Best rice: ప్రపంచంలోనే బెస్ట్ రైస్ ఏదో తెలుసా?
భారతీయులకు ఇష్టమైన ఆహారాలలో రైస్ లేదా బియ్యం ఒకటి. దక్షిణ భారతదేశంలోని ప్రధాన ఆహారం రైస్ లేదా బియ్యం. భారతదేశానికి చెందిన ఒక రకమైన బియ్యం ప్రపంచంలోనే అత్యుత్తమ రైస్ లేదా బియ్యంగా పేరు గాంచింది. టేస్ట్ అట్లాస్( TasteAtlas)అనేది ట్రెడిషనల్ ఫుడ్ కి సంబంధించిన ఒక అనుభవపూర్వకమైన ట్రావెల్ ఆన్‌లైన్ గైడ్. టేస్ట్ అట్లాస్ భారతదేశంలోని ఉత్తమ బియ్యంగా(Best rice) భారతదేశంలోని ఒక వరి రకాన్ని ప్రకటించింది.[caption id="" align="alignnone" width="1600"] భారతదేశంలో అత్యంత ప్రజాదరణ పొందిన బాస్మతి బియ్యం(Basmati rice) టేస్ట్ అట్లాస్ ద్వారా ప్రపంచంలోనే అత్యుత్తమ బియ్యంగా ఎంపికైంది.[/caption][caption id="" align="alignnone" width="1600"] సాధారణ బియ్యంలా కాకుండా, బాస్మతి బియ్యం రూపానికి కొద్దిగా భిన్నంగా ఉంటుంది. ఈ సన్నని పొడవాటి బియ్యం అన్నం రుచికే కాదు సువాసనకు కూడా ప్రసిద్ధి.[/caption][caption id="" align="alignnone" width="1000"] భారతదేశంలో దాదాపు 34 రకాల వరిని సాగు చేస్తున్నారు. బాస్మతి 217, బాస్మతి 370, డెహ్రాడూన్ బాస్మతి రైస్, పంజాబ్ బాస్మతి, పూసా బాస్మతి, కస్తూరి బాస్మతి, హర్యానా బాస్మతి, మహి సుకంద, ధరోరి బాస్మతి, రణబీర్ బాస్మతి అత్యంత ప్రాచుర్యం పొందాయి.[/caption] టేస్ట్ అట్లాస్( TasteAtlas) ఇటీవల మరొక ఫుడ్ ని ఉత్తమ రోజువారీ పానీయంగా గుర్తించింది. అదే మామిడికాయ రసం లేదా మ్యాంగ్ జ్యూస్. ప్రపంచంలో అనేక రకాల లస్సీలు అమ్ముడవుతున్నప్పటికీ, టేస్ట్ అట్లాస్ ప్రకారం మ్యాంగో జ్యూస్ అత్యంత రుచికరమైనది.
2024-05-18T10:40:07Z
Guava Side Effects: ఈ సమస్యలు ఉన్నవారు జామ అస్సలు తినకూడదు..!
జామ సైడ్ ఎఫెక్ట్స్: జామ ఒక పోషకమైన రుచికరమైన పండు, చాలా మంది దీనిని తినడానికి ఇష్టపడతారు. ముఖ్యంగా జీర్ణవ్యవస్థ బలహీనంగా ఉన్నవారికి ఇది ఆయుర్వేద ఔషధం కంటే తక్కువ కాదు. ఈ పండులో విటమిన్ బి6, విటమిన్ సి, విటమిన్ కె, ఫైబర్, పొటాషియం, ఫాస్పరస్, కాల్షియం, ఐరన్, జింక్, రాగి, కార్బోహైడ్రేట్లు, యాంటీ డయాబెటిక్, యాంటీ డయారియాల్, యాంటీమైక్రోబయల్ యాంటీ ఫంగల్ లక్షణాలు ఉన్నాయి. ఈ పండు చాలా పోషకమైనది అయినప్పటికీ, ఇది అందరికీ ఉపయోగపడదు. జామను ఏ వ్యక్తులు తినకూడదో తెలుసుకుందాం. Who Should Not Eat Guava: మీకు ఏదైనా ఆపరేషన్ లేదా శస్త్రచికిత్స చేయబోతున్నట్లయితే, మీరు జామపండును 2 వారాల ముందు తినడం మానేయాలి, ఎందుకంటే ఈ పండు తీసుకోవడం వల్ల రక్త ప్రసరణలో సమస్యలు తలెత్తుతాయి. గర్భిణీ స్త్రీలు మరియు పాలిచ్చే తల్లులు జామకాయకు దూరంగా ఉండాలి. ఇది వారి ఆరోగ్యానికి శిశువుకు హాని కలిగిస్తుంది. జామ చల్లదనాన్ని కలిగి ఉంటుంది, కాబట్టి జలుబు , దగ్గుతో బాధపడేవారు దీనిని తినకూడదు. ఎందుకంటే జామ తింటే వారికి దగ్గు సమస్య పెరుగుతుంది. తామర బాధితులు కూడా జామకాయ తినకూడదు, ఎందుకంటే దీని ఉపయోగం చర్మంపై చికాకు దురదను కలిగిస్తుంది. అలాంటప్పుడు జామతో పాటు జామ ఆకులను కూడా తినకూడదు. జామ మన ఆరోగ్యానికి మేలు చేస్తుంది, అయితే జీర్ణకోశ సమస్యలు ఉన్నవారు ఈ పండుకు దూరంగా ఉండాలి. ఎందుకంటే ఇది కడుపు నొప్పి , వికారం కలిగిస్తుంది. (Disclaimer: ఇక్కడ అందించిన సమాచారం సాధారణ సమాచారంపై ఆధారపడి ఉంటుంది. న్యూస్ 18 తెలుగు దానికి హామీ ఇవ్వదు.)
