషభరాశికి సంక్లిష్టమైన సంబంధం ఉంది. వారు బాగా కలిసి పని చేయవచ్చు లేదా గొడవ పడవచ్చు. వారి మొండితనం కారణంగా వారి మధ్య కమ్యూనికేషన్ సులభంగా విచ్ఛిన్నమవుతుంది. సింహం (సింహం) లేదా ఎద్దు (వృషభం) బాధ్యత తీసుకోవడానికి ఇష్టపడవు. కాబట్టి విభేదాలు పెద్దగా మారవచ్చు. మొండి పట్టుదలగల వృషభం తప్పిదాలను గుర్తు చేస్తుంది, సింహరాశి వారు వాటిని ఒప్పుకోవడానికి ఇష్టపడరు. మిథునం (శత్రువు రాశి - కన్య)మిథునరాశి వారు స్నేహంగా ఉంటారు. వీరు జ్ఞానవంతులు, వినోదాన్ని ఇష్టపడతారు. కన్యారాశి, మిథునం రెండింటికి కమ్యూనికేషన్‌ని ప్రభావితం చేసే బుధుడు అధిపతి. అయినప్పటికీ, అవి చాలా భిన్నంగా ఉంటాయి. కన్యా రాశివారు దినచర్యకు విలువ ఇస్తారు, మిథునరాశి వారు ఆకస్మికంగా ఉంటారు. వారి వ్యక్తిత్వాలు తరచుగా విభేదిస్తాయి. కన్య ఒక పితృ పాత్రను పోషిస్తుంది, మిథునం చాలా డిమాండ్, సూటిగా ఉంటుంది. మిథునరాశివారిఇన పిల్లవాడిలా భావించవచ్చు. కర్కాటకం (శత్రువు రాశి - ధనుస్సు)కర్కాటక రాశివారు స్నేహంగా ఉంటారు, సున్నిత మనస్కులు. ఇంటితో బలమైన సంబంధం కలిగి ఉంటారు. వారి సున్నితమైన, అంకితమైన స్వభావం కారణంగా, కర్కాటకరాశి వారు ధనుస్సు ద్వారా తరచుగా బాధపడవచ్చు. ధనస్సు, సూటిగా, హేతుబద్ధంగా ఉండటం వలన, కర్కాటకం భావాలను నిర్లక్ష్యం చేయవచ్చు. ఒకరినొకరు మార్చుకోవడానికి వారి ప్రయత్నాలు ఉన్నప్పటికీ, ఏ సంకేతం రాజీకి సిద్ధంగా లేదు. ఈ అననుకూలత ధనుస్సు రాశిపై కర్కాటక రాశికి కోపం తెప్పించవచ్చు, కానీ శత్రుత్వం సాధారణంగా ఏకపక్షంగా ఉంటుంది. ధనుస్సు రెండో ఆలోచన లేకుండా ముందుకు వెళ్తుంది. సింహం (శత్రువు రాశి - కర్కాటకం)శ్రద్ధ, ఎదుగుదల కోసం తమ కోరికను పంచుకోని వారికి సింహరాశి అహంకారంగా అనిపించవచ్చు. సింహరాశి వారు తరచుగా చాలా గర్వంగా ఉంటారు, వెలుగులోకి రావడాన్ని ఇష్టపడతారు. దీనికి విరుద్ధంగా, కర్కాటకం సున్నితమైంది. ఫోకస్ కావడానికి ఇష్టపడదు. ఈ స్పష్టమైన వ్యక్తిత్వ వ్యత్యాసాల కారణంగా, సింహరాశి అనుకోకుండా కర్కాటకం భావాలను దెబ్బతీస్తుంది. కన్య (శత్రువు రాశి - కుంభం)బుధుడు కన్యారాశిలో ఉన్నాడు, కాబట్టి ఈ రాశిలో జన్మించిన వారు సమర్థవంతంగా రాయడానికి, కమ్యూనికేట్ చేయడానికి ఆసక్తి చూపుతారు. కన్య రాశివారు తరచుగా తెలివిగలవారు, గమనించేవారు, విశ్లేషణాత్మకంగా ఉంటారు. కుంభ రాశివారు అజాగ్రత్తగా, అహేతుకంగా ఉన్నట్లు వారు గుర్తించవచ్చు. ఎందుకంటే వారు హేతుబద్ధంగా ఆలోచిస్తారు. కుంభరాశివారు వినడానికి సిద్ధంగా ఉన్నప్పటికీ, వారు