తత్తూరు స్వీట్స్ తిన్నారా.. స్పెషాలిటీ ఇదే, ఒక్కసారి తిన్నారంటే అస్సలు వదలరు!
500 సంవత్సరాల చరిత్ర గల తత్తూరు రంగనాథ స్వామి తిరుణాలలో పెద్దపెద్ద స్వీట్ షాప్ లో చాలా చక్కగా ఎంతో రుచికరమైన స్వీట్ షాపులను ఇక్కడ ఏర్పాటు చేశారు. స్వీట్ అన్ని మన కళ్ళు ఎదురుగానే తయారుచేసి అమ్మకాలు జరుపుతారు. నంద్యాల జిల్లా నందికొట్కూరు నియోజకవర్గ పరిధిలో తత్తూరు గ్రామంలో వెలసిన శ్రీ శ్రీ తత్తూరు రంగనాథ స్వామి తిరుణాల ఎంతో అంగరంగ వైభవంగా నిర్వహించారు. ఈ తిరుణాల కార్యక్రమానికి ఉమ్మడి జిల్లాల నుంచి వేలాదిమంది భక్తాదులందరూ తరలివచ్చి స్వామి అమ్మవార్ల దర్శనం చేసుకుంటూ ఉన్నారు. స్వామి అమ్మవార్ల దర్శనం అనంతరం తిరునాళ్లను తిలకించేందుకు వెళ్తూ ఉంటారు. తిరుణాలలో భాగంగా పెద్దపెద్ద స్వీట్ షాపులను ఇక్కడ ఏర్పాటు చేశారు, తత్తూరు తిరునాళ్లకు ముఖ్యమైనవిగా ఈ స్వీట్ షాపులు అని చెప్పవచ్చును. తిరుణాలకు వచ్చిన ప్రతి ఒక్కరూ ఇక్కడ తయారు చేసే స్వీట్లు కొనుగోలు చేయనిదే వారి గ్రామాలకు వెళ్ళరు. జాంగిర్, మైసూర్ పాక్, బాదుషా, తీయకారాలు, మిచ్చెర, తీయని బెండ్లు, ఇలా మొదలైనవి అన్ని అమ్మకాలు జరుపుతున్నారు. దాదాపుగా 80 సంవత్సరాల నుంచి మహమ్మద్ రఫీ, వారి కుటుంబ సభ్యులు తత్తూరు జాతరలో ఇలా స్వీట్ షాపుల టెంట్లు వేసి, రకరకాల స్వీట్ అమ్మకాలు జరుపుతూ ఉన్నామని తెలిపారు. ఇక్కడ ప్రతిరోజు ఉమ్మడి జిల్లాల నుంచి వేలాదిమంది భక్తాదులందరూ తత్తూరు రంగనాథ స్వామి దర్శించుకొని స్వీట్ కొనుగోలు చేయడానికి వస్తూ ఉంటారని అమ్మకాలు బాగానే జరుగుతూ ఉన్నాయని తెలిపారు. పూర్వం నుంచి ఇక్కడే మా వంశస్థులు స్వీట్ అమ్మకాలలో మా ప్రత్యేకత ఉంది.
2024-05-02T09:18:22Z
Horoscope: మే 3 రాశిఫలాలు. ఈ రాశుల వారు శుభవార్తలు వింటారు...!