2024-05-18T08:39:45Z
ఇక్కడికి వెళ్ళిన చిన్నారులు సైలెంట్ గా అస్సలు ఉండరట.. ఎందుకో మీరే చూడండి !
ఐదేండ్ల చిన్నారుల నుండి మొదలుకొని 60, 70 ఏళ్ళ వయసు వాళ్ళ వరకు కూడా ఇక్కడికి ఈత కోసం వస్తున్నారు. ఈతరాని కొందరు పిల్లలు, పెద్దలు వచ్చి ఈత నేర్చుకుంటుండగ.. ఈత వచ్చిన మరికొందరు ఈత కొడుతూ సరదాగా గడుపుతున్నారు. ఎండా కాలంలో కావడంతో పిల్లలు, పెద్దలు పెద్ద సంఖ్యలో ఈత నేర్చుకోవడానికి వస్తున్నారు. చిన్నారులతో పాటుగా వస్తున్న తల్లిదండ్రులు, ఈత నేర్చుకుంటున్న చిన్నారులతో ఆ ప్రాంగణమంతా కిటకిటలాడుతోంది. అయితే ఏదో వేసవి సెలవులకే పరిమితం కాకుండా నిరంతరం ఈత సాధన చేయడం వలన ఆరోగ్యానికి ఎంతో మేలు కలుగుతుందని ఈత శిక్షకుడు కొమ్ము కృష్ణ పేర్కొన్నారు. మొత్తం మీద ప్రతిరోజు ఈత నేర్చుకోవడానికి వస్తున్న పిల్లలు, పెద్దలతో కళకళలాడుతున్న ఈత కొలను ఆనందంతోపాటు ఆరోగ్యాన్ని పంచుతుందనడంలో సందేహం లేదు. ఇదిలా ఉంటే ఇలా వేసవి సెలవుల్లో ఈత నేర్చుకోవడం చాలా ఆనందంగాను, సరదాగాను ఉందని ఇక్కడికి వస్తున్న చిన్నారులు అంటున్నారు. కాగా ఈత నేర్చుకోవడం ద్వారా ఆనందంతోపాటు ఆరోగ్యం కూడా లభిస్తోందని ఇక్కడికి ఈత నేర్చుకోవడానికి వస్తున్న చిన్నారుల తల్లిదండ్రులు అంటున్నారు. ఇది ఉంటే గత కొన్ని దశాబ్దాల నుండి ఇందిరా ప్రియదర్శిని స్టేడియంలో ఈత కొలనును నిర్వహిస్తున్నారు. ఇక్కడలో ఈతలో శిక్షణ ఇవ్వడానికి ప్రత్యేకంగా శిక్షకులతోపాటు సహాయకులు, రక్షకులు కూడా ఉన్నారు. శిక్షకుడు కొమ్ము కృష్ణ ఇక్కడికి వచ్చే చిన్నారులు, పెద్దలకు ఈతలో మెళకువలను చెబుతూ ఈత శిక్షణ ఇస్తున్నారు. ఈయన గత 18 సంవత్సరాల నుండి ఇక్కడ శిక్షణ ఇస్తున్నారు. ఆదిలాబాద్ జిల్లా కేంద్రంలోని ఇందిరాప్రియదర్శిని స్టేడియంలో ఉన్న ఈత కొలను చిన్నారులు, పెద్దలతో కళకళలాడుతోంది. ఆరోగ్యంతోపాటు ఆనందాన్ని పంచుతోంది. చిన్నా పెద్దా అందరు వచ్చి ఈతకొడుతూ సరదగా గడుపుతున్నారు. వేసవి సెలవులు కావడంతో ఈత కొలనుకు వస్తున్న చిన్నారుల సంఖ్య మిగతా రోజులకంటే బాగా ఎక్కువగానే పెరిగింది. కాగా ఈ ఈత కొలను దాదాపు రెండు లక్షల లీటర్ల నీటి సామర్థ్యం కలిగి ఉంది. ఇందులో మూడు, నాలుగు, ఐదు, ఆరు అడుగుల లోతులో ఈత శిక్షణ ఇస్తుంటారు. ఉదయం, సాయంత్రం వేళల్లో ప్రత్యేకంగా శిక్షణనిస్తుంటారు. సుమారు 500 మందికి పైగా పిల్లలు, పెద్దలు బ్యాచులుగా వారిగా ఇక్కడికి వచ్చి ఈత నేర్చుకుంటున్నారు. మహిళలను కూడా ప్రత్యేక సమయాల్లో ఈ ఈత కొలనులోకి అనుమతినిస్తూ వారికి కూడా శిక్షణనిస్తున్నారు. కాగా కొందరు తల్లిదండ్రులు చిన్నారుల వెంట వచ్చి, సమయం అయ్యేంత వరకు అక్కడే ఉండి పిల్లలచే ఈత కొట్టించి తీసుకెళుతున్నారు.