తరచుగా కన్యల వంటి సంక్లిష్ట వ్యక్తిత్వాలను హ్యాండిల్‌ చేయడానికి కష్టపడతారు. తుల (శత్రువు రాశి - వృశ్చికం)తులా రాశి వారు, వాయు సంకేతాలు కాబట్టి నేర్చుకోవాలనే స్థిరమైన కోరికను కలిగి ఉంటారు. స్నేహంగా ఉండటంతో దాదాపు ఎవరితోనైనా కలిసి ఉండవచ్చు. ఏది ఏమైనప్పటికీ, వృశ్చిక రాశి, నీటి రాశి. తులారాశి జీవితంలో చాలా గందరగోళాన్ని కలిగిస్తుంది. త్వరగా క్షమించే తులా రాశికి వృశ్చికం శత్రువుగా మారవచ్చు. స్నేహం లేదా సంబంధం ఆదర్శంగా కనిపించినప్పటికీ, వృశ్చికం రాశి ఏదో తప్పుగా అనుమానించవచ్చు, సమస్యలను సృష్టించవచ్చు. వృశ్చికం తరచుగా తమ జీవితాల్లో డ్రామాని కోరుకుంటారు. దీన్ని తుల రాశి వారు స్వీకరించలేరు. వృశ్చికం (శత్రువు రాశి - సింహం)వృశ్చిక రాశివారు బోల్డ్, ఇంపల్సివ్‌, ఉద్వేగభరితమైన వ్యక్తులు. మేషం, కర్కాటకం వంటి నీరు. అగ్ని సంకేతాల మధ్య అననుకూలత వలె వృశ్చికం, సింహం కూడా అనుకూలంగా లేవు. అయితే సింహరాశి, వృశ్చిక రాశివారు అనేక సారూప్యతలను పంచుకుంటారు. రెండు సంకేతాలు బలమైన సంకల్పాలను కలిగి ఉంటాయి. ఆఖరికి మొండి పట్టుదలగల ఇద్దరు కలిసి ఉండడం కష్టం. ఇద్దరూ విలువలకు ప్రాధాన్యం ఇస్తారు, అవసరాలకు తగినట్లు మారడానికి వెనకాడరు. వారి సారూప్యతలు మొదట్లో ఒకరినొకరు ఆకర్షించవచ్చు, కానీ వారి కంబైన్డ్‌ డెసిషన్‌ అనేక తీవ్రమైన వాదనలకు దారి తీస్తుంది. ధనుస్సు (శత్రువు రాశి - వృషభం)చాలా మంది ధనుస్సు రాశి వ్యక్తులు విభిన్న వ్యక్తులతో సంభాషిస్తారు. అన్నింటికంటే మించి, ధనుస్సు రాశివారు అవకాశాలను కోరుకునేవారు, దేనినీ లేదా ఎవరైనా వారిని పరిమితం చేయడానికి ఇష్టపడరు. భూమి రాశి అయిన వృషభ రాశి వారు రొమాంటిక్ లేదా సెంటిమెంట్ రిలేషన్‌లో కూడా మంచిగా ఉండే ధోరణి కారణంగా ధనుస్సు రాశిని పొందడం సాధ్యమవుతుంది. ధనుస్సు రాశివారు ఈ స్వాధీనతను సహించరు. వారు స్థిరత్వంపై వృషభం పట్టుదలను ఒక ఉచ్చుగా చూడవచ్చు. దీంతో ఇంటరాక్షన్‌కి దూరంగా ఉంటారు. మకరం (శత్రువు రాశి - తులారాశి)సాధారణంగా, మకరరాశి వారి కెరీర్ విజయాలు, జీవితంలో పురోగతిపై దృష్టి పెడుతుంది. తులారాశి వారి సోషల్ క్యాలెండర్ ద్వారా డిస్ట్రాక్షన్‌లో ఉంటుంది. కొంతమంది మకరరాశివారు తులారాశిని చైల్డిష్‌గా, బాధించే వారిగా చూడవచ్చు. తత్ఫలితంగా, వ్యవస్థీకృత మకర రాశి, అనూహ్య స్వభావం గల తుల మధ్య విభేదాలు తలెత్తుతాయి. కుంభం (శత్రువు రాశి - మకరం)కుంభరాశివారు లోతైన విద్యావేత్తలు, ఇతరులకు సహాయం చేయడం ఆనందిస్తారు. ఒక ఊహాత్మక, కళాత్మకమైన కుంభ రాశి