పరగడపున ఈ డ్రింక్స్ తాగితే బెల్లీ, బరువు.. రెండూ తగ్గుతాయి..

బెల్లీ తగ్గించుకోవాలనుకునే వారు కొన్ని ఈజీ ట్రిక్స్ ఫాలో అవ్వాలి. అందులో హెర్బల్ డ్రింక్స్ తాగడం కూడా ఒకటి. అలాంటి కొన్ని డ్రింక్స్ గురించి తెలుసుకోండి.

పొట్ట పెరిగినా, కాస్తా బరువు పెరిగినా చాలా మంది టెన్సన్ పడుతుంటారు. దీనికి సరిలేని లైఫ్‌స్టైల్, ఆహారపు అలవాట్లే ప్రధాన కారణం. జంగ్ ఫుడ్స్, ప్రాసెస్ ఫుడ్స్ తీసుకోవడం వల్ల ఊబకాయం వంటి సమస్యలతో బాధపడతారు. అందుకే, సరైన లైఫ్‌స్టైల్ ఫాలో అవ్వాలి. అందులో భాగంగా, ఉదయాన్నే పరగడపున కొన్ని డ్రింక్స్ తాగితే ఎన్నో అద్భుతాలు జరుగుతాయి. వాటి వల్ల బెల్లీ, బరువు రెండూ తగ్గుతాయట. అవేంటో తెలుసుకోండి. చియా సీడ్స్..

చియా సీడ్స్‌ని నీటిలో నానబెట్టి ఈ నీటిని తయారు చేస్తారు. దీనిని తీసుకోవడం వల్ల పోషకాలు అందుతాయి. చియా విత్తనాలు కాస్తా జెల్లీలా మారతాయి. ఇవి నీటిని గ్రహింస్తాయి. ఈ గింజల్లో ఫైబర్, ఒమేగా 3 ఫ్యాటీ యాసిడ్స్, యాంటీ ఆక్సిడెంట్స్ పుష్కలంగా ఉండి జీర్ణ ఆరోగ్యాన్ని కాపాడతాయి. గుండె ఆరోగ్యాన్ని పెంచుతాయి. వీటిని తాగడం వల్ల బరువు కంట్రోల్ అవుతుంది. రక్తంలో చక్కెర స్థాయిలని తగ్గిస్తాయి.

ఫ్యాట్‌ని కరిగించి బరువుని తగ్గించే డ్రింక్..​ ​

కలబంద రసం..

కలబంద రసం చర్మం, జుట్టు ఆరోగ్యానికి చాలా మంచిది. అంతేనా, ఆరోగ్యాన్ని కాపాడడంలో కూడా ముందుంటుంది. ఇది యాసిడ్ రిఫ్లక్స్, జీర్ణ సమస్యల్ని దూరం చేస్తుంది. కలబంద రసంలో విటమిన్స్, ఖనిజాలు, యాంటీ ఆక్సిడెంట్స్ పుష్కలంగా ఉంటాయి. దీనిని తీసుకోవడం వల్ల రక్తంలో చక్కెర స్థాయిలు తగ్గడంతో పాటు బరువు తగ్గించి, మలబద్ధకాన్ని దూరం చేస్తుంది. దీనిని ఎక్కువగా తీసుకుంటే సమస్యలొస్తాయి. కాబట్టి, మితంగానే తీసుకోవాలి.

నిమ్మరసం..

ఇది చాలా మందికి తెలిసిన డ్రింకే. గోరువెచ్చని నీటిలో నిమ్మరసం కలిపి తాగడం వల్ల జీర్ణక్రియ మెరుగవుతుంది. రాత్రి తర్వాత దీనిని తాగితే శరీరానికి శక్తి అందుతుంది. రీఫ్రెష్‌గా ఫీల్ అవుతారు. నిమ్మనీరు తాగితే ఇమ్యూనిటీ పెరుగుతుంది. ఫ్రీ రాడికల్స్ వల్ల కలిగే నష్టం నుండి కూడా కణాలను రక్షించేందుకు హెల్ప్ చేస్తుంది. ​Also Read : Slim Waist: బెల్లీ తగ్గించుకోవాలనుకుంటున్నారా.. ఈ 4 తినండి..​

దాల్చిన చెక్క టీ..

దాల్చిన చెక్కని మనం మసాలల్లో వాడతాం. ఇందులో యాంటీ ఆక్సిడెంట్స్ పుష్కలంగా ఉంటాయి. ఇది ఆక్సీకరణ ఒత్తిడిని తగ్గించడానికి సాయపడుతుంది. రక్తంలో చక్కెర స్థాయిలని తగ్గించేందుకు దాల్చిన చెక్క టీని తీసుకోవడం మంచిది. దీనిని తాగడం వల్ల షుగర్ పేషెంట్స్‌కి కూడా మంచిది. దీని వల్ల కొలెస్ట్రాల్ స్థాయిలు, రక్తపోటు తగ్గి గుండె ఆరోగ్యాన్ని మెరుగ్గా చేస్తుంది. అదే విధంగా, జీర్ణ సమస్యల్ని కూడా తగ్గిస్తుంది. గమనిక : ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఇవి పాటించడం వల్ల ఫలితాలు అనేవి వ్యక్తిగతం మాత్రమే. వీటిని పాటించే ముందు డైటీషియన్‌ని సంప్రదించడమే ఉత్తమ మార్గం. గమనించగలరు.

​​​​​​​​​​​Read More : Fitness News and Telugu News