ఈ నంబర్స్ లో మీ డేట్ ఆఫ్ బర్త్ ఉందా.. అయితే జనం మీ గురించి ఏమనుకుంటారో తెలుసుకోవచ్చు
Numerology: న్యూమరాలజీ అనేది పురాతన నమ్మకం. ఇది వారి పుట్టిన తేదీ ఆధారంగా వారి లక్షణాలు , ధోరణులను అంచనా వేయగలదు. ప్రతి వ్యక్తి పుట్టినరోజును సంగ్రహించడం ద్వారా సంబంధిత సంఖ్యలు కనుగొనబడతాయి. ఉదాహరణకు ఒకరి పుట్టినరోజు 25 అని అనుకుందాం. అతని పుట్టినరోజుల మొత్తం 7.జీవితంలో అహంకారం, అతి విశ్వాసం ఉన్న వారి పుట్టిన తేదీని చూద్దాం. ఎప్పుడూ రాజుల్లా ప్రవర్తించే వారు. వారెవరో చూద్దాం. Number 3: 3, 12, 21, 30 తేదీలలో జన్మించిన వ్యక్తులు తరచుగా తమను తాము నిరూపించుకోవడానికి ఎదుటి వాళ్ల దృష్టిని ఆకర్షించడానికి తమను తాము వ్యక్తం చేస్తారు. వారిని లెవలేట్ చేయాలని ఎవరైనా ప్రయత్నిస్తే వారి అహంకారం బయటపడుతుంది. Number 9: 9, 18, 27 తేదీలలో జన్మించిన వ్యక్తులు ఎల్లప్పుడూ అహంకారంతో ఉంటారు. ఇతరులకు సహాయం చేయడంలో రాణిస్తారు. ప్రపంచాన్ని మార్చడానికి ప్రయత్నిస్తున్న వ్యక్తులను అతిగా సాధించడం. పనికి వస్తే తెల్లవారినట్లుగా ఇచ్చిన పని పూర్తి చేస్తారు. Number 1: 1, 10, 19, 28 తేదీల్లో పుట్టిన వారు నాయకత్వ లక్షణాలు కలిగి ఉంటారు. వారి మితిమీరిన ఆత్మవిశ్వాసం వారిని బాధ్యతాయుతంగా ప్రవర్తించేలా చేస్తుంది. ఇతరులకన్నా తామే గొప్పవారమని ఎప్పుడూ అహంకారంతో ఉంటారు. Number 5: 5, 14, 23 తేదీలలో జన్మించిన వ్యక్తులు స్వతంత్రంగా మరియు ధైర్యంగా ఉంటారు. ఎలాంటి నిబంధనలు పాటించకుండా తమదే చట్టమని అహంకారంతో వ్యవహరిస్తున్నారు. వారి ప్రత్యేక దృక్పథం కారణంగా వారు ఇతరుల కంటే మెరుగైన వారని భావిస్తారు. Number 8: 8,17,26 తేదీలలో జన్మించిన వ్యక్తులు పోటీ , ప్రతిష్టాత్మక వ్యక్తిత్వాన్ని కలిగి ఉంటారు. ఎల్లప్పుడూ విజయం యం కోసం ప్రయత్నిస్తారు. కానీ ఇతరులకు మద్దతివ్వడంలో ఎప్పుడూ ముందుంటారు. Disclaimer: ఈ ఆర్టికల్‌లో ఇచ్చినది ప్రజల విశ్వాసాలు, ఇంటర్నెట్‌లో సోషల్ సమాచారం మాత్రమే. దీన్ని తెలుగు