వారు మకర రాశిని సహజ విరోధిగా చూడవచ్చు. ఆర్థిక పరంగా కుంభరాశి వారు ఖర్చు చేస్తారు, మకరరాశి వారు పొదుపు చేసేవారు. ఇలా ఇద్దరూ అనేక అంశాల్లో ఘర్షణ పడతారు. కుంభ రాశి వారు తరచుగా మకరం దృక్పథాన్ని అర్థం చేసుకోవడానికి కష్టపడతారు. మీనం (శత్రువు రాశి - మిధునం)మీనం వారి ఉదారత కారణంగా, విభిన్న శ్రేణి వ్యక్తులతో అనుబంధం కలిగి ఉంటుంది. సూటిగా ఉండే మిథునరాశి వారికి మీన రాశివారు చాలా సున్నితంగా ఉంటారు. మిథునం శక్తి మీనరాశికి చాలా అశాంతి కలిగించవచ్చు, వారు తమ జంట రాశితో సహకరించడానికి వెనుకాడతారు. మిధున రాశివారు మీన రాశిని వారిని బయటపడేలా ప్రోత్సహించడానికి ప్రయత్నించవచ్చు, కానీ ఇది తరచుగా ఎదురుదెబ్బ తగిలి మీన రాశికి మరింత అసౌకర్యం కలుగుతుంది. (Disclaimer: ఈ ఆర్టికల్‌లో ఇచ్చినది ప్రజల విశ్వాసాలు, ఇంటర్నెట్‌లో సోషల్ సమాచారం మాత్రమే. దీన్ని తెలుగు న్యూస్ 18 నిర్ధారించట్లేదని గమనించగలరు.)
2024-05-21T02:20:22Z
రాశి నాథుడు బలంగా అనుకూలంగా ఉండటం వల్ల ఈ 6 రాశులకు శుభ పరిణామాలు
Astrology: రాశి నాథుడు బలంగా అనుకూలంగా ఉన్న పక్షంలో జాతకంలో ఎన్ని దోషాలున్నా కొట్టుకుపోతాయని, అవయోగాలు కూడా శుభ యోగాలుగా మారిపోతాయని జ్యోతిషశాస్త్రం చెబుతోంది. ఎన్ని శుభ యోగాలున్నా రాశినాథుడు బలహీనంగా ఉన్నప్పుడు ఆ యోగాలేవీ పని చేయవని కూడా ఇది చెబుతోంది. ఉచ్ఛ క్షేత్రంలో లేదా మిత్ర క్షేత్రంలో లేదా స్వక్షేత్రంలో ఉన్నప్పుడు రాశినాథుడు బలవంతుడవుతాడు. నీచలో గానీ, శత్రు క్షేత్రంలో గానీ, దుస్థానంలో గానీ ఉన్నప్పుడు రాశి నాథుడు బలహీనపడతాడు. ప్రస్తుత గ్రహ సంచారంలో ఆరు రాశులకు రాశినాథుడు బలంగా ఉన్నందువల్ల వీరికి ఏ చిన్న యోగమైనా అత్యుత్తమ ఫలితాలనిస్తుంది. వృషభం, మిథునం, సింహం, వృశ్చికం, మకరం, కుంభ రాశులకు ప్రస్తుతం రాశినాథుడు బాగా అనుకూలంగా ఉండడం జరిగింది. వృషభంఈ రాశ్యధిపతి శుక్రుడు ఇదే రాశిలో, అంటే స్వస్థానంలో ఉన్నందువల్ల, మరో రెండు నెలల పాటు వీరి జీవితం ఆడింది ఆటగా పాడింది పాటగా సాగిపోతుంది. ఉద్యోగంలో స్థిరత్వం లభిస్తుంది. సంపాదన బాగా పెరుగుతుంది. వీరికి మహా భాగ్య యోగం పడుతుంది. ఆదాయ ప్రయత్నాలన్నీ కలిసి వస్తాయి. వృత్తి, వ్యాపారాల్లో లాభాల పంట పండుతుంది. నిరుద్యోగుల కల సాకారం అవు తుంది. సంపన్న కుటుంబంలో పెళ్లి సంబంధం కుదురుతుంది. మంచి స్నేహాలు ఏర్పడతాయి. మిథునంఈ రాశి అధిపతి లాభ స్థానంలో సంచారం చేస్తున్నందువల్ల అనేక శుభ యోగాలు, ధనయోగాలు కలుగుతాయి. ఊహించని విధంగా సంపద పెరుగుతుంది. ఉద్యోగంలోప్రాధాన్యం, ప్రాభవం పెరగడంతో పాటు జీతభత్యాలు కూడా బాగా వృద్ధిచెందుతాయి. వృత్తి, వ్యాపారాలు లాభాల బాట పడతాయి. ఉన్నత స్థాయివ్యక్తులతో లాభదాయక పరిచయాలు ఏర్పడతాయి. గృహ, వాహన యోగాలు పడతాయి.