జ్యోతిష్య పండితులు గ్రహాలు, నక్షత్రాల గమనం ఆధారంగా రాశి ఫలాలు చెబుతుంటారు. అనేక ఇతర అంశాలను సైతం పరిగణనలోకి తీసుకొని ఏ రాశి వారికి ఎలాంటి రోజు వారీగా ఎలాంటి పరిస్థితులు ఎదురవుతాయో విశ్లేషిస్తుంటారు. జ్యోతిష్యం ప్రకారం.. 2024 మే 3వ తేదీ, శుక్రవారం నాటి దిన ఫలాలు ఏయే రాశికి ఎలా ఉన్నాయో తెలుసుకోండి. మేష రాశి (Aries): వృత్తి, ఉద్యోగాలు ఉత్సాహంగా, ఉల్లాసంగా సాగిపోతాయి. అనుకున్న పనులు అనుకున్నట్టు పూర్తవుతాయి. కొత్త కార్యక్రమాలు చేపడతారు. కొందరు బంధుమిత్రుల వల్ల ఆర్థికంగా నష్టపోయే అవకాశం ఉంది. ఆదాయం పెరగడానికి సంబంధించి కొత్త ప్రయత్నాలు చేస్తారు. తోబుట్టువులకు ఆర్థికంగా అండగా నిలబడతారు. వ్యాపారాల్లో లాభాలపరంగా ఆశించిన పురోగతి ఉంటుంది. కుటుంబ సభ్యులతో ఆచితూచి వ్యవహరించాల్సి ఉంటుంది. ఎవరినీ గుడ్డిగా నమ్మకపోవడం మంచిది. వృషభం (Taurus): కుటుంబ వ్యవహారాలను చాలావరకు చక్కబెడతారు. కొద్ది వ్యయ ప్రయాసలతో ముఖ్యమైన వ్యవహారాలను పూర్తి చేస్తారు. ముఖ్యమైన ప్రయత్నాలు నెరవేరుతాయి. కానీ, ఆదాయ మార్గాలు కలిసి వస్తాయి. శత్రు, రోగ, రుణ బాధలు బాగా తగ్గి ఉంటాయి. ఆధ్యాత్మిక చింతన ఆశించినంతగా బాగా పెరుగుతుంది. దూర ప్రాంతంలో ఉన్న పిల్లల నుంచి ఒకటి రెండు శుభవార్తలు వింటారు. వృత్తి, ఉద్యోగాల్లో ప్రాధాన్యం పెరుగుతుంది. మీ పనితీరుతో, ప్రతిభతో అధికారులను ఆకట్టుకుంటారు. మిథునం (Gemini): వృత్తి, ఉద్యోగాల్లో మీ ప్రతిభా పాటవాలు బాగా రాణిస్తాయి. వ్యాపారాల్లో అంచనాలకు మించి లాభాలు అందుకుంటారు. పలుకుబడి కలిగిన వ్యక్తులతో పరిచయాలు పెరుగుతాయి. కుటుంబ వ్యవహారాల్లో తొందరపాటు నిర్ణయాలు తీసుకోకుండా జాగ్రత్త పడాల్సి ఉంటుంది. ఆహార, విహా రాల్లో జాగ్రత్తగా ఉండడం మంచిది. విదేశాల నుంచి మంచి ఆఫర్లు అందుతాయి. విదేశీ సంబంధం కుదిరే అవకాశం ఉంది. ఆర్థిక పరిస్థితి బాగా మెరుగ్గా ఉంటుంది. మిత్రులకు సహాయం చేస్తారు. కర్కాటక రాశి (Cancer): కొందరు ఇష్టమైన బంధుమిత్రులను కలుసుకుంటారు. ముఖ్యమైన వ్యవహారాలను పట్టుదలగా పూర్తి చేస్తారు. మంచి పరిచయాలు ఏర్పడతాయి. వృత్తి, వ్యాపారాల మీద శ్రద్ధ పెంచుతారు. ఉద్యోగంలో జీతభత్యాలకు సంబంధించి శుభవార్త వింటారు. ఆర్థిక లావాదేవీల వల్ల ప్రయోజనం