ఆడైనా, మగైనా.. వారి జీవితాలను రెండు భాగాలుగా చేయాలంటే పెళ్ళికి ముందు, పెళ్ళి తర్వాత అని చెప్పొచ్చు. ఈ రెండు జీవితాల్లో ఎన్నో తేడాలు ఉంటాయి. మరీ ముఖ్యంగా ఆడవారి జీవితంలో తేడాలు ఉంటాయి. పుట్టింటి నుంచి అత్తింటి వరకూ ఎన్నో మార్పులు ఉంటాయి. ఇది చివరికీ వారి ఫిట్నెస్పై కూడా ఎఫెక్ట్ చూపిస్తుంది. పెళ్ళికి ముందు ఎంత ఫిట్నెస్ మెంటెయిన్ చేసిన అమ్మాయిలైనా పెళ్ళి తర్వాత కాస్తా బొద్దుగా అవుతారు. దీనికి కారణాలు ఏంటో తెలుసుకోండి. ఫంక్షన్స్..
పెళ్ళి అనుకున్నప్పట్నుంచి పెళ్ళిచూపులు, ఎంగేజ్మెంట్, హల్దీ, మెహందీ, పెళ్ళి, హనీమూన్ ఇలా వెంటవెంటనే అకేషన్స్ ఉంటాయి. దీంతో ఇంట్లోనే వెరైటీస్ తినడం, బయటికి వెళ్ళినప్పుడు అక్కడి భోజనాలు, టైమింగ్స్ మార్చి తినడం వల్ల జంగ్ ఫుడ్, పోషకాల లోపం తగ్గుతుంది. కేలరీలు ఎక్కువగా తీసుకుంటారు. దీంతో బరువుపెరుగుతారు.
పద్ధతులు మారడం..
అప్పటి వరకూ ఓ డైట్ ఫాలో అయిన వారు ఒక్కసారికి కొత్తింట్లో వారి అభిరుచులు, ఆహారాలకు మనల్ని మనం మార్చుకోవాలి. వంట పద్ధతుల్ని మార్చుకోవాలి. దీనికి జీర్ణవ్యవస్థ అలవాటుపడాలి. వారి ఆహారానికి అలవాటు పడేవరకూ వెయిట్ చేయాలి. ఈ నేపథ్యంలో బరువు పెరగడం కామన్. Also Read : కోపాన్ని కంట్రోల్ చేసుకోలేకపోతున్నారా.. ఇలా చేయండి..
ఎక్కువగా తినడం..
కొత్తగా పెళ్ళైన వారు రాత్రుళ్లు లేట్గా తినడం, అంతేకాదు, తెలిసిన వారు రావడం వారితో కలిసి తినడం, పార్టీస్ ఇలాంటి వాటిని తప్పించుకోలేం. కాబట్టి, కేలరీలు పెరిగి పోషకాలు తక్కువగా ఉండే ఫుడ్స్ తీసుకుంటాం. దీంతో బరువు పెరుగుతారు. Also Read : అత్తగారింట్లో గొడవలు రాకుండా ఉండాలంటే ఇలా చేయండి..
అనుకున్నవి తినలేరు..
పెళ్ళికి ముందు ఓ రకమైన ఇండిపెండెన్సీ ఉంటుంది. ఏది కావాలనుకుంటే అది తినేవారు. పెళ్ళి తర్వాత ఆ స్వేచ్ఛ ఉండదు. ప్రాధాన్యతలు పూర్తిగా మారతాయి. భర్తకు కావాల్సిన ఫుడ్ ప్రిపేర్ చేసి అదే తినాలి. పని ఒత్తిడి, ఇంటిపనులు ఇలాంటివన్నీ ఉంటాయి. దీంతో అలసిపోతారు. ఇంట్లో ఏది ఉంటే అదే ఎక్కువ మొత్తంలో తింటారు.
Read More : Relationship News and Telugu News