2024-05-17T16:37:07Z
Marriage: పెళ్లైన పురుషులే ఎక్కువ కాలం బతుకుతారంట.. కారణం ఏంటంటే..!
వివాహం అనేది ప్రతి ఒక్కరి జీవితంలో చాలా ముఖ్యమైనది. ఇక పెళ్లి తర్వాత ఆడ, మగవారి శరీరంలో, జీవితంలో ఎన్నో మార్పులు వస్తాయి. ముఖ్యంగా మగవారికి బాధ్యతలు పెరుగుతాయి. పిల్లలు, సంసారం, జాగ్రత్త పెరుగుతుంది. ఇదంతా పక్కన పెడితే పెళ్లైన తర్వాత ఎక్కువ కాలం బతుకుతారని సైన్స్ చెబుతోంది. జామా నెట్ వర్క్ ఓపెన్ లో ప్రచురితమైన ఒక అధ్యయనం ప్రకారం. పెళ్లి చేసుకున్న పురుషులలో మరణ ప్రమాదం 15% మాత్రమే ఉందంట. అదే సమయంలో బ్రహ్మచారులు, విడాకులు తీసుకున్న వారి ఆయుర్దాయం చాలా తక్కువగా ఉందని చెపుతోంది. జామా నెట్ వర్క్ ఓపెన్ లో ప్రచురితమైన ఒక అధ్యయనం ప్రకారం. పెళ్లి చేసుకున్న పురుషులలో మరణ ప్రమాదం 15% మాత్రమే ఉందంట. అదే సమయంలో బ్రహ్మచారులు, విడాకులు తీసుకున్న వారి ఆయుర్దాయం చాలా తక్కువగా ఉందని చెపుతోంది. 50 నుంచి 60 ఏళ్ల మధ్య వయసున్న 6,23,140 మందిపై ఈ పరిశోధనలు జరిగాయి. వారితో మాట్లాడి వారి ఆరోగ్యంపై ఈ అధ్యయనం చేశారు. జపాన్ పరిశోధకులు ఈ పరిశోధనను 15 సంవత్సరాలలో పూర్తి చేశారు. పెళ్లైన జంటలు ప్రమాదాలు, గాయాలు లేదా గుండె జబ్బులతో మరణించే అవకాశం 20 శాతం తక్కువగా ఉందని ఈ అధ్యయనంలో తేలింది. దీనికి కారణం లేకపోలేదు. బ్యాచిలర్ అబ్బాయిలు సంపాదన, ఎంజాయ్ పేరుతో తమ ఆరోగ్యంపై ఎక్కువ శ్రద్ద చూపలేరు. అంతేకాదు రిస్క్ తీసుకోడానికి కూడా వారు వెనకాడరు. దీనివల్లే వీరి ఆయుష్షు తగ్గిపోతుందని పరిశోధకులు చెబుతున్నాయి. అదే సమయంలో పెళ్లై వారు తమ ప్రాణాలను ఎక్కువ రిస్క్ లో పెట్టరు. ఎందుకంటే వారిని నమ్ముకొని ఇంట్లో ఓ కుటుంబం ఉందని వెనకడుగు వేస్తాయి. మద్యం ఎక్కువ సేవించరు. మాదక ద్రవ్యాల జోలికి ఎక్కగా పోరు. అందుకే వీరికి ప్రమాదాలు కూడా ఎక్కువగా జరగవు. దీనివల్ల వీరు మరణించే ప్రమాదం చాలా వరకు తక్కువగా ఉందంట. పెళ్లి తర్వాత పురుషులకు ఎన్నో ప్రయోజనాలు కలుగుతాయి. వీరికి భార్య ఎప్పుడూ అండగా ఉంటుంది. అలాగే వారి ఆరోగ్యం పట్ల కూడా జాగ్రత్త తీసుకుంటుంది.. దీంతో ఎలాంటి వ్యాధులు, అనారోగ్యానికి ఎక్కువ గురవరు అంటున్నారు నిపుణులు.