ఉంటుంది. స్పెక్యులేషన్ లాభిస్తుంది. సంతానం నుంచి ఆశించిన మంచి వార్తలు వింటారు. జీవిత భాగస్వామికి కూడా మంచి గుర్తింపు లభిస్తుంది. ఆదాయం, ఆరోగ్యం నిలకడగా ఉంటాయి. సింహం (Leo): ముఖ్యమైన వ్యవహారాలను చక్కబెట్టడంలో వ్యయ ప్రయాసలు తప్పకపోవచ్చు. వ్యక్తిగత సమ స్యలు చాలావరకు తగ్గుముఖం పడతాయి. బంధుమిత్రులు మీ సలహాలు, సూచనలకు విలువ నిస్తారు. వృత్తి, ఉద్యోగాల్లో బరువు బాధ్యతలు ఎక్కువగా ఉన్నప్పటికీ, ప్రతిఫలం ఉంటుంది. వ్యాపారాలు నిలకడగా ముందుకు సాగుతాయి. ఆదాయానికి లోటుండకపోవచ్చు. కొందరు సహో ద్యోగులతో అకారణ శత్రుత్వం ఏర్పడే అవకాశముంది. ప్రయాణాల్లో ప్రమాదాలు ఎదురు కావచ్చు. కన్య రాశి (Virgo): అన్ని విధాలుగానూ సంపాదన పెరుగుతుంది. వృత్తి, ఉద్యోగాల్లో జీతభత్యాలు వృద్ధి చెందే అవకా శముంది. వ్యాపారాల్లో ఆశించిన స్థాయిలో లాభాలు కనిపిస్తాయి. కొందరు మిత్రుల వల్ల ధన నష్టం జరిగే అవకాశం ఉంది. కుటుంబ వ్యవహారాల్లో తొందరపాటు నిర్ణయాలు తీసుకునే సూచ నలున్నాయి. డాక్టర్లు, లాయర్ల వంటి వృత్తుల వారికి సమయం అనుకూలంగా ఉంది. ప్రతిభా పాటవాలకు సరైన గుర్తింపు లభిస్తుంది. ఆరోగ్యానికి ఢోకా ఉండదు. స్పెక్యులేషన్ లాభిస్తుంది. తుల రాశి (Libra): ఉద్యోగంలో మీ మాటకు, చేతకు విలువ పెరుగుతుంది. డాక్టర్లకు, లాయర్లకు, ఇతర వృత్తులవారికి బాగా డిమాండ్ ఏర్పడుతుంది. క్షణం కూడా తీరిక ఉండని పరిస్థితి ఏర్పడుతుంది. వ్యాపారాల్లో కొత్త ప్రయత్నాలు, కొత్త ఆలోచనలు సత్ఫలితాలనిస్తాయి. ఇంటా బయటా బాధ్యతలు పెరుగు తాయి. సోదర వర్గంతో సమస్యలు పరిష్కరించుకుంటారు. ఆదాయం పెరుగుతుంది. అదనపు సంపాదన ప్రయత్నాలు కూడా సత్ఫలితాలనిస్తాయి. కొత్త నిర్ణయాలకు సమయం అనుకూలంగా ఉంది. వృశ్చిక రాశి (Scorpio): వృత్తి, వ్యాపారాల్లో సొంత ఆలోచనలు బాగా కలిసి వస్తాయి. వ్యాపారాలు లాభసాటిగా సాగి పోతాయి. వృత్తి జీవితంలో మంచి గుర్తింపు లభిస్తుంది. నిరుద్యోగులకు మంచి ఉద్యోగ యోగం ఉంది. ప్రముఖులతో పరిచయాలు పెరుగుతాయి. ఉద్యోగంలో ఆశించిన పురోగతి సాధిస్తారు. ఆర్థిక లావాదేవీలు ఉత్సాహపరుస్తాయి. తల్లితండ్రుల్లో ఒకరి ఆరోగ్యం కాస్తంత ఆందోళన కలిగిస్తుంది. చిన్ననాటి స్నేహితులను కలుసుకుంటారు. విదేశాల నుంచి ఆశించిన సమాచారం