ఆకుకూరలు, కూరగయల్ని ఇలా వండితేనే పోషకాలన్నీ అందుతాయి..

ఆకుకూరలు ఆరోగ్యానికి చాలా మంచివి, అలానే పచ్చి కూరగాయలు కూడా. వాటిని ఎలా వండాలో తెలుసుకోండి.

మనం ఆరోగ్యంగా, సమస్యలు లేకుండా ఉండాలంటే పోషకాలన్నీ మనకి అందాలి. ఈ పోషకాలు ఆకుకూరలు, పచ్చికూరగాయల్లో ఎక్కువగా ఉంటాయి. అందుకే, వీటిని తీసుకోవడం చాలా ముఖ్యం. అయితే, వీటిని వండే విషయంలో చాలా మంది తెలిసితెలియక తప్పులు చేస్తున్నారు. దీంతో ఇందులోని పోషకాలు మనవరకూ చేరవు. అలా కాకుండా ఎలా వండితే అందులోని పోషకాలు మనకి చేరుతాయో తెలుసుకోండి. వంట పూర్తయ్యాక..

సరిగ్గా వండాక వీటిపై నుంచి వెల్లుల్లి, నిమ్మరసం, ఇతర మసాలాలు వేస్తే రుచిపెరుగుతంది. వీటితో పాటు కాస్తా ఉప్పు, ఆలివ్ ఆయిల్ చల్లితే కూరగాయలు మెరుస్తాయి. రుచి కూడా పెరుగుతుంది.

పెద్దపాన్‌లో..

కూరగాయలు వండేటప్పుడు పెద్ద పాత్ర తీసుకోండి.. దీని వల్ల అవి సరిగ్గా ఉడుకుతాయి. అలా కాకుండా చిన్న పాన్ పెడితే వాటిని ఫ్రై చేయడానికి చాలా టైమ్ పడుతుంది. ​Also Read : షుగర్ ఉన్నవారు వీటిని అస్సలు తినొద్దొట..​

ఎక్కువ నీరు వద్దు..

కూరగాయల్ని వండేటప్పుడు ఎక్కువగా నీరు పోయొద్దు. దీంతో పోషకాలు నశిస్తాయి. రుచి తగ్గుతుంది. తక్కువ మొత్తంలో నీటిని వాడడం వల్ల కూరగాయలు ఉడికిపోతాయి. రంగు అలానే ఉంటుంది.

బ్లాంచింగ్..

బ్లాంచింగ్ అంటే కూరగాయల్ని కాసేపు వేడినీటిలో వేసి తర్వాత వెంటనే చల్లని నీటిలో వేయడం. ఇలా చేయడం వల్ల అందులోని పోషకాలు చెక్కుచెదరకుండా ఉంటాయి. కూరగాయలు మరింత క్రిస్పీగా తయారవుతాయి. దీంతో రుచి కూడా పెరుగుతుంది. ​Also Read : వీటిని తినేముందు కచ్చితంగా నానబెట్టాల్సిందేనట..​

అతిగా ఉడికించొద్దు..

చాలా మంది కూరలు వండేటప్పుడు ఈ తప్పు చేస్తుంటారు. అవేంటంటే, ఎక్కువగా ఉడికించడం. ఇలా కూరగాయలు, ఆకుకూరల్ని ఎక్కువగా ఉడికిస్తే అందులోని రంగు, పోషకాలు దెబ్బతింటాయి. అందుకే అలా వండకుండా బ్లాంచింగ్, సాటింగ్ వంటి పద్ధతులు ఫాలో అవ్వండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఇవి పాటించడం వల్ల ఫలితాలు అనేవి వ్యక్తిగతం మాత్రమే. వీటిని పాటించే ముందు డైటీషియన్‌ని సంప్రదించడమే ఉత్తమ మార్గం. గమనించగలరు.

Read More : Health News and Telugu News