2024-05-17T13:06:28Z
Horoscope: మే 18 రాశిఫలాలు. వారు వ్యాపారాల్లో మార్పులు చేసి లబ్ధి పొందుతారు
Horoscope today:రాశి ఫలాలు ప్రతి రోజూ మారిపోతూ ఉంటాయి. ఒక్కో రోజు.. ఒక్కో రాశి వారికి కలిసొస్తుంది. మరికొందరికి ఇబ్బందులు తలెత్తుతాయి. ఏ రాశి వారికి ఇవాళ ఎలా ఉందో ముందే తెలుసుకుంటే.. ఏవైనా సమస్యలు ఉన్నట్లు అనిపిస్తే.. జాగ్రత్త పడవచ్చు. మరి ఈ రోజు (మే 18, 2024 శనివారం)... రాశిఫలాలు ఎలా ఉన్నాయో.. జ్యోతిష పండితులు ఏం సూచించారో తెలుసుకుందాం. మేష రాశి (Aries):శుభగ్రహాల అనుకూలత వల్ల రోజంతా ఉత్సాహంగా, ఉల్లాసంగా గడిచిపోతుంది. ముఖ్యంగా ఏ ప్రయత్నం తలపెట్టినా అనుకూలిస్తుంది. ముఖ్యమైన వ్యవహారాలన్నీ సునాయాసంగా పూర్తవుతాయి. వృత్తి, ఉద్యోగాలు ఆశాజనకంగా సాగిపోతాయి. వ్యాపారాల్లో లాభాలు పెరుగుతాయి. జీవిత భాగస్వామి కూడా వృత్తి, ఉద్యోగాల్లో ఆశించిన స్థాయిలో పురోగతి చెందుతారు. ఆరోగ్యం బాగానే ఉంటుంది. సొంత ఆలోచనల వల్ల ఉపయోగముంటుంది. కొందరు మిత్రుల వల్ల ఇబ్బందులుంటాయి. వృషభ రాశి (Taurus):ఆశించిన దానికి మించి ఆదాయం పెరగడానికి అవకాశం ఉంది. ఒకటి రెండు వ్యక్తిగత సమస్యలు పరిష్కారం అవుతాయి. ఉద్యోగంలో కొద్దిగా ఒత్తిడి, శ్రమ ఉంటాయి. వృత్తి, వ్యాపారాలు లాభ సాటిగా ముందుకు సాగుతాయి. అదనపు ఆదాయ మార్గాలు పెరుగుతాయి. ఆస్తి వ్యవహారానికి సంబంధించి శుభవార్త అందుకుంటారు. ఇష్టమైన మిత్రులతో విందులో పాల్గొంటారు. ఉద్యోగ, పెళ్లి ప్రయత్నాలు నిదానంగా కొనసాగుతాయి. కుటుంబ పరిస్థితులు సానుకూలంగా సాగిపోతాయి. మిథున రాశి (Gemini):అనేక విధాలుగా ఆదాయం పెరుగుతుంది. గృహ, వాహన సౌకర్యాలపై దృష్టి పెడతారు. ఇష్టమైన ఆలయాలు సందర్శిస్తారు. వ్యాపారంలో కొత్త మార్గాలు అనుసరిస్తారు. ఉద్యోగంలో మీ మాటకు విలువ పెరుగుతుంది. వృత్తి జీవితం బాగా బిజీ అయిపోతుంది. రాజీ మార్గంలో ఆస్తి వివాదం పరిష్కారం అవుతుంది. కుటుంబ బాధ్యతలను నిర్వర్తించడంలో కొద్దిగా ఇబ్బందులు పడతారు. ఉద్యోగ, పెళ్లి ప్రయత్నాలకు సరైన స్పందన లభిస్తుంది. జీవిత భాగస్వామితో అన్యోన్యత పెరుగుతుంది. కర్కాటక రాశి (Cancer):ముఖ్యమైన కార్యకలాపాలన్నీ సజావుగా సాగిపోతాయి. బంధుమిత్రులకు అండగా నిలబడతారు. వృత్తి, ఉద్యోగాల రీత్యా ఆకస్మిక ప్రయాణాలు తప్పకపోవచ్చు. వృత్తి, ఉద్యోగాల్లో బరువు బాధ్యతలు పెరిగినప్పటికీ, మీ శక్తి సామర్థ్యాలకు తగిన గుర్తింపు లభిస్తుంది. వ్యాపారాల్లో