అందుతుంది. ధనస్సు రాశి (Sagittarius): వృత్తి, వ్యాపారాల్లో కొద్దిపాటి లాభాలకు అవకాశం ఉంది. ఉద్యోగంలో సానుకూల మార్పులు, చేర్పులు చోటు చేసుకుంటాయి. కొత్త బాధ్యతలను చేపడతారు. ముఖ్యమైన వ్యవహారాల్లో వ్యయ ప్రయాసలు తప్పకపోవచ్చు. తోబుట్టువులతో ఆస్తి వివాదం ఒక కొలిక్కి వస్తుంది. కుటుంబంలో సుఖ సంతోషాలకు లోటు ఉండదు. సమాజంలో మాట చెల్లుబాటు అవుతుంది. కొత్త ప్రయత్నా లను విజయవంతంగా పూర్తి చేస్తారు. ఉద్యోగ ప్రయత్నాలకు సానుకూల స్పందన లభిస్తుంది. మకర రాశి (Capricorn): మకరం (ఉత్తరాషాఢ 2,3,4, శ్రవణం, ధనిష్ట 1,2) ఆదాయానికి, ఆరోగ్యానికి ఏమాత్రం ఇబ్బంది ఉండదు. అదనపు ఆదాయ ప్రయత్నాలు మంచి ఫలితాలనిస్తాయి. మాటకు, చేతకు విలువ పెరుగుతుంది. కుటుంబ వ్యవహారాలు హ్యాపీగా సాగి పోతాయి. జీవిత భాగస్వామితో అన్యోన్యత వృద్ధి చెందుతుంది. చదువుల్లో పిల్లలు పురోగతి సాధి స్తారు. విదేశాల నుంచి ఆశించిన శుభవార్త అందుతుంది. ఆరోగ్యం పట్ల శ్రద్ధ వహించడం మంచిది. ఆస్తి వివాదం పరిష్కారమవుతుంది. వృత్తి, ఉద్యోగాల్లో బాగా రాణిస్తారు. వ్యాపారాలు లాభిస్తాయి. కుంభ రాశి (Aquarius): ఉద్యోగ జీవితం సాఫీగా సాగిపోతుంది. వ్యాపారాల్లో లాభాలకు లోటుండదు. వృత్తి జీవితం బిజీగా గడిచిపోతుంది. ఏ ప్రయత్నం తలపెట్టినా విజయం సాధించే అవకాశం ఉంది. విదేశాల నుంచి ఆశించిన సమాచారం అందుతుంది. సమాజంలో పలుకుబడి పెరుగుతుంది. వ్యక్తిగత సమస్య లను పరిష్కరించుకుంటారు. ఇతరులతో, ముఖ్యంగా కుటుంబ సభ్యులతో వాదోపవాదాలకు దిగి ఇబ్బందిపడే సూచనలు కనిపిస్తున్నాయి. బంధుమిత్రుల నుంచి సహాయ సహకారాలు లభి స్తాయి. మీన రాశి (Pisces): వృత్తి, ఉద్యోగాల్లో సమస్యలు పరిష్కారం అవుతాయి. వాతావరణం బాగా అనుకూలంగా మారు తుంది. స్వల్ప అనారోగ్యానికి అవకాశముంది. ఆదాయం పెరిగి ఆర్థిక సమస్యలు తగ్గుముఖం పడతాయి. శత్రువులు సైతం మిత్రులుగా మారే అవకాశం ఉంది. వ్యాపారాల్లో అప్రయత్నంగా లాభాలు పెరుగుతాయి. మనసులోకి కోరికలు నెరవేరుతాయి. కష్టార్జితం పెరిగే అవకాశం ఉన్న ప్పటికీ వృథా ఖర్చులు పెరిగి ఇబ్బంది పడతారు. ఆరోగ్యం మీద శ్రద్ధ పెట్టాల్సిన అవసరం ఉంది.
2024-05-03T00:35:23Z
Health Care: ఉదయం ఖాళీ కడుపుతో ఈ ఆకులు తింటే మీకు ముసలితనమే రాదు!
