Horoscope: మే 8 రాశిఫలాలు. వారికి ఆదాయ మార్గాలు పెరుగుతాయి
Horoscope today:రాశి ఫలాలు ప్రతి రోజూ మారిపోతూ ఉంటాయి. ఒక్కో రోజు.. ఒక్కో రాశి వారికి కలిసొస్తుంది. మరికొందరికి ఇబ్బందులు తలెత్తుతాయి. ఏ రాశి వారికి ఇవాళ ఎలా ఉందో ముందే తెలుసుకుంటే.. ఏవైనా సమస్యలు ఉన్నట్లు అనిపిస్తే.. జాగ్రత్త పడవచ్చు. మరి ఈ రోజు (మే 8, 2024 బుధవారం)... రాశిఫలాలు ఎలా ఉన్నాయో.. జ్యోతిష పండితులు ఏం సూచించారో తెలుసుకుందాం. మేష రాశి (Aries):రోజంతా చాలావరకు హ్యాపీగా గడిచిపోతుంది. ఉద్యోగ జీవితం ఆశాజనకంగా సాగిపోతుంది. వృత్తి, వ్యాపారాల్లో కొద్దిపాటి అభివృద్ధి కనిపిస్తుంది. బంధుమిత్రులతో కలిసి శుభకార్యంలో పాల్గొంటారు. ఆర్థిక సమస్యల ఒత్తిడి చాలావరకు తగ్గుతుంది. ఆర్థిక పరిస్థితి మరింత మెరుగుపడడానికి కొత్త ప్రయత్నాలు చేపడతారు. కొద్దిపాటి శ్రమతో ఒకటి రెండు ముఖ్యమైన వ్యవహారాలు పూర్తి చేస్తారు. ప్రయాణాలు లాభసాటిగా సాగిపోతాయి. ఆధ్యాత్మిక సేవా కార్యక్రమాల్లో పాల్గొంటారు. వృషభ రాశి (Taurus):నిరుద్యోగులకు ఆశించిన ఉద్యోగం లభించే అవకాశముంది. ప్రణాళికాబద్ధంగా వ్యవహరించి ముఖ్యమైన వ్యవహారాలను చాలావరకు పూర్తి చేస్తారు. ఆదాయ మార్గాలు పెరుగుతాయి. ఒక వ్యక్తిగత సమస్యను కొద్ది ప్రయత్నంతో పరిష్కరించుకుంటారు. సన్నిహితుల సహాయ సహకారాలు లభిస్తాయి. వృత్తి, వ్యాపారాల్లో ఉత్సాహంగా ముందుకు సాగుతారు. ఉద్యోగంలో అధికారుల నుంచి ఆశించిన ప్రోత్సాహకాలు లభిస్తుంది. ఆర్థిక, ఆరోగ్య పరిస్థితులు నిలకడగా ఉంటాయి. మిథున రాశి (Gemini):అన్ని రంగాల వారికి సమయం అనుకూలంగా ఉంది. ఏ ప్రయత్నమైనా సఫలం అవుతుంది. ఆర్థిక వ్యవహారాల్లో ఆశించిన స్థిరత్వం లభిస్తుంది. ఉద్యోగంలో పదోన్నతికి అవకాశం ఉంది. ప్రభుత్వ ఉద్యోగులకు ఊహించని అదృష్టం పడుతుంది. కొందరు బంధుమిత్రులకు ఆర్థికంగా అండగా నిలబడతారు. మంచి పరిచయాలు ఏర్పడతాయి. వృత్తి జీవితంలో డిమాండ్ పెరుగుతుంది. వ్యాపారాలు లాభదాయకంగా ముందుకు సాగుతాయి. ఆరోగ్యం అనుకూలంగా ఉంటుంది. కర్కాటక రాశి (Cancer):ఇంటా బయటా అనుకూలతలు పెరుగుతాయి. ఆర్థిక పరిస్థితి బాగా మెరుగ్గా ఉంటుంది. పిల్లలు ఘన విజయాలు సాధిస్తారు. జీవిత భాగస్వామి నుంచి కూడా శుభవార్తలు అందుతాయి. ఉద్యోగంలో ఒత్తిడి ఉన్నప్పటికీ, సకాలంలో, సంతృప్తికరంగా బాధ్యతలు నిర్వర్తిస్తారు. వ్యాపారాల్లో కూడా అంచనాలను అందుకుంటారు. మిత్రుల నుంచి ఆర్థిక సహాయం కోసం ఒత్తిడి ఉంటుంది. ముఖ్యమైన వ్యవహారాలు, పనులు తేలికగా పూర్తవుతాయి. ఆరోగ్యం పట్ల జాగ్రత్తగా ఉండాలి. సింహ రాశి (Leo):ఆర్థిక, ఆరోగ్య పరిస్థితులు బాగా మెరుగ్గా ఉంటాయి. ఇతరుల వ్యవహారాలలో తలదూర్చవద్దు. సొంత వ్యవహారాల మీద శ్రద్ధ పెట్టడం మంచిది. వృత్తి, ఉద్యోగాల్లో బరువు బాధ్యతలు పెరిగే అవకాశం ఉంది. పిల్లల నుంచి శుభవార్త అందుతుంది. జీవిత భాగస్వామికి మంచి గుర్తింపు లభిస్తుంది. ఆస్తి వ్యవహారాల్లో సానుకూలతలు కనిపిస్తాయి. ఒకటి రెండు వ్యక్తిగత సమస్యలను పరిష్కరించుకుంటారు. వృత్తి, వ్యాపారాలు లాభసాటిగా సాగిపోతాయి. ఆరోగ్యం విషయంలో జాగ్రత్తగా ఉండాలి. కన్య రాశి (Virgo):ఆర్థిక పరిస్థితి గతం కంటే మెరుగ్గా ఉంటుంది. రావలసిన డబ్బు చేతికి అందుతుంది. ఉద్యోగపరంగా రావాల్సిన బకాయీలు కూడా వసూలు అవుతాయి. ముఖ్యమైన అవసరాలు తీరిపోతాయి. సన్నిహితుల నుంచి అవసరమైన సహాయ సహకారాలు అందుతాయి. వ్యాపారాలు చాలావరకు నిలకడగా సాగిపోతాయి. ఉద్యోగంలో