కొద్దిపాటి లాభాలకు అవకాశం ఉంది. నిరుద్యోగులకు సొంత ఊర్లోనే మంచి ఉద్యోగం లభించే అవకాశం ఉంది. ఆరోగ్యం విషయంలో తగినంత శ్రద్ధ చూపించడం మంచిది. ఎవరికీ హామీలు ఉండవద్దు. సింహ రాశి (Leo):నిరుద్యోగులకు ఒకటి రెండు ఆఫర్లు అందుతాయి. ఉద్యోగం మారే ప్రయత్నాలకు సానుకూల స్పందన లభిస్తుంది. చాలా కాలంగా ఒత్తిడికి గురి చేస్తున్న ఓ వ్యక్తిగత సమస్య పరిష్కారం అవుతుంది. ఆకస్మిక ధన లాభ సూచనలున్నాయి. తలపెట్టిన పనులలో తప్పకుండా కార్యసిద్ధి ఉంటుంది. వృత్తి, ఉద్యోగాల్లో కీలక మార్పులు చోటు చేసుకుంటాయి. వ్యాపారాలు నిదానంగా సాగుతాయి. ఆరోగ్యం అనుకూలంగానే ఉంటుంది. కుటుంబ పరిస్థితులు అనుకూలంగా మారతాయి. కన్య రాశి (Virgo):అనేక మార్గాల్లో ఆదాయం పెరుగుతుంది. రావాల్సిన డబ్బు చేతికి అందుతుంది. మొండి బాకీలు కూడా వసూలు అవుతాయి. మిత్రుల మీదా, విలాసాల మీదా బాగా ఖర్చు పెడతారు. ప్రముఖులతో సామాజిక సేవా కార్యక్రమాల్లో పాల్గొంటారు. వృత్తి, ఉద్యోగాల్లో ప్రశాంత, ప్రోత్సాహకర వాతావరణం నెలకొంటుంది. వ్యాపారాలు లాభసాటిగా సాగిపోతాయి. కుటుంబ పరిస్థితులు చక్కబడతాయి. స్వల్ప అనారోగ్యానికి అవకాశం ఉంది. ప్రయాణాలు వాయిదా వేసుకోవడం మంచిది. తుల రాశి (Libra):వృత్తి, ఉద్యోగాల్లో అధికారుల నుంచి పూర్తి సహకారం లభిస్తుంది. వ్యాపారాల్లో కొన్ని మార్పులు చేపట్టి లబ్ధి పొందుతారు. ఇతరులతో వివాదాలకు దూరంగా ఉండడం మంచిది. ఆధ్యాత్మిక చింతన పెరిగి, ఆలయాలను సందర్శిస్తారు. తల్లితండ్రుల నుంచి ఆశించిన సహాయం లభిస్తుంది. ఆస్తి వివాదం ఒకటి పరిష్కారం అవుతుంది. పిల్లలు ఘన విజయాలు సాధిస్తారు. కొత్త ఉద్యోగానికి సంబంధించి సానుకూల సమాచారం అందుతుంది. కుటుంబంలో సుఖ సంతోషాలు వెల్లి విరుస్తాయి. వృశ్చిక రాశి (Scorpio):అనుకోకుండా డబ్బు కలిసి వస్తుంది. రావలసిన డబ్బు చేతికి అందుతుంది. గృహ, వాహన సౌకర్యాలను పెంచుతారు. కుటుంబ పరిస్థితులు బాగా చక్కబడతాయి. దాంపత్య జీవితం ప్రశాంతంగా సాగిపోతుంది. ఉద్యోగంలో హోదా పెరిగే అవకాశం ఉంది. వృత్తి, వ్యాపారాలు లాభదాయకంగా సాగిపోతాయి. నిరుద్యోగులకు ఆశించిన ఉద్యోగం లభిస్తుంది. ఆకస్మిక ప్రయాణాలు తప్పక పోవచ్చు. ఆర్థిక పరిస్థితి మెరుగ్గా ఉంటుంది. కొత్త కార్యక్రమాలు చేపట్టడానికి సమయం అనుకూలంగా లేదు. ధనస్సు రాశి (Sagittarius):ఆర్థిక పరిస్థితి గతం కంటే మెరుగ్గా ఉంటుంది. ఆదాయ మార్గాలు బాగా కలిసి వస్తాయి. కుటుం