ఆస్తిపాస్తుల విలువ పెరుగుతుంది. ఆరోగ్యం కుదుటపడు తుంది. సింహంఈ రాశ్యధిపతి రవి దశమ స్థానంలో సంచారం చేయడం, దీనితో గురు, శుక్రులుకలిసి ఉండడం వల్ల ఉద్యోగంలో తప్పకుండా ప్రాధాన్యం, ప్రాభవం పెరుగుతాయి. ఏప్రయత్నం తలపెట్టినా కలిసి వస్తుంది. నిరుద్యోగులకు ఆశించిన కంపెనీలోఉద్యోగం లభిస్తుంది. వృత్తి, ఉద్యోగాల్లో స్థిరత్వం లభిస్తుంది. ఉద్యోగంమారడానికి చేస్తున్న ప్రయత్నాలు సఫలం అవుతాయి. దాదాపు పట్టిందల్లా బంగారంఅవుతుంది. సంపద బాగా పెరుగుతుంది. వ్యాపారాలు కూడా అభివృద్ధి బాటపడతాయి. వృశ్చికంఈ రాశ్యధిపతి కుజుడు పంచమ కోణంలో, మిత్ర క్షేత్రంలో ఉన్నందువల్ల, వీరిమనసులోని కోరి కలు చాలావరకు నెరవేరుతాయి. చాలా కాలంగా వేధిస్తున్నవ్యక్తిగత సమస్యల నుంచి విముక్తి లభిస్తుంది. ఉద్యోగంలో ప్రతిభా పాటవాలు,శక్తి సామర్థ్యాలు వెలుగులోకి వస్తాయి. పిల్లలు వృద్ధి లోకి వస్తారు.సంతాన యోగానికి అవకాశముంది. మీ సలహాలు, సూచనలకు విలువ పెరుగు తుంది.ఉన్నత స్థాయి వ్యక్తులతో పరిచయాలు పెరుగుతాయి. ఆరోగ్యం చాలావరకుమెరుగుపడు తుంది. మకరంఈ రాశి అధిపతి అయిన శనీశ్వరుడు ధన స్థానంలో, స్వస్థానంలో సంచారంచేస్తున్నందువల్ల, వీరికి ధనపరంగా ఎటువంటి లోటూ ఉండకపోవచ్చు. ఆర్థికప్రయత్నాలు, అదనపు ఆదాయ ప్రయత్నాలు బాగా కలిసి వస్తాయి. ఆర్థిక పరిస్థితిగణనీయంగా మెరుగుపడి, ముఖ్యమైన అవస రాలు చాలావరకు తీరిపోతాయి. ఉద్యోగంలోప్రాధాన్యం పెరుగుతుంది. ప్రతిభా పాటవాలు రాణి స్తాయి. వృత్తి,వ్యాపారాలు లాభాల బాటపడతాయి. మాటకు, చేతకు బాగా విలువ పెరుగుతుంది. కుంభంఈ రాశి అధిపతి అయిన శనీశ్వరుడు ఇదే రాశిలో ఉన్నందువల్ల, ఉద్యోగస్థిరత్వం, ఆర్థిక స్థిరత్వం లభిస్తాయి. వ్యక్తిగత సమస్యలు చాలావరకుపరిష్కారమై, మనశ్శాంతి లభిస్తుంది. వృత్తి, ఉద్యోగా లతో పాటు సామాజికంగాకూడా గౌరవ మర్యాదలు వృద్ధి చెందుతాయి. కొత్త ప్రయత్నాల వల్ల లాభంఉంటుంది. విదేశీ ప్రయాణాలకు అవకాశముంటుంది. నిరుద్యోగులకు, ఉద్యోగులకుమంచి అవకాశాలు అందుతాయి. వ్యాపారాల్లో సమస్యలు పరిష్కారమయి, లాభాల బాటపడతాయి. (Disclaimer: ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది ఖచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలు లేవు.) (ప్రతీకాత్మక చిత్రం).
2024-05-21T14:52:06Z