అధికారుల అండతో పదోన్నతులు సంపాదించే సూచనలున్నాయి. కుటుంబ జీవితం ప్రశాంతంగా సాగిపోతుంది. ఆరోగ్యం బాగానే ఉంటుంది. తుల రాశి (Libra):పిల్లలు పోటీ పరీక్షల్లోనూ, ఇంటర్వ్యూల్లోనూ విజయాలు సాధిస్తారు. సమయం అనేక విధాలుగా అనుకూలంగా ఉంది. బంధువులతో సఖ్యత, సాన్నిహిత్యం పెరుగుతాయి. ఆరోగ్యం మీద శ్రద్ధ పెట్టాలి. వృత్తి, వ్యాపారాలు సజావుగా సాగిపోతాయి. ఉద్యోగంలో బరువు బాధ్యతలతో పాటు ప్రాధాన్యం కూడా పెరుగుతుంది. మీ ఆలోచనలు, ప్రయత్నాలను ఆచరణలో పెట్టడానికి ఇది మంచి సమయం. ఆర్థిక పరిస్థితి చక్కబడుతుంది. కుటుంబ బాధ్యతలు కొద్దిగా పెరుగుతాయి. వృశ్చిక రాశి (Scorpio):వృత్తి, ఉద్యోగాల వాతావరణం ప్రశాంతంగా ఉంటుంది. వ్యాపారాలు నిలకడగా ముందుకు సాగుతాయి. వ్యయ ప్రయాసలతో కొన్ని ముఖ్యమైన పనులు, వ్యవహారాలు చాలావరకు పూర్తవుతాయి. ఇంటా బయటా అనుకూలతలు ఉంటాయి. మనసులోని కోరికల్లో ఒకటి రెండు అనుకో కుండా నెరవేరుతాయి. సోదరులతో ఆస్తి వివాదం పరిష్కారం కావచ్చు. ఉద్యోగ ప్రయత్నాల్లో సానుకూల స్పందన లభిస్తుంది. కుటుంబ సభ్యుల నుంచి సహాయ సహకారాలు లభిస్తాయి. ధనస్సు రాశి (Sagittarius):రోజంతా అనుకూలంగా జరిగిపోతుంది. వృత్తి, వ్యాపారాలు కొత్త పుంతలు తొక్కుతాయి. ఉద్యో గంలో ప్రాధాన్యం పెరుగుతుంది. కొన్ని ముఖ్యమైన పనులు, వ్యవహారాలు అనుకున్నవి అనుకున్నట్టు పూర్తవుతాయి. వ్యక్తిగత జీవితం సంతృప్తికరంగా సాగిపోతుంది. కుటుంబ సభ్యులతో కొద్దిగా పారదర్శకంగా వ్యవహరించడం మంచిది. జీవిత భాగస్వామి సలహాలు, సూచనలు ఉపకరిస్తాయి. ఆరోగ్యం పట్ల శ్రద్ధ వహించడం మంచిది. ఆర్థిక వ్యవహారాలు అనుకూలంగా ఉంటాయి. మకర రాశి (Capricorn):అనుకోకుండా కొన్ని మంచి పరిచయాలు ఏర్పడతాయి. ప్రయాణాలు లాభసాటిగా సాగిపోతాయి. పెళ్లి ప్రయత్నాలకు సంబంధించి బంధుమిత్రుల నుంచి శుభవార్తలు అందుతాయి. నిరుద్యోగులకు సొంత ఊర్లోనే ఆశించిన ఉద్యోగం లభించే అవకాశం ఉంది. అత్యవసర పనులు, వ్యవహారాలు, సంతృప్తికరంగా నెరవేరుతాయి. కుటుంబ సభ్యులతో ఇష్టమైన ఆలయాలు సందర్శించే అవకాశం ఉంది. వృత్తి, ఉద్యోగాల వాతావరణం బాగా అనుకూలంగా ఉంటుంది. ఆరోగ్యం నిలకడగా ఉంటుంది. కుంభ రాశి (Aquarius):వృత్తి, ఉద్యోగాల్లో సంతృప్తికర వాతావరణం నెలకొంటుంది. పిల్లలు ఉత్తమ ఫలితాలు సాధిస్తారు. నిరుద్యోగులకు ఉద్యోగావకాశాలు మెరుగుపడతాయి. మంచి మాట తీరుతో ఇంటా బయటా అందరినీ ఆకట్టుకుంటారు. వ్యాపారాలు అనుకూలంగా ఉంటాయి. ఆర్థిక పరిస్థితి పరవాలేదనిపిస్తుంది. ఆహార, విహారాల్లో జాగ్రత్తగా ఉండడం మంచిది. అదనపు ఆదాయ మార్గాలు సత్ఫలితాలనిస్తాయి. బంధువులకు అండగా ఉంటారు. కుటుంబానికి సంబంధించి ఒకటి రెండు శుభవార్తలు వింటారు. మీన రాశి (Pisces):కుటుంబ జీవితం ఉల్లాసంగా, ఉత్సాహంగా సాగిపోతుంది. ఆర్థిక పరిస్థితులు బాగా మెరుగ్గా ఉంటాయి. ఇంటా బయటా చిన్నపాటి సమస్యలున్నా వాటిని తేలికగా అధిగమిస్తారు. జీవిత భాగస్వామి అభిప్రాయాలకు ప్రాధాన్యం ఇస్తారు. ఆదాయం బాగానే ఉంటుంది కానీ, అనవసర ఖర్చులు పెరిగే సూచనలున్నాయి. వృత్తి, వ్యాపారాలు లాభసాటిగా ముందుకు సాగుతాయి. ఆర్థిక లావాదేవీలకు వీలైనంత దూరంగా ఉండడం మంచిది. ఉద్యోగంలో కొద్దిగా ఒత్తిడి ఉంటుంది. Disclaimer: ఈ కథనం ప్రజల విశ్వాసాలు, ఇంటర్నెట్లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-05-07T23:19:00Z
పెసరపప్పు, కొత్తిమీర.. అక్షయ తృతీయకు ఏ రాశి వారు ఏం కొంటే అదృష్టమో తెలుసా?