బానికి సంబంధించి కొన్ని కీలక నిర్ణయాలు తీసుకుంటారు. పిల్లలు బాగా పురోగతి సాధిస్తారు. లాభదాయకమైన పరిచయాలు ఏర్పడతాయి. సన్నిహితుల వల్ల కొద్దిగా డబ్బు నష్టపోవడం జరుగుతుంది. ఉద్యోగంలో అధికారుల నుంచి ఆశించిన సహాయ సహకారాలు ఉంటాయి. వృత్తి జీవితంలో బాగా బిజీ అవుతారు. వ్యాపారంలో లాభాలు పెరుగుతాయి. ఆరోగ్యం బాగానే ఉంటుంది. మకర రాశి (Capricorn):ఉద్యోగంలో అధికారులకు చేదోడు వాదోడుగా ఉంటారు. అనుకున్న పనులు అనుకున్నట్టు పూర్తవుతాయి. మంచి పరిచయాలు ఏర్పడతాయి. ధనాభివృద్ధికి అవకాశాలు పెరుగుతాయి. ఆర్థికంగా స్థిరత్వం లభిస్తుంది. కొందరు బంధువులను ఆర్థికంగా ఆదుకుంటారు. వృత్తి జీవితంలో కొత్త ఆలోచనలు అమలు చేస్తారు. వ్యాపారాలు నిలకడగా ముందుకు సాగుతాయి. నిరుద్యోగుల ఉద్యోగ ప్రయత్నాలు ఫలిస్తాయి. పెళ్లి ప్రయత్నాల్లో ఆశించిన స్పందన లభిస్తుంది. ఆరోగ్యం నిలకడగా ఉంటుంది. కుంభ రాశి (Aquarius):ఆర్థిక ప్రయత్నాలు సత్ఫలితాలనిస్తాయి. కొన్ని ముఖ్యమైన వ్యవహారాలను చక్కబెడతారు. వృత్తి, ఉద్యోగ బాధ్యతలను సంతృప్తికరంగా పూర్తి చేస్తారు. వ్యాపారాలు పరవాలేదనిపిస్తాయి. ఆరోగ్యం మెరుగ్గా ఉంటుంది. ఇతరుల వ్యవహారాల్లో తలదూర్చకపోవడం మంచిది. వ్యక్తిగత సమస్యల ఒత్తిడి కొద్దిగా తగ్గే అవకాశముంది. ఆదాయానికి లోటుండకపోవచ్చు. విదేశాల నుంచి ఆశించిన సమాచారం అందుతుంది. కుటుంబపరంగా ఒకటి రెండు శుభవార్తలు వినే సూచనలున్నాయి. మీన రాశి (Pisces):ఉద్యోగంలో స్థిరత్వం లభిస్తుంది. జీతభత్యాలు బాగా పెరిగే అవకాశముంది. వృత్తి, వ్యాపారాల్లో దూసుకుపోతారు. ఆర్థిక పరిస్థితి బాగా అనుకూలంగా ఉంటుంది. మితిమీరిన ఔదార్యాలకు, అనవసర సహాయాలకు ఇది సమయం కాదు. ఉద్యోగ, పెళ్లి ప్రయత్నాల్లో శుభవార్తలు వింటారు. జీవిత భాగస్వామితో కలిసి ఇష్టమైన ఆలయాన్ని సందర్శించుకుంటారు. బంధువుల రాకపోకలుంటాయి. అనవసర విషయాలకు దూరంగా ఉండడం మంచిది. ఆరోగ్యం బాగానే ఉంటుంది. Disclaimer: ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-05-17T23:37:57Z
Money Astrology: మే 17 ధన జ్యోతిష్యం. వారికి కష్టానికి తగిన ఫలితం లభిస్తుంది