హిందూ సాంప్రదాయంలో, ఆయుర్వేదంలో తులసి మొక్కకు విశిష్ట స్థానం ఉంది. తులసి మొక్కను ఇంటికి శుభప్రదమని భావిస్తారు. అందుకే నిత్యం పూజలు చేస్తుంటారు. తులసి ఆకుల్లో ఔషధ గుణాలు మెండుగా ఉంటాయి. యాంటీ బాక్టీరియల్, యాంటీ ఫంగల్ లక్షణాలతో ఆరోగ్యాన్ని కాపాడుతాయి. ప్రతిరోజూ తులసి ఆకులను తిన్నా లేదా టీ రూపంలో తాగినా అద్భుతమైన ఆరోగ్య ప్రయోజనాలు పొందవచ్చు. ఖాళీ కడుపుతో తులసి ఆకులను తీసుకుంటే ఎలాంటి ప్రయోజనాలు ఉంటాయో ఇప్పుడు చూద్దాం. జ్వరం నివారణతులసి ఆకుల్లో యాంటీఆక్సిడెంట్స్, యాంటీ బాక్టీరియల్ గుణాలు ఉంటాయి. ఇవి జ్వరాన్ని నివారించడంలో కీలక పాత్ర పోషిస్తాయి. చర్మం ఆరోగ్యాన్ని కాపాడుతాయి. తరచుగా తులసి ఆకులు తింటే సీజనల్ వ్యాధులకు చెక్ పెట్టవచ్చు. శరీరాన్ని డిటాక్సిఫై చేస్తుంది. అధిక బరువుతో బాధపడేవారు తులసి ఆకులను తింటే ఉపశమనం లభిస్తుంది. ఖాళీ కడుపుతో క్రమం తప్పకుండా తీసుకోవడం వల్ల ఆస్తమా, బ్రాంకైటిస్ వంటి వ్యాధులు కూడా నయమవుతాయి. నోటి ఆరోగ్యంతులసి ఆకులను నమిలితే అందులోని యాంటీ-మైక్రోబయాస్‌ లక్షణాలు నోటి ఇన్‌ఫెక్షన్స్‌ను నివారిస్తాయి. నోటి దుర్వాసన దూరం చేస్తాయి. చిగుళ్ల నుంచి రక్తం కారడం తగ్గి, బలపడుతాయి. తులసి ఆకులు నోటి బ్యాక్టీరియాను తగ్గిస్తాయి. గుండె, మెదడు ఆరోగ్యంశరీరంలో గుండె, మెదడు కీలక అవయవాలు. వాటి పనితీరును మెరుగుపరిచే గుణాలు తులసి ఆకుల్లో మెండుగా ఉంటాయి. తులసి మొక్కలోని అన్ని భాగాలు అడాప్టోజెన్‌గా పనిచేస్తాయి. శరీర ఒత్తిడిని తగ్గించడం, మానసిక సమతుల్యతను ప్రోత్సహించే సహజసిద్ధ పదార్ధమే అడాప్టోజెన్. దీని కారణంగా మెదడు పనితీరు మెరుగుపడుతుంది. తులసి ఆకులను టీ రూపంలో తీసుకున్నా మానసిక, నాడీ వ్యవస్థ పనితీరు మెరుగుపడుతుంది. షుగర్ లెవల్స్ నియంత్రణతులసి ఆకులను క్రమం తప్పకుండా పరగడుపున తింటే రక్తంలో షుగర్ లెవల్స్ అదుపులోకి వస్తాయి. ఇన్సులిన్ సెన్సిటివిటీ మెరుగుపరిచి, మధుమేహాన్ని నియంత్రించే సమ్మేళనాలు తులసి ఆకుల్లో పుష్కలంగా ఉంటాయి. అందుకే డయాబెటిక్ రోగులు తులసి ఆకులు తింటే ప్రయోజనం ఉంటుంది. షుగర్ వ్యాధి లేనివారు కూడా తులసి ఆకులను డైట్‌లో చేర్చుకోవచ్చు. ప్రతిరోజూ 5-10 తులసి ఆకులను ఖాళీ కడుపుతో తింటే జీర్ణవ్యవస్థ మెరుగుపడుతుంది. జలుబు, దగ్గు, జ్వరాన్ని తగ్గించే యాంటీ మైక్రో బయల్ గుణాలు సైతం ఉంటాయి. వృద్ధాప్య ప్రక్రియ ఆలస్యంతులసి ఆకుల్లోని యాంటీఆక్సిడెంట్స్ వృద్ధాప్య ప్రక్రియను ఆలస్యం చేస్తాయి. శరీర కణాలను రక్షించడానికి ఫ్రీ రాడికల్స్‌పై పోరాటం చేస్తాయి. చర్మం