అక్షయ తృతీయ (Akshaya Tritiya) హిందువులకు చాలా ముఖ్యమైన పండుగ. ఈ పర్వదినాన శ్రీ మహావిష్ణువు, లక్ష్మీదేవిని పూజిస్తారు. ఈ రోజు చేసే పూజలు, దానాలు, స్నానాలు శాశ్వతంగా మంచి ఫలితాలను ఇస్తాయని నమ్మకం. అందుకే అక్షయ తృతీయ సందర్భంగా చాలా మంది బంగారం, వెండి వంటి విలువైన వస్తువులు కొంటారు. కొత్త వ్యాపారాలు ప్రారంభిస్తారు. ఇల్లు శుభ్రం చేసుకొని, లక్ష్మీదేవిని పూజిస్తారు. అయితే ఇలాంటి విలువైనవే కాకుండా కొన్ని సాధారణ వస్తువులు కొని ఇంటికి తెచ్చుకున్నా మంచి జరుగుతుందని టైమ్స్నౌన్యూస్ వెబ్సైట్తో చెప్పారు ప్రముఖ జ్యోతిష్యులు మీరా మహాజన్. పండుగ రోజు ఏ రాశి వారు ఎలాంటి వస్తువులు కొనుగోలు చేస్తే సంపద, శ్రేయస్సు పెరుగుతాయో వివరించారు. అవేంటో మీకు కూడా తెలుసుకోండి. మేషంఎరుపు రంగు బట్టలు కొనుగోలు చేస్తే మేషరాశి వారి జీవితంలో అదృష్టం పెరుగుతుంది. పెసరపప్పు, ఎరుపు పగడాలు (Red corals) కొంటే శుభ ఫలితాలు లభిస్తాయి, శక్తి, ధైర్యాన్ని పెంచుతాయి. వృషభంఈ పర్వదినాన వృషభ రాశి వారు తృణధాన్యాలు, బియ్యం, వెండి వస్తువులు ఇంటికి తెచ్చుకుంటే ఆర్థిక వృద్ధి కలుగుతుంది. మిథునంఈ రాశి వారు అక్షయ తృతీయ నాడు పెసరపప్పు కొంటే శుభ ఫలితాలు లభిస్తాయి. పచ్చని బట్టలు, కొత్తిమీర, తులసి మొక్క వంటివి కొని తెచ్చుకుంటే సంపద, శ్రేయస్సు వృద్ధి చెందుతాయి. కర్కాటకంవీరు పండుగ నాడు బియ్యం, పాలు, ముత్యాలు, తెల్లటి వస్తువులు కొనుగోలు చేస్తే ఆరోగ్యం, శ్రేయస్సు పెరుగుతుంది. సింహంఈ పండుగ సందర్భంగా సింహ రాశి వారు రాగి కొనుగోలు చేస్తే ఆర్థిక వృద్ధి కలుగుతుంది. మాణిక్యం, ఎరుపు రంగు బట్టలు, పండ్లు, కలపతో చేసిన వస్తువులు కొంటే శుభ ఫలితాలు అందిస్తాయి. కన్యవీరు పెసరపప్పు కొంటే శుభ ఫలితాలు ఉంటాయి. మనీ ప్లాంట్, యాలకులు, పచ్చ (Emerald) కొంటే అదృష్టం పెరుగుతుంది. తులతులారాశి వారు చక్కెర, మిఠాయి, స్ఫటికం, జిర్కోన్, వజ్రాలు, ఎలక్ట్రానిక్ వస్తువులు కొనడం మంచిది. వృశ్చికంవీరు బెల్లం, రాగి, ఎర్ర చందనం కొనడం వల్ల సంపద, శ్రేయస్సు సొంతం అవుతాయి. ధనుస్సుఅక్షయ తృతీయకు అరటిపండ్లు, బియ్యం, పుస్తకాలు, రాగి కొనుగోలు చేస్తే వీరికి మంచి జరుగుతుంది. పసుపు చందనం, కుంకుమపువ్వు తిలకం కొని తెచ్చుకుంటే శాంతి, సంతోషం లభిస్తాయి. మకరంవీరు పండుగకు మినపప్పు, నల్ల పప్పు, నల్ల బట్టలు కొనుగోలు చేయడం మంచిది. నల్ల దారంతో శక్తి, ధైర్యం పెరుగుతాయి. కాటుకతో అదృష్టం వరిస్తుంది. కుంభంఈ రాశివారు నల్ల నువ్వులు కొనుగోలు చేయవచ్చు. ఉక్కు కొన్నవారికి ఆర్థిక వృద్ధి కలుగుతుంది. నీలం (Sapphire)తో అదృష్టం వరించే అవకాశాలు ఉన్నాయి. ఆవ నూనెతో శ్రేయస్సు పెరుగుతుంది. మీనంఈ పర్వదినాన మీన రాశి వారు పసుపు, పచ్చి శనగపప్పు లేదా పెసరపప్పు, రాగి వస్తువులు కొనుగోలు చేస్తే ఆరోగ్యం, శ్రేయస్సు పెరుగుతుంది. రుద్రాక్ష, పుష్పరాగం, మామిడి పండ్లు కొనుగోలు చేసినా సంపద పెరుగుతుంది. (Disclaimer: ఈ ఆర్టికల్లో ఇచ్చినది ప్రజల విశ్వాసాలు, ఇంటర్నెట్లో సోషల్ సమాచారం మాత్రమే. దీన్ని తెలుగు న్యూస్ 18 నిర్ధారించట్లేదని గమనించగలరు.)
