నిమ్మరసాన్ని ఇలా తీసుకుంటే షుగర్ లెవల్స్ కంట్రోల్ అవుతాయట..

షుగర్ వచ్చిందంటే చాలా సమస్యలొస్తాయి. దీనిని కంట్రోల్ చేయడంలో నిమ్మరసం బాగా పనిచేస్తుంది. నిమ్మరసాన్ని రోజూ వాడితే షుగర్ లెవల్స్ కంట్రోల్ అవుతాయి. అదెలానో తెలుసుకోండి.

నిమ్మలో విటమిన్ సి ఉంటుంది. ఇది ఇమ్యూనిటీని పెంచుతుంది. ఇందులోని కరిగే ఫైబర్ కంటెంట్ మన జీర్ణశక్తిని పెంచుతుంది. ముఖ్యంగా ఎండల్లో శరీర ఉష్ణోగ్రతని చల్లబరిచే గుణం నిమ్మకి ఉంది. ఇటీవలి పరిశోధనల ప్రకారం నిమ్మరసం షుగర్‌ని కంట్రోల్ చేయగలదని డయాబెటీస్ అసోసియేషన్ తమ నివేదికల్లో పేర్కొంది. ఇందులో తక్కువ తీపి ఉంటుంది. దీంతో మన రక్తంలో చక్కెర స్థాయి కంట్రోల్ అవుతుంది. శరీరంలోని మంటని కంట్రోల్ చేస్తుంది. డయాబెటీస్ కంట్రోల్‌కి..

షుగర్‌ని కంట్రోల్ చేసే విషయంలో ఫుడ్ కీ రోల్ పోషిస్తుంది. షుగర్ ఉన్నవారికి నిమ్మకాయలు అవసరం. ఎందుకంటే, నిమ్మలో విటమిన్ సి, ఫైబర్, యాంటీ ఇన్‌ఫ్లమేటరీ గుణాలు, యాంటీ ఆక్సిడెంట్ గుణాలు ఉన్నాయి. ఇవి మన రక్తంలో చక్కెర స్థాయిలను కంట్రోల్ చేసి జీవక్రియ ప్రక్రియని ప్రేరేపిస్తుంది.

బెండకాయ తింటే షుగర్ కంట్రోల్ అవుతుందా..​ ​

నిమ్మతో బెనిఫిట్స్..

నిమ్మలో కేలరీలు తక్కువగా ఉంటాయి. కాబట్టి, షుగర్ ఉన్నవారు హ్యాపీగా తీసుకోవచ్చు. ఇందులోని విటమిన్ సి మన ఇన్సులిన్ స్థాయిలని కూడా కంట్రోల్ చేస్తాయి. నిమ్మలోని ఫైబర్ జీర్ణశక్తిని పెంచి రక్తంలో షుగర్ లెవల్స్ పెరగకుండా చక్కెర స్థాయిలని తగ్గిస్తాయి. అందుకోసం నిమ్మని ఎలా తీసుకోవాలంటే.​Also Read : మార్నింగ్ బ్రేక్‌ఫాస్ట్ మిస్ చేస్తున్నారా.. జాగ్రత్త..​

పరగడపున..

ఉదయాన్నే ఖాళీ కడపున ఓ గ్లాసు నిమ్మరసం తాగితే కూడా లాభాలు ఉన్నాయి. దీనికోసం కొద్దిగా గోరువెచ్చని నీటిలో నిమ్మరసం కలిపి తాగండి. ఎక్కువగా వేడి ఉండొద్దు. ఇందులో అదనంగా చక్కెర, తేనెని వాడొద్దు.

మధ్యాహ్నా భోజనంలో..

మీరు మీ డైట్‌లో నిమ్మరసాన్ని యాడ్ చేసుకోవచ్చు. అందుకోసం భోజనం చేస్తున్నప్పుడు నిమ్మరసాన్ని పిండుకోవచ్చు. దీని వల్ల రుచి కూడా పెరుగుతుంది. ఆరోగ్యంగా ఉంటారు.

తాగే నీటిలో..

మీరు రెగ్యులర్‌గా తాగే నీటిలో నిమ్మరసం కలపండి. రోజంతా కొద్దికొద్దిగా నీటిని తాగితే బాడీ నుంచి ట్యాక్సిన్స్ బయటికి వెళ్లిపోతాయి. ఒత్తిడి కూడా తగ్గుతుంది. మనసు ప్రశాంతంగా ఉంటుంది. ​Also Read : టీలో కాస్తా ఉప్పు వేసి చేస్తే ఈ లాభాలన్నీ అందుతాయి..​

సలాడ్స్..

సలాడ్ చేసుకుని పైనుంచి కొద్దిగా నిమ్మరసం పిండి తాగితే శరీర బరువు తగ్గుతారు. సలాడ్‌లో నిమ్మరసాన్ని మితంగా తీసుకోవడం మంచిది.

స్టార్చ్ ఫుడ్స్‌లో..

మీరు అన్నం , బంగాళాదుంప, బీట్‌రూట్ వంటివి తీసుకున్నప్పుడు అందులో పిండి పదార్థం పుష్కలంగా ఉంటుంది. వీటి కారణంగా నిమ్మరసం కలిపి మంట తగ్గుతుంది. రక్తంలో చక్కెర స్థాయిలు పెరగవు. మొత్తమ్మీద ఫుడ్ బ్యాలెన్స్‌డ్‌గా ఉంటుంది. ఇలా ఎండకాలంలో నిమ్మరసాన్ని తీసుకుంటే షుగర్ ఉన్నవారికి చాలా మంచిది. గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఇవి పాటించడం వల్ల ఫలితాలు అనేవి వ్యక్తిగతం మాత్రమే. వీటిని పాటించే ముందు డైటీషియన్‌ని సంప్రదించడమే ఉత్తమ మార్గం. గమనించగలరు.

Read More : Health News and Telugu News