ఆరోగ్యాన్ని మెరుగు పరుస్తాయి. ముడతలను నివారించి వృద్ధాప్య ఛాయలను ఆలస్యం చేస్తాయి. మెరుగైన జీర్ణక్రియతులసి ఆకుల్లో కార్మినేటివ్ లక్షణాలు ఉంటాయి. ఇవి జీర్ణక్రియను మెరుగు పరుస్తాయి. కడుపు ఉబ్బరం, అజీర్తి, పొత్తి కడుపు నొప్పి వంటి సమస్యల నుంచి ఉపశమనం లభిస్తుంది. మలబద్ధకం సమస్యను నివారిస్తాయి. ఫలితంగా పొట్ట ఆరోగ్యం మెరుగుపడుతుంది. కాగా, తులసి ఆకుల్లో ఉండే యాంటీ బ్యాక్టీరియల్, యాంటీ ఫంగల్ గుణాలు దీర్ఘకాలిక శ్వాస ఇన్‌ఫెక్షన్స్‌ను తగ్గిస్తాయి. శరీరంలో ఆక్సిజన్ లెవల్స్‌ను పెంచుతాయి. (Disclaimer: ఈ ఆర్టికల్ లో అందించిన సమాచారం సాధారణ అంచనాల ఆధారంగా రూపొందించబడింది. news18 Telugu ఇదే విషయాన్ని ధృవీకరించలేదు. దయచేసి వాటిని అమలు చేయడానికి ముందు సంబంధిత నిపుణులను సంప్రదించండి)
2024-05-01T07:28:34Z
శ్రీశైలంలో పక్షులకు ముంతల్లో ఆహారం, నీళ్లు ఏర్పాటు.. భలే ఐడియా..
నంద్యాల జిల్లా శ్రీశైలంలో భ్రమరాంబిక మల్లికార్జున స్వామి వారి దేవస్థానంలో ఉద్యానవనం పార్కులో ఉదయం, సాయంకాలం అనేక రకాల పక్షులన్నీ అక్కడికి చేరుకుని సందడి చేస్తుంటాయి. అసలే వేసవి కాలం కావటంతో వాటన్నిటికీ ఆహార పదార్థాలు, ధాన్యం అన్ని ఏర్పాటు చేయడం జరిగింది ఆలయ నిర్వాహుకులు. ఉద్యానవనంలో కొన్ని మట్టితో తయారీ చేసిన ముంతలను ఏర్పాటు చేసి వివిధ రకాల ధాన్యపు గింజలు అన్నిటిని వేయడంతో పక్షుల అన్నిటికీ ఆహారం అందించే విధంగా చర్యలు తీసుకుంటున్నారు ఆలయ ఈవో డి పెద్దిరాజు. అసలే తీవ్రమైన ఎండతో మనుషులే ఇబ్బందులు ఎదుర్కొంటున్నారు. ఈ పరిస్థితుల్లో చిన్ని ప్రాణులైనా పక్షులన్నీ ఈ ఎండ తీవ్రతను తట్టుకోలేక చాలా పక్షులు మరణించడం జరుగుతోంది. అలాంటి వాటన్నిటికీ కొంతైనా మనం ఆహారం అందించాలి అనే ఆలోచనతో ఈ విధమైన నిర్ణయం దేవస్థాన అధికారులు తీసుకోవడం జరిగింది. ఈ ఉద్యానవనంలో వేల రకాల మొక్కలను నాటడం కూడా జరిగింది. చాలా వరకు అధికంగా చెట్ల కింద నీడ ఎక్కువగా ఉంటుంది. పక్షులన్నింటికీ నీడ ఉండే విధంగా తగు చర్యలు తీసుకోవడం జరిగింది. పక్షులన్నీ ఒకే చోట చేరి ధాన్యాన్ని ముంతలో ఉంచి మరో ముంతలో నీరును ఉంచడంతో ఎక్కవగా పక్షులు వచ్చి నీరు తాగుతూ ఆహారాన్ని తింటున్నాయి. ఇలా పక్షులన్నిటికీ శంకరావనం, సర్వతోభద్రవనం, బ్రహ్మరీ వనం, గులాబీ వనం, మల్లమ్మ తోట, శ్రీ పర్వతావనం, తదితర వనాలలో పక్షులకు ఆహారంగా ధాన్యపు గింజలను అందుబాటులో ఉంచారు. వాటి ఆహారాన్ని తీర్చే విధంగా తగు చర్యలు తీసుకోవడం జరిగిందని ఆలయ ఈవో, డి పెద్దిరాజు లోకల్ 18తో ముచ్చటించారు.