(Bhoomika Kalam: భూమిక కలాం, అంతర్జాతీయ జ్యోతిష, టారో కార్డ్ నిపుణులు, ఆస్ట్రోభూమి ఫౌండర్, గ్లోబల్ పీస్ అవార్డు గ్రహీత) Money Astrology (ధన జ్యోతిషం): జ్యోతిష్యులు వివిధ అంశాల ఆధారంగా ఒక వ్యక్తికి ఉద్యోగ, వ్యాపారాల్లో ఎదురయ్యే పరిస్థితులను అంచనా వేస్తుంటారు. గ్రహాలు, నక్షత్రాల గమనం ఆధారంగా వ్యక్తుల ఆర్థిక భవిష్యత్తును విశ్లేషిస్తుంటారు. జ్యోతిష్యం ప్రకారం.. మే 17వ తేదీ, శుక్రవారం నాడు అన్ని రాశుల ధన జ్యోతిష్యం ఫలితాలు ఎలా ఉన్నాయో తెలుసుకోండి. మేషం (Aries):వ్యాపారంలో ముఖ్యమైన పనులను ఆటంకాలు లేకుండా పూర్తి చేస్తారు. మీరు తీసుకునే ఏ నిర్ణయం అయినా సానుకూలంగా ఉంటుంది. మంచి డీల్ వచ్చే అవకాశం కూడా ఉంది. యువతకు సరైన ఉపాధి అవకాశాలు లభిస్తాయి. విదేశీ సంబంధిత ఉద్యోగం లేదా వ్యాపారంలో లాభం ఉంటుంది. పరిహారం: ఆఫీస్‌లో మీ సామర్థ్యాన్ని నిరూపించుకోవాల్సిన అవసరం ఉంది. వృషభం (Taurus):ప్రస్తుతం వ్యాపారంలో వచ్చే నష్టాలను అంగీకరించడం మంచిది. ప్రత్యర్థుల కదలికలపై దృష్టి పెట్టవద్దు. వ్యాపారాన్ని పెంచుకోవడానికి సాయం చేసే ఏదైనా ప్లాన్ మీ చేతికి రావచ్చు. ఉద్యోగంలో ముఖ్యమైన బాధ్యత మీపై పడవచ్చు. పరిహారం: విష్ణువును పూజించండి. మిథునం (Gemini):ఏ శుభ కార్యమైనా ఈరోజు పూర్తి చేస్తే, మానసిక ప్రశాంతతను కలిగిస్తుంది. సమయం మీకు అనుకూలంగా ఉంటుంది. వ్యాపారంలో ఆగిపోయిన పనులు వేగవంతమవుతాయి. దీంతో పాటు ప్రస్తుత పనులు సజావుగా సాగుతాయి. బ్యాంకింగ్, లాయర్, సీఏ వంటి ప్రొఫెషన్స్‌కు సమయం చాలా అనుకూలంగా ఉంటుంది. మీరు ఆఫీసు బాధ్యతలను చాలా చక్కగా నిర్వహిస్తారు. పరిహారం: శివలింగానికి నీటిని సమర్పించండి. కర్కాటకం (Cancer):ఆఫీస్‌లో కొత్త పనులు ప్రారంభించవద్దు. ఎందుకంటే ఇప్పుడు కష్టపడి పనిచేసినా సరైన ప్రయోజనాలు అందవు. స్థిరాస్తి, కమీషన్, వస్త్రాలు మొదలైన వాటికి సంబంధించిన వ్యాపారంలో లాభం ఉంటుంది. పరిహారం: హనుమంతునికి సింధూరం సమర్పించండి. సింహం (Leo):ప్రొఫెషనల్ రిలేషన్స్ గౌరవించండి. ముఖ్యమైన పనిని సమయానికి పూర్తి చేయండి. ఆర్థిక విషయాలలో స్పష్టంగా ఉండండి. ఉద్యోగస్తులు బాగా పని చేస్తారు. మీ సామర్థ్యం పెరుగుతుంది. ఆఫీస్‌లో క్రమశిక్షణను కొనసాగించండి. మీ కష్టానికి విలువ ఉంటుంది. వ్యాపారంలో సానుకూల ఫలితాలు వచ్చే అవకాశం ఉంది. పరిహారం: లక్ష్మీదేవికి ఖీర్‌ ప్రసాదం పెట్టండి. కన్య (Virgo):ఇంట్లో కొత్త వనరులు పెరుగుతాయి. ఆర్థిక, వ్యాపార ప్రయత్నాలలో సెంటిమెంట్‌ ఉండకూడదు. తొందరపడి నిర్ణయాలు తీసుకోవద్దు, మీ ప్రవర్తనపై సానుకూల నియంత్రణ ఉండేలా చూసుకోండి, దీనివల్ల ప్రయోజనం పొందుతారు. పని వాతావరణం బాగుంటుంది. పరిహారం: హనుమంతుని గుడిలో జెండా