మీ కోడలు బాగా చేయడం లేదా?.. సురేఖపై అంజనమ్మకు ఉపాసన ఫిర్యాదు!

సురేఖ కొణిదెల చేతి వంటల గురించి మెగా ఫ్యామిలీ ఎప్పుడూ చెబుతూనే ఉంటుంది. ఇక అంజనమ్మ ప్రాచీన, సంప్రదాయ వంటకాల గురించి సురేఖ కూడా చెబుతుంటారు. ఇక మెగా ఫ్యామిలీ రెసిపీలను అందరికీ చూపించాలని అత్తమ్మాస్ కిచెన్ అంటూ ఉపాసన మార్కెట్లోకి అందుబాటులోకి తీసుకొచ్చింది. ఉపాసన అప్పుడప్పుడూ నెట్టింట్లో అత్తమ్మాస్ కిచెన్ వీడియోస్‌ను షేర్ చేస్తుంటారు. ఆ వీడియోల్లో సురేఖ, అంజనమ్మలతో ఉపాసన పెట్టే ముచ్చట్లు ఫన్నీగా ఉంటాయి. ఇక ఉపాసన తెలుగు మాటలు ఎంత క్యూట్‌గా ఉంటాయో అందరికీ తెలిసిందే.

తాజాగా రిలీజ్ చేసిన వీడియోలోనూ ఉపాసన తన తెలుగుని ఎంతో ముద్దుగా వినిపించింది. నాయనమ్మ ఎందుకు అంత సీరియస్‌గా ఉన్నరు.. అని అంజనమ్మని ఉపాసన అడిగేశారు. సీరియస్‌గా ఏం లేను. పని లేక ఖాళీగా కూర్చున్నా అని అంజనమ్మ కౌంటర్ వేశారు. మీ కోడలు పికెల్ బాగా చేయడం లేదా? అని సురేఖ మీద కంప్లైంట్ చేసినట్టుగా ఉపాసన చెప్పేసింది. ఏ నువ్వు లేవా? నువ్వు కోడలివేగా? అని అంజనమ్మ మళ్లీ సెటైర్ వేశారు.

ఆ తరువాత కెమెరాను సురేఖ మీదకు తీసుకొచ్చారు ఉపాసన.. అత్తమ్మా.. క్యా హో రహా అని అంటుంటే.. సురేఖ మాత్రం సమాధానం చెప్పకుండా తన పనిలో తాను మునిగిపోయారు. కానీ అంజనమ్మ మాత్రం రిప్లై ఇచ్చారు. హిందీలో అడిగితే అస్సలు సమాధానం చెప్పలేదన్నట్టుగా అనేశారు. ప్రస్తుతం ఈ వీడియో నెట్టింట్లో అందరినీ ఆకట్టుకుంటోంది.

రామ్ చరణ్‌కు వేల్స్ యూనివర్సిటీ డాక్టరేట్ ప్రధానం చేయగా.. తన భర్త వీడియోని కెమెరాలో బంధిస్తూ కనిపించిన ఉపాసన అందరి మనసుల్ని ఆకట్టుకున్నారు. భర్తను చూసి భార్య గర్వంగా ఫీల్ అవుతోందంటూ ఉపాసన వీడియో మీద నెటిజన్లు కామెంట్లు చేశారు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-04-20T05:25:54Z dg43tfdfdgfd