2024-05-08T01:34:53Z
Money Astrology: మే 7 ధన జ్యోతిష్యం. డబ్బుకు సంబంధించిన నిర్ణయాల్లో జాగ్రత్త!
(Bhoomika Kalam: భూమిక కలాం, అంతర్జాతీయ జ్యోతిష, టారో కార్డ్ నిపుణులు, ఆస్ట్రోభూమి ఫౌండర్, గ్లోబల్ పీస్ అవార్డు గ్రహీత) Money Astrology (ధన జ్యోతిషం): జ్యోతిష్యులు వివిధ అంశాల ఆధారంగా ఒక వ్యక్తికి ఉద్యోగ, వ్యాపారాల్లో ఎదురయ్యే పరిస్థితులను అంచనా వేస్తుంటారు. గ్రహాలు, నక్షత్రాల గమనం ఆధారంగా వ్యక్తుల ఆర్థిక భవిష్యత్తును విశ్లేషిస్తుంటారు. జ్యోతిష్యం ప్రకారం.. మే 7వ తేదీ, మంగళవారం నాడు అన్ని రాశుల ధన జ్యోతిష్యం ఫలితాలు ఎలా ఉన్నాయో తెలుసుకోండి. మేషం (Aries):వ్యాపార వ్యవహారాలు సాధారణంగా ఉంటాయి. ఎక్కువ కష్టపడి తక్కువ ఫలితాలు వచ్చే పరిస్థితి ఉంటుంది. అధికారులతో సత్సంబంధాల కారణంగా మీకు ప్రభుత్వ టెండర్ లేదా ప్రభుత్వ సంస్థలకు సంబంధించిన పెద్ద ఆర్డర్ రావచ్చు. పరిహారం: శివలింగానికి నీటితో అభిషేకం చేయండి. వృషభం (Taurus):ఏదైనా ఆస్తి సంబంధిత ఒప్పందాన్ని ఖరారు చేస్తున్నప్పుడు, పేపర్లను చెక్ చేయండి. ఎక్కువ సమయం మార్కెటింగ్ సంబంధిత పనులకు కేటాయిస్తారు. ఆగిపోయిన పేమెంట్ కూడా అందుతుంది. ఉద్యోగస్తులు అధిక పనిభారం వల్ల ఒత్తిడికి లోనవుతారు. పరిహారం: పసుపు రంగు వస్తువును మీ దగ్గర ఉంచుకుంటే బాగుంటుంది. మిథునం (Gemini):వ్యాపార కార్యకలాపాలపై నిఘా ఉంచడం ముఖ్యం. ఉద్యోగుల మధ్య విభేదాలు ఉండవచ్చు, ఇది పని సామర్థ్యాన్ని ప్రభావితం చేస్తుంది. ఏదైనా పెద్ద ఆర్డర్ ఫోన్ ద్వారా రావచ్చు. పరిహారం: శని దేవుడిని ఆరాధిస్తూ ఉండండి. కర్కాటకం (Cancer):వ్యాపార సంబంధిత కార్యకలాపాలలో ఫోన్ ద్వారా లేదా సమావేశంలో ఒక ముఖ్యమైన అంశంపై సానుకూల చర్చ ఉండవచ్చు, ఇది మీకు ప్రయోజనకరంగా ఉంటుంది. ఉద్యోగులకు ఆఫీస్లో గెట్ టు గెదర్ ప్రోగ్రామ్ ఉంటుంది. పరిహారం: బజరంగబలిని ఆరాధిస్తూ ఉండండి. సింహం (Leo):మీడియా, ఆన్లైన్ పనులకు సంబంధించిన వ్యాపారంలో విజయం ఉంటుంది. కొంచెం కష్టపడితే చాలా విజయాలు వస్తాయి. సమయం మీకు అనుకూలంగా ఉంది, దానిని సద్వినియోగం చేసుకోండి. ఉద్యోగానికి సంబంధించిన పనులు చేసేటప్పుడు జాగ్రత్తగా ఉండండి. పరిహారం: శని దేవుని పేరుతో దానం చేయండి. కన్య (Virgo):వ్యాపారంలో సమయం మీకు అనుకూలంగా లేదు. ఏదైనా కొత్త పనిని ప్రారంభించటానికి బదులుగా, ప్రస్తుత కార్యకలాపాలపై మాత్రమే దృష్టి పెట్టడం మంచిది. పార్ట్నర్షిప్లో పారదర్శకతను కాపాడుకోండి. లేకుంటే కారణం లేకుండానే వివాదాలు వచ్చే అవకాశం ఉంది. పరిహారం: శని దేవుడిని ఆరాధిస్తూ ఉండండి. తుల (Libra):ఫీల్డ్లో తయారీ సంబంధిత పనులపై మరింత శ్రద్ధ వహించాల్సిన అవసరం ఉంది. మీ సమయాన్ని మార్కెటింగ్కు వెచ్చించండి, ఉత్పత్తి నాణ్యతను పెంచుకోండి. చిట్ ఫండ్ సంబంధిత కంపెనీలలో పెట్టుబడి పెట్టడం మానుకోండి. వ్యాపారం కూడా బాగానే ఉంటుంది. పరిహారం: నీలి రంగు వస్తువులను దానం చేయండి. వృశ్చికం (Scorpio):ఒక్కోసారి నిర్లక్ష్యం వల్ల ఏదైనా ప్రభుత్వ విషయం చిక్కుల్లో పడవచ్చు. డబ్బు పెట్టుబడికి సంబంధించిన పనిలో ఇతరుల మాటల జోలికి