సమర్పించండి. తుల (Libra):ఆస్తి లేదా షేర్లు మొదలైన వాటిలో పెట్టుబడికి సమయం అనుకూలంగా ఉంటుంది. బిజినెస్‌కు సంబంధించిన పనులను ప్లాన్ చేయడానికి సమయం అనుకూలంగా ఉంటుంది. సాహిత్యం, కళలకు సంబంధించిన వ్యాపారంలో విజయం సాధిస్తారు. మీరు శ్రమకు తగ్గ ప్రయోజనం పొందుతారు. పెద్దలు, అనుభవజ్ఞుల సహాయం, గైడెన్స్ తప్పనిసరిగా తీసుకోవాలి. పరిహారం: వినాయకుడికి మోదకం సమర్పించండి. వృశ్చికం (Scorpio):వ్యాపారంలో ముఖ్యమైన విషయాలను పెండింగ్‌లో ఉంచడం మానుకోండి. కొత్త వ్యాపారంలో పార్ట్నర్‌షిప్ బలంగా ఉంటుంది. ఆఫీసులో టీమ్ స్పిరిట్ ఉంటుంది. పని, యాక్టివిటీ పెరుగుతుంది. స్థిర ఆస్తులకు సంబంధించిన పనుల్లో వేగం ఉంటుంది. పరిశ్రమలు, వ్యాపారంలో మంచి ఫలితాలు కనిపిస్తాయి. పరిహారం: గోశాలకు ఆర్థిక సహాయం చేయండి. ధనస్సు (Sagittarius):ఐరన్ వర్క్‌తో సంబంధం ఉన్న వ్యక్తులు జాగ్రత్తగా ఉండాలి. ఉద్యోగంలో ఊహించని ఫలితాలు ఉంటాయి. ప్రస్తుత వ్యవహారాలపైనే దృష్టిని పెంచండి. ఆఫీస్ పరిస్థితులకు అనుగుణంగా నిర్ణయం తీసుకుంటారు. ఆర్థిక పరిస్థితితో పాటు వ్యాపారం సాధారణంగా ఉంటుంది, ముఖ్యమైన విషయాల్లో తొందరపడకండి. వ్యక్తిగత ఖర్చులపై నియంత్రణ ఉంటుంది. పరిహారం: నల్ల కుక్కకు సేవ చేయండి. మకరం (Capricorn):ఆర్థికంగా మంచి ఫలితాలు ఉంటాయి. మీ వ్యాపారంలో ఉత్సాహం ఉంటుంది. వృత్తి వ్యాపారాలలో బూమ్ చూస్తారు. ఆర్థిక విషయాలలో యాక్టివ్‌గా ఉంటారు. పోటీలో విజయ భావం ఉంటుంది. ఆఫీసులో ముఖ్యమైన పనులపై దృష్టి పెడతారు. భావోద్వేగాలు అదుపులో ఉంటాయి. పరిహారం: శివునికి ధాతురాన్ని సమర్పించండి. కుంభం (Aquarius):ఉద్యోగస్తులకు లాభాలు పెరుగుతాయి. బోనస్ లేదా అదనపు ఆదాయం ఉండవచ్చు. వ్యాపారస్తుల సామర్థ్యం పెరుగుతుంది, కొత్త ఆర్డర్లు అందుకోవచ్చు. ఏ పనినీ రేపటికి వాయిదా వేయకండి. సానుకూల పనితీరును కొనసాగించండి. వ్యాపార పరిస్థితులు మెరుగ్గా ఉంటాయి. పరిహారం: గణేశ మంత్రాన్ని జపించండి. మీనం (Pisces):వ్యాపారంలో విజయాలు సాధిస్తారు. సహకార భావం పెరుగుతుంది. వ్యాపార విషయాలలో సంబంధాలను సద్వినియోగం చేసుకుంటారు. పని విస్తరణ ఆశించిన విధంగా ఉంటుంది. మీ వ్యాపారంలో ఆశించిన ఫలితాలు సాధిస్తారు. డిస్‌ప్లే ఆర్ట్స్ రంగంలో మంచి అవకాశాలు లభిస్తాయి. పరిహారం: అనాథాశ్రమానికి ఫ్యాన్లు దానం చేయండి. Disclaimer:ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-05-16T23:49:04Z