పప్పులని ఇలా వండి తింటే పోషకాలు ఎక్కువగా అందుతాయట..
పప్పుల్లో ప్రోటీన్స్ ఎక్కువగా ఉంటాయి. వీటిని ఎలా తింటే మంచిదో తెలుసుకోండి.
శరీర పెరుగుదలకి, పనితీరుకి ప్రోటీన్ అవసరం. ప్రోటీన్ సరిపడా లేకపోతే కండరాలు బలహీనమవుతాయి. అలసటగా ఉంటారు. ప్రోటీన్ లోపం వల్లే ఇమ్యూనిటీ సరిగ్గా ఉండక వ్యాధులు, ఇన్ఫెక్షన్స్‌తో బాధపడతారు. అందుకే, పప్పులు తినాలి. అయితే, పప్పులని ఎలా తింటే ఈ బెనిఫిట్స్ అందుతాయో ఇప్పుడు తెలుసుకోండి. పప్పులు తినేటప్పుడు..
మాంసాహార ఆహారాలు ప్రోటీన్‌కి ఉత్తమ మూలం అని అంటారు. అయితే, శాకాహారులకి ఈ ప్రోటీన్ అందాలంటే పప్పులు తినాల్సిందే. అయితే, వీటిని తినేటప్పుడు సరైన విధంగా తింటే ఆ ప్రోటీన్ మనకి అందుతాయి.
రకరకాలుగా వండడం..
ఈ పప్పులని మీరు అనేక మార్గాల్లో వండొచ్చు. ఆకుకూరలు, ఇడ్లీ, దోశలు, లడ్డూలు, హల్వా వంటివి చేసుకుని వండుకుని ఈ పోషకాలను పొందొచ్చు. Also Read : మామిడిపండ్లు తింటే బరువు, షుగర్ లెవల్స్ పెరుగుతాయా..
డాక్టర్ సలహా..
వండే ముందు..
పప్పులు వండేటప్పుడు ముందుగా నానబెట్టడం మంచిది. కొంతమంది అలానే వండుతారు. కానీ, అలా కాకుండా కొన్ని గంటల పాటు నానబెట్టి వండితే అందులోని పోషకాలన్నీ ఆరోగ్యానికి అందుతాయి. మరుసటి రోజు.. ఓ సారి కడిగి వండాలి. అప్పుడు అందులోని చెడు కెమికల్స్ ఉంటే అవి పోతాయి. ఎందుకంటే పప్పుల్లో, కాయాధాన్యాల్లో యాసిడ్ ఫైటేట్స్ ఉంటాయి. ఇవి ఆరోగ్యానికి మంచివికావు.
పప్పులని కలిపి వండడం..
పప్పులు తినేటప్పుడు వాటిని కలిపి వండితే మరిన్ని పోషకాలు అందుతాయి. ఇలా తింటే ప్రోటీన్ ఎక్కువగా అందుతుంది. పప్పుల్లో ఎక్కువగా అమినో యాసిడ్స్ ఉంటాయి. కొన్ని పప్పుల్లో ఇవి తక్కువగా ఉంటే, మరికొన్ని పప్పుల్లో ఎక్కువగా ఉంటాయి. కాబట్టి, ఎక్కువ ప్రోటీన్ పొందాలంటే ఇందుల్లో మరికొన్ని ధాన్యాలు కలిపి కూడా తినొచ్చు.Also Read : Bad cholesterol : ఈ సీడ్స్ తింటే రక్తంలోని చెడు కొలెస్ట్రాల్ తగ్గుతుంది..
మొలకలుగా..
పప్పులని అలానే కాకుండా మొలకల్లా చేసికుని తింటే పోషకాలు మరింతగా పెరుగుతాయి. వీటిని తినడం వల్ల కొలెస్ట్రాల్ తగ్గుతుంది. లిపిడ్ ప్రొఫైల్ పెరుగుతుంది. గుండె ఆరోగ్యంగా ఉంటుంది. గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఇవి పాటించడం వల్ల ఫలితాలు అనేవి వ్యక్తిగతం మాత్రమే. వీటిని పాటించే ముందు డైటీషియన్‌ని సంప్రదించడమే ఉత్తమ మార్గం. గమనించగలరు.
Read More : Health News and Telugu News