పోకుండా పూర్తిగా ఆరా తీయండి. ఉద్యోగంలో లక్ష్యాన్ని చేరుకోవడానికి చాలా కష్టపడాలి. పరిహారం: ఎరుపు రంగు వస్తువును మీతో ఉంచుకోండి, బజరంగబలిని పూజిస్తూ ఉండండి. ధనస్సు (Sagittarius):ఏదైనా వ్యాపార నిర్ణయం తీసుకునే ముందు, అనుభవజ్ఞుడైన వ్యక్తిని సంప్రదించండి. ఈ సమయంలో మీరు తీసుకునే నిర్ణయాలు కూడా తప్పు కావచ్చు. ప్రభుత్వ సేవలందించే వ్యక్తులు అకస్మాత్తుగా ఉద్యోగానికి సంబంధించిన శుభవార్తలను అందుకుంటారు. పరిహారం: కాళి మాతను ఆరాధిస్తూ ఉండండి. మకరం (Capricorn):ఈ సమయంలో వ్యాపారంలో పరిస్థితులు పూర్తిగా మీకు అనుకూలంగా ఉంటాయి. వాటిని సద్వినియోగం చేసుకోండి. వ్యాపార పరిస్థితులు మెరుగుపడతాయి. ఉద్యోగంలో ఉన్న సహోద్యోగులు అసూయ భావనతో మీకు హాని కలిగించవచ్చు. పరిహారం: వినాయకుడిని పూజిస్తూ ఉండండి, పచ్చని వస్తువులను మీతో ఉంచుకోండి. కుంభం (Aquarius):ఈరోజు వ్యాపారంలో విస్తరణకు లేదా ఏదైనా కొత్త పనిని ప్రారంభించడానికి సమయం చాలా అనుకూలంగా ఉంటుంది. షేర్, ఫాస్ట్ రిసెషన్ వంటి రిస్కీ పనులలో నష్టం ఉండవచ్చు. ఉద్యోగులకు కొన్ని శుభవార్తలు లేదా బోనస్ లభిస్తుంది. పరిహారం: నీలి రంగు వస్తువులను దానం చేయండి. మీనం (Pisces):వ్యాపార దృక్కోణం నుండి గ్రహ స్థానం అనుకూలంగా లేదు. ఏదైనా ముఖ్యమైన నిర్ణయం తీసుకునే ముందు అనుభవజ్ఞులైన వ్యక్తుల సలహాలు, మార్గదర్శకత్వం తీసుకోవాలి. ప్రభుత్వ ఉద్యోగాల్లో ఉన్నవారు తమ పనిలో ఎలాంటి నిర్లక్ష్యం చేయకూడదు. పరిహారం: పెద్దల ఆశీర్వాదం తీసుకున్న తర్వాతే ఇంటి నుంచి బయటకు వెళ్లండి. Disclaimer:ఈ కథనం ప్రజల విశ్వాసాలు, ఇంటర్నెట్లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-05-06T23:30:11Z
అక్షయ తృతీయకు ఏ రాశి వారు ఏం కొనాలో తెలుసా..? ఇవి కొంటే అదృష్టంతో పాటు డబ్బు!
హిందువులు జరుపుకునే అత్యంత ముఖ్యమైన పండుగల్లో అక్షయ తృతీయ (Akshaya Tritiya) ఒకటి. ఈ పర్వదినాన ఏ కొత్త పని ప్రారంభించినా సక్సెస్ అవుతుందని, ఆరోజు పెట్టే పెట్టుబడి వృద్ధి, శ్రేయస్సును తెస్తుందని నమ్ముతారు. 2024లో మే 10న అక్షయ తృతీయ వచ్చింది. ఈ రోజున పూజకు శుభ సమయం ఉదయం 5:33 నుంచి మధ్యాహ్నం 12:18 వరకు ఉంటుంది. ఈ సమయంలో భక్తులు పూజలు చేస్తే శుభ ఫలితాలు లభిస్తాయి, పాపాల నుంచి విముక్తి పొందవచ్చు. అక్షయ తృతీయ నాడు ఎలాంటి శుభ ముహూర్తం చూడాల్సిన అవసరం లేకుండా ఎప్పుడైనా బంగారం కొనుగోలు చేయవచ్చు. అయితే ఏ రాశి వారు ఏం కొంటే అదృష్టం వరిస్తుందో జ్యోతిష్యం సూచిస్తోంది. అక్షయ తృతీయ సందర్భంగా ప్రతి రాశి వారు ఏం కొనుగోలు చేస్తే మంచిదో తెలుసుకోండి. మేషంమేష రాశి వారు సాహసోపేత స్ఫూర్తిని, కొత్త అనుభవాల కోరికను ప్రతిబింబించే ఔట్డోర్ డివైజ్లు, ట్రావెల్ వోచర్లు కొనవచ్చు. లేదా అడ్వెంచర్ యాక్టివిటీస్కి సబ్స్క్రిప్షన్ తీసుకోవచ్చు. వృషభంవీరు స్థిరత్వం, విలాసాలకు ఎక్కువ ప్రాధాన్యత ఇస్తారు. నగలు, చక్కని దుస్తులు లేదా ఇంటి అలంకరణ వంటి హై-క్వాలిటీ, దీర్ఘకాలిక వస్తువులలో పెట్టుబడి పెట్టడం వీరికి ఆనందాన్ని ఇస్తుంది. ఈ ఇన్వెస్ట్మెంట్ వీరిలో సౌకర్యం, భద్రతా