2024-05-02T13:03:53Z
Panchangam Today: నేటి పంచాంగం... ఉదయం ఏ పనులు పెట్టుకోవద్దు..!
నేడు 2024 శుక్రవారం, మే 2, స్వస్తిశ్రీ చంద్రమాన క్రోధి నామ సంవత్సరం, ఉత్తరాయణం, వసంత రుతువు, చైత్ర మాసం, బహుళపక్షం, మౌడ్యకాలం. ఇవాళ 5 గంటల 38 నిమిషాలకు సూర్యోదయం. నేడు సాయంత్రం 6 గంటల 37 నిమిషాలకి సూర్యాస్తమయం అవుతుంది. ఇవాళ తిథి కృష్ణ దశమి రాత్రి 11 గంట 22 నిమిషాల వరకూ ఉంది. తర్వాత ఏకాదశి.వారం: బృగువాసరెనక్షత్రం: శతబిష రాత్రి 12 గంటల 3 నిమిషాల వరకూ ఉంది. తర్వాత పూర్వభద్ర.యోగం: బ్రహ్మ మధ్యాహ్నం 2 గంటల 15 నిమిషాల వరకూ ఉంది. తర్వాత ఐంద్ర. కరణం: వణిజ, మధ్యాహ్నం 12 గంటల 26 నిమిషాల వరకూ ఉంది. తర్వాత భద్ర రాత్రి 11 గంటల 22 నిమిషాల వరకూ ఉంది. తర్వాత బవ. అమృతకాలం సాయంత్రం 5 గంటల 22 నిమిషాల నుంచి 6 గంటల 51 నిమిషాల వరకూ ఉంది. నిజానికి ఈ అమృత కాలాన్ని శుభ సమయం, అమృత ఘడియలుగా పరిగణిస్తారు. దుర్ముహూర్తం ఉదయం 8 గంటల 27 నిమిషాల నుంచి 9 గంటల 57 నిమిషాల వరకు ఉంది. ఇది మంచి ముహూర్తం కాదు. అందువల్ల ఎవరూ ఈ సమయంలో ముహూర్తాలు పెట్టుకోరు. రాహుకాలం సాయంత్రం 3 గంటల నుంచి 4 గంటల 30 నిమిషాల వరకు ఉంది. రాహుకాల సమయంలో చేసే పనులకు ఆటంకం కలుగుతుందని ప్రజలు నమ్ముతారు. కాబట్టి ముఖ్యమైన పనులను ఆ సమయంలో చేయరు. యమ గండకాలం ఉదయం 10 గంటల 30 నుంచి 12 గంటల వరకు ఉంది. ఈ యమగండ కాలాన్ని శుభ సమయంగా పరిగణించరు. యమగండాన్నే కేతుకాలం అని కూడా అంటారు. అన్నింటికన్నా ముఖ్యమైనది వర్జ్యం. వర్జ్యం అంటే విడువ తగినది, అశుభ సమయం. శుభకార్యాలు, ప్రయాణాలు ఈ సమయంలో చేయకూడదు. ఈ రోజు వర్జ్యం ఉదయం 8 గంటల 25 నిమిషాల నుంచి 9 గంటల 16 నిమిషాల వరకూ ఉంది. తిరిగి మధ్యాహ్నం 12 గంటల 38 నిమిషాల నుంచి 1 గంట 29 నిమిషాల వరకు ఉంది. Disclaimer: ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-05-03T00:20:19Z
మహిళలు ఇక ఇంట్లో నుంచే నెలకు రూ.15 వేల నుంచి 20 వేలు సంపాదించొచ్చు.. ఎలా అంటే..