భావాన్ని పెంపొందిస్తుంది. మిథునంవీరికి కమ్యూనికేషన్, స్టడీస్పై ఎక్కువ ఆసక్తి ఉంటుంది. కాబట్టి తెలివిని, ఆసక్తిని రేకెత్తించే పుస్తకాలు, కోర్సులు లేదా గ్యాడ్జెట్స్ను కొనుగోలు చేయవచ్చు. ఎల్లప్పుడూ ఫ్రెండ్స్, ఫ్యామిలీతో కనెక్ట్ అయి ఉండటానికి, సమాచారం తెలుసుకోవడానికి కొత్త ఫోన్ లేదా కంప్యూటర్ను కూడా కొనవచ్చు. కర్కాటకంకర్కాటక రాశి వారికి ఇల్లు, కుటుంబంతో మంచి అనుబంధం ఉంటుంది. కాబట్టి వీరు లివింగ్ స్పేస్ను మెరుగుపరిచే వస్తువులను కొనడం మంచిది. రిఫ్రిజిరేటర్లు, వాషింగ్ మెషీన్లు, డిష్వాషర్లు, కాఫీ మేకర్స్ వంటి హోమ్ అప్లయెన్సెస్, ఫర్నిచర్.. ఏవైనా కొనుగోలు చేయవచ్చు. సింహంసింహరాశి వారు నిత్యం ఇతరుల దృష్టిలో ఉండటాన్ని ఇష్టపడతారు, విలాసవంతమైన అనుభవాలను ఆస్వాదిస్తారు. వారి రాజరిక స్వభావాన్ని ప్రతిబింబించే డిజైనర్ డ్రెస్సులు, యాక్సెసరీస్ లేదా హై-ప్రొఫైల్ ఈవెంట్ లేదా షోకు టిక్కెట్లు కొనవచ్చు. కన్యకన్యారాశి వారు జీవితంలో క్రమం, పద్ధతిని ఇష్టపడతారు. వస్తువులను సరిగ్గా అమర్చడం, పనులను షెడ్యూల్ చేయడం, ప్రతిదీ చక్కగా ప్లాన్ చేసుకుంటారు. వీరు అక్షయ తృతీయకు కొత్త ప్లానర్, పనికి సంబంధించిన టూల్స్ లేదా ఆరోగ్యం, శ్రేయస్సును పెంచే ఫిట్నెస్ డివైజ్లు లేదా వెల్నెస్ ప్రొడక్ట్స్ వంటి వస్తువులు కొనవచ్చు. తులతులారాశి వారికి సౌందర్యం, సమతుల్యత పట్ల ఒక ప్రత్యేకమైన దృక్పథం ఉంటుంది. కాబట్టి ఈరోజు కళాఖండాలు, ఫ్యాషన్ యాక్సెసరీస్ లేదా వారి అలంకరణ, శైలికి సంబంధించిన వస్తువులు ఇంటికి తెచ్చుకోవచ్చు. వృశ్చికంవృశ్చికరాశి వారికి తీవ్రమైన భావోద్వేగాలు, బలమైన అభిరుచులు ఉంటాయి. వీరు ఆసక్తులకు అనుగుణంగా ఉండే మిస్టరీ నవల, టెంప్టింగ్ ఫ్రాగ్రెన్స్ లేదా ఆధ్యాత్మికతను పెంచే వస్తువులు కొనుగోలు చేయవచ్చు. ధనుస్సుధనుస్సు రాశి వారు అడ్వెంచర్ యాక్టివిటీస్, అన్వేషణను ఇష్టపడతారు. కాబట్టి వీళ్లు ప్రయాణ పరికరాలు, ఫిలాసఫీ లేదా మతానికి సంబంధించిన పుస్తకాలు కొనవచ్చు. ఔట్డోర్ యాక్టివిటీస్కు మద్దతు ఇచ్చే వస్తువులు కూడా మంచి ఆప్షన్స్ అవుతాయి. మకరంమకర రాశి వారు ప్రాక్టికల్గా ఉంటారు. లాంగ్-టర్మ్ ఇన్వెస్ట్మెంట్స్కు విలువ ఇస్తారు. వారి గొప్ప లక్ష్యాలకు అనుగుణంగా ఉండే వ్యాపార దుస్తులు, ఆర్థిక ప్రణాళిక సాధనాలు లేదా వృత్తిపరమైన చిత్రాన్ని మెరుగుపరిచే వస్తువులు కొనవచ్చు. కుంభంకుంభ రాశి వారు ముందుచూపు వ్యక్తులు. క్రియేటివ్గానూ ఉంటారు. మానవతా విలువలకు మద్దతు ఇచ్చే వస్తువులను కొనుగోలు చేయడాన్ని పరిగణించవచ్చు. ఉదాహరణకు ఒక దాతృత్వ కారణానికి విరాళం, పర్యావరణ అనుకూల ఉత్పత్తులు లేదా సృజనాత్మక కార్యకలాపాలకు మద్దతు ఇచ్చే వస్తువులు. మీనంమీనరాశి వారు ఊహాశక్తితో కూడిన సున్నితమైన వ్యక్తులు. వారి సృజనాత్మక వైపును పెంపొందించే కళా సామాగ్రి, సంగీత వాయిద్యాలు లేదా ఆధ్యాత్మికతను ప్రోత్సహించే వస్తువులు కొనుగోలు చేయవచ్చు. (Disclaimer: ఈ ఆర్టికల్లో ఇచ్చినది ప్రజల విశ్వాసాలు, ఇంటర్నెట్లో సోషల్ సమాచారం మాత్రమే. దీన్ని తెలుగు న్యూస్ 18 నిర్ధారించట్లేదని గమనించగలరు.)
2024-05-07T05:01:07Z
ముక్కు చూసి ఆ వ్యక్తి మనల్ని మోసం చేస్తున్నాడో లేదో తెలుసుకోవచ్చు! ఎలాగో చూడండి
మన ముఖంలో ముఖ్యమైన భాగం ముక్కు. పంచేంద్రియాలలో ముక్కు ఒకటి. మనం ముక్కు ద్వారా వాసన అలాగే ఊపిరి పీల్చుకుంటాం. అయితే ఒక వ్యక్తికి ఎలాంటి వ్యక్తిత్వం ఉంటుంది? అతని లక్షణాలు ఏమిటి? అతని మనసులో ఏముందో అతని ముక్కు ద్వారా అర్థం చేసుకోవచ్చంట. కాబట్టి ముక్కు ద్వారా వ్యక్తి యొక్క వ్యక్తిత్వాన్ని ఎలా కనుగొనాలో ఇక్కడ చూద్దాం.[caption id="" align="alignnone" width="773"] ముక్కు రంగు.. మిగిలిన ముఖం కంటే కొద్దిగా ముదురు లేదా ఎరుపు రంగులో ఉండే వ్యక్తులు చాలా కష్టపడి పనిచేస్తారు. చివరి జీవిత క్షణం చాలా ఒంటరిగా ఉంది. ఎన్నో కష్టాలు,పోరాటాలు,అనారోగ్యం,బాధలు ఎదుర్కోవాల్సి వస్తుంది. వైవాహిక జీవితం సంతోషంగా ఉంది, పిల్లలు బాగా స్థిరపడ్డారు. కానీ జీవితం చివరి దశలో మాత్రమే ఒంటరి జీవితాన్ని గడుపుతారు.[/caption][caption id="" align="alignnone" width="592"] చిన్న ముక్కు, ముక్కుపై లేత ఆకుపచ్చ లేదా నలుపు రంగులు ఉంటే.. అలాంటి వ్యక్తులు సాధారణంగా బిజీగా ఉంటారు. నిజాయితీ, సద్గుణ, కృషి ఉంటుంది. అతని జీవితమంతా పేదరికం ఉంటుంది. అయితే వైవాహిక జీవితం చాలా సంతోషంగా ఉంటుంది.[/caption] ముక్కు ముందు భాగం కొద్దిగా వంగి : ఈ వ్యక్తులు చాలా తెలివైనవారు. జీవితంలో ఏదో ఒక సమయంలో న్యాయపరమైన సమస్యలను ఎదుర్కోవచ్చు, జైలు శిక్షను కూడా ఎదుర్కొంటారు. వారు తెరవెనుక ఇతరులకు హాని కలిగిస్తారు. ఇది వారి వృత్తి అవుతుంది.[caption id="" align="alignnone" width="608"] పెద్ద ముక్కు: ఇలాంటి వ్యక్తులు సౌకర్యవంతంగా ఉంటారు. కానీ వీరికి ఈగో సమస్య, సహజ నాయకత్వ సామర్థ్యం ఉంది. వాస్తవంగా ఎవరిపైనా ఆధారపడరు. స్వంతంగానే సమస్యలను పరిష్కరించుకుంటారు.[/caption] సన్నని ముక్కు: ఈ రకమైన వ్యక్తుల ప్రవర్తన చాలా ఆకర్షణీయంగా ఉంటుంది. ప్రతిచోటా వారి చుట్టూ జనాలు గుమిగూడతారు. కానీ, ముక్కు సన్నబడటంతో ముక్కు చిన్నగా ఉంటే, వారు జీవితంలో ఆర్థిక ఇబ్బందులను ఎదుర్కొంటారు. వీరు డబ్బు సంపాదించినప్పటికీ, పొదుపు చేయలేరు. వెడల్పాటి ముక్కు: ముక్కు వెడల్పుగా, నాసికా రంధ్రాలు పెద్దగా ఉన్నవారిని విశాలమైన ముక్కుగా గుర్తిస్తారు. వారు చాలా ఆశావాదులు, నడిపించగల సామర్థ్యం కలిగి ఉంటారు. వారు చాలా సంపద, ప్రజాదరణ పొందుతారు. ముక్కు నేరుగా ఉండటం : ఈ రకమైన వ్యక్తులు ఇతరుల పట్ల సానుభూతితో ఉంటారు. సున్నితంగా ఉంటారు. ప్రతి ఒక్కరికీ సహాయ హస్తం అందిస్తారు. ఎక్కువ ఖర్చు లేకుండా సాదాసీదా జీవితాన్ని గడపడానికి ఇష్టపడతారు.
2024-05-07T07:16:26Z
ఈ రాశుల వారు నమ్మకానికి, నిజాయితికి మారుపేరు.. లిస్టులో మీరున్నారా..?