మహిళల కోసం అనేక అద్భుతమైన వ్యాపార ఆలోచనలు ఉన్నాయి. వీటిని కేవలం రూ.5 వేల నుండి 10 వేల రూపాయల పెట్టుబడితో ఇంట్లో ప్రారంభించి వేల రూపాయలు సంపాదించవచ్చు. నేటి ఆధునిక యుగంలో, మహిళలు కూడా తమ సొంత వ్యాపారాన్ని ప్రారంభించవచ్చు, దాని ద్వారా వారు తమ ఆర్థిక స్థితిని బలోపేతం చేసుకోవచ్చు. మహిళలకు లాభదాయకమైన బిజినెస్ ఐడియాలు ఏవి ఉన్నాయో మనం ఇప్పుడు తెలుసుకుందాం. చాలా తక్కువ పెట్టుబడితో ఈ వ్యాపారం నుండి మంచి మొత్తంలో డబ్బు సంపాదించవచ్చు. ఈ వ్యాపారంలో మీరు కేవలం రూ.5000 నుండి 10,000 రూపాయలు మాత్రమే పెట్టుబడి పెట్టాలి. ఎవరైనా ప్రతి నెలా వేలాది రూపాయలు సంపాదించాలనుకుంటే, ఈ వ్యాపారం గురించి పూర్తి సమాచారాన్ని తెలుసుకుందాం. ప్రస్తుతం మార్కెట్లో పచ్చళ్లు, నెయ్యికి విపరీతమైన డిమాండ్ ఉంది. ప్రతి ఇంట్లోనూ పచ్చళ్లు తింటారు. నెయ్యికి డిమాండ్ కూడా చాలానే ఉంటుంది. ఇలాంటి పరిస్థితుల్లో ఇంట్లోనే నెయ్యి తయారీ ప్రారంభించొచ్చు. దీన్ని విక్రయించడం ద్వారా మంచి లాభాలు పొందొచ్చు. తద్వారా అదిరే రాబడి సొంతం చేసుకోవచ్చు. ఇది మహిళలకు అనువుగా ఉండే బిజినెస్ ఐడియా. కేవలం 5000 రూపాయలతో ఈ వ్యాపారాన్ని ప్రారంభించి, పచ్చళ్లు , నెయ్యి అమ్మడం ద్వారా ప్రతి నెలా వేల రూపాయలు సంపాదించవచ్చు. స్త్రీలు కొత్త కొత్త వంటకాలు ట్రై చేయొచ్చు.ఆహారాన్ని సిద్ధం చేయడానికి ఇంట్లో ఖాళీ సమయాన్ని ఉపయోగించుకోవచ్చు. అంతే కాకుండా కేకులు, చిరుతిళ్లు తయారు చేసి మార్కెట్లో అమ్ముకోవచ్చు. రూ. 10,000 పెట్టుబడి మాత్రమే అవసరం. ఖర్చు కూడా చాలా తక్కువగా ఉంటుంది. ఈ రోజుల్లో మెహందీకి డిమాండ్ చాలా ఎక్కువగానే ఉందని మని తెలుసు. చిన్నదైనా పెద్దదైనా ప్రతి పండుగకు మెహందీ అవసరం. చేతులకు, కాళ్లకు మెహందీని పెట్టుకోవడం మన దేశంలో సంప్రదాయంగా వస్తోంది. కాబట్టి ఈ వ్యాపారం చేయడం ద్వారా వేల రూపాయలు సంపాదించవచ్చు. మెహందీ చేయడానికి కొన్ని పదార్థాలు అవసరం. ఈ వ్యాపారంలో కేవలం 10,000 రూపాయలు పెట్టుబడి పెట్టాలి, ఇక్కడ నెలకు 15 నుండి 20,000 రూపాయలు సంపాదించవచ్చు. ఇలా మీరు మీకు నచ్చిన వ్యాపారాన్ని ఇంటి వద్ద నుంచే ప్రారంభించొచ్చు. తద్వారా అదిరే రాబడి పొందొచ్చు. అయితే ఇక్కడ కొన్ని విషయాలు తెలుసుకోవాలి. వ్యాపారం ప్రారంభించడానికి ముందుగానే అన్ని విషయాలు పూర్తిగా తెలుసుకోవాలి. లేదంటే తర్వాత ఇబ్బందులు పడాల్సిరావొచ్చు. మార్కెటింగ్ అనేది చాలా ముఖ్యమైన అంశం. అందుకే మీరు ముందుగా దీనిపై కూడా కన్నేసి ఉంచాలి. అప్పుడే మార్కెట్లో పోటీని తట్టుకోగలం.
2024-05-02T03:47:27Z