జీవితంలో ఏం సాధించాలన్నా ముందు మనపై మనకు నమ్మకం ఉండటం చాలా ముఖ్యం. ప్రియమైన వారు సక్సెస్ కావాలన్నా వారిపై పూర్తిగా నమ్మకం ఉంచాలి. అయితే జ్యోతిష్యశాస్త్రం ప్రకారం, నాలుగు రాశులవారికి సొంత భవిష్యత్తుపై మాత్రమే కాకుండా, ప్రియమైనవారిపై కూడా గట్టి నమ్మకం ఉంటుంది. ఈ రాశుల వారు సానుభూతితో కూడిన జీవిత భాగస్వాములు, దయగల స్నేహితులు అవుతారు. వీరు స్నేహితులు, కుటుంబ సభ్యులకు అండగా నిలుస్తూ, ఒక నమ్మకమైన, సురక్షితమైన వాతావరణాన్ని అందించడానికి ప్రయత్నిస్తారు. ఒకరినొకరు గౌరవించుకుంటూ, ఒకరికొకరు అండగా నిలబడటం ద్వారా ఎలాంటి కష్టాలనైనా అధిగమించగలమని నమ్ముతారు. అదే సమయంలో, సహోద్యోగులు లేదా బంధువులు కష్ట సమయాల్లో ఉన్నప్పుడు వారికి అండగా నిలబడటానికి రెట్టింపు కృషి చేస్తారు. ఎదుటి వారు విజయం సాధించడానికి అవసరమైన మద్దతు అందించడానికి ప్రయత్నిస్తారు. ఈ ప్రయత్నంలో నిజాయతీగా, నమ్మకంగా ఉంటారు. నమ్మకానికి మారుపేరుగా ఉండే నాలుగు రాశులు ఏవో చూద్దాం. మిథునంమిథున రాశి వారు ఫ్రెండ్ గ్రూప్లో చాలా యాక్టివ్గా ఉంటారు, అదే సమయంలో మంచి భావోద్వేగాలు ప్రదర్శిస్తారు. కష్ట సమయాల్లో ప్రియమైన వారికి అండగా ఉంటారు. నమ్మకమే బలమైన సంబంధానికి పునాది అని నమ్ముతారు. అందువల్ల అబద్ధాలు, రహస్యాలు లేదా మోసం వంటి వాటిని తమ సంబంధాలలో దూరంగా ఉంచుతారు. స్నేహితులు, కుటుంబ సభ్యులు ఎంత దీనమైన పరిస్థితిలో ఉన్నా నమ్మకంగా తోడ్పాటు అందిస్తారు. ఎప్పుడైనా ప్రియమైన వారు మోసం చేస్తే, ఆ వ్యక్తిని ఎందుకు ఇష్టపడతామో, ఎందుకు వారి గురించి శ్రద్ధ చూపిస్తామో మళ్లీ గుర్తు చేసుకోవడానికి ప్రయత్నిస్తారు. బంధం విలువ, ప్రాముఖ్యతను గుర్తుచేసుకోవడం ద్వారా, ఏ ఇబ్బంది పరిస్థితులు ఉన్నా స్నేహితులకు అనంతమైన నమ్మకాన్ని చూపిస్తారు. తద్వారా ఆ కష్టాలను దాటి మంచి స్నేహాన్ని పెంచుకుంటారు. సింహంలవర్ పట్ల నిబద్ధత చూపించేందుకు సింహరాశి వారు కొంచెం సమయం తీసుకుంటారు. కానీ ఒక్కసారి మనసిచ్చాక, జీవితాంతం వారితో ఉండాలనే లక్ష్యంతో, వారి పట్ల ఎనలేని నమ్మకాన్ని పెంచుకుంటారు. ఈ రాశి వారు ప్రేమలో సుఖదుఃఖాలు సహజమేనని తెలుసుకుని, లవర్కు ఎల్లప్పుడూ అండగా నిలబడతారు. స్నేహాల్లో, సహోద్యోగులతో సంబంధాలలో కూడా స్థిరత్వాన్ని కోరుకుంటారు. ఇబ్బందికర పరిస్థితులు ఎదురైనప్పుడు, అనుబంధాల వల్ల కలిగే ఆదరణ, సహాయాన్ని ఎంతగానో అభినందిస్తారు. అందుకే ముందుగా అచంచలమైన నమ్మకాన్ని ఇతరులకు అందిస్తారు. స్నేహితులు లేదా సహచరులు కష్టాల్లో ఉన్నప్పుడు, వారికి సలహా లేదా ఆర్థిక సహాయం అందించడానికి ఎప్పుడూ ముందుంటారు. ఏం చేసినా బాగా ఆలోచించి, హృదయపూర్వకంగా చేస్తారు. మేషంమేష రాశి వారు సంబంధాలను నమ్మకం, నిబద్ధత అనే పునాదిపై నిర్మిస్తారు. సహోద్యోగి, కుటుంబ సభ్యుడు లేదా లవర్తో రిలేషన్షిప్ కమిట్మెంట్స్ను సీరియస్గా తీసుకుంటారు. నమ్మకమైన స్నేహితులు, జీవిత భాగస్వాములుగా మెలుగుతారు. ఎందుకంటే వీరు ఎప్పుడూ ఓపెన్గా మాట్లాడతారు. ఏవైనా భావాలు లేదా ఆందోళనలు మనసులో ఉన్నా చెబుతారు. ఈ రాశి వ్యక్తులు, సంక్షోభ సమయంలో అపార్థాలు కలగకుండా పరిస్థితుల గురించి చర్చించడం, తెలివైన పరిష్కారాలను కనుగొనడం ఉత్తమ మార్గమని నమ్ముతారు. వీరు ఎప్పుడూ ఏ కోపాన్ని మనసులో ఉంచుకోరు, దగ్గరి వారితో ఉన్న బంధాన్ని పాడుచేసుకోరు. వృశ్చికంవృశ్చికరాశి వారు రహస్యమైన, జటిల స్వభావం కలిగి ఉన్నా, లోపల మాత్రం అమితమైన అనురాగం కలిగి ఉంటారు. వీళ్లు ప్రియమైన వారి పట్ల శ్రద్ధ చూపిస్తారు. వీరు అత్యంత నమ్మకమైన స్నేహితులు, ప్రేమికులుగా ఉంటారు. అనుబంధాల పట్ల నిబద్ధతను చూపించడానికి ఏ అవకాశాన్ని వదులుకోరు. అందుకే స్నేహితుడితో ఘర్షణ జరిగినా లేదా మాజీ ప్రేమికుడి విషయంలోనైనా, రహస్యాలను సీక్రెట్స్గానే ఉంచుతారు. వాళ్ల గురించి ఎప్పుడూ చెడు చెప్పరు, ద్రోహం చేయరు. ఎందుకంటే జీవితంలోని ప్రతి ఒక్కరి పట్ల నమ్మకాన్ని కాపాడుకోవడానికి ప్రయత్నిస్తారు. కష్టాల్లో ఉన్న స్నేహితులు, ప్రియమైన వారికి అండగా నిలుస్తూ నమ్మకాన్ని చూపిస్తారు. అదే నమ్మకం, విశ్వాసాన్ని అన్ని బంధాలలోనూ ఆశిస్తారు.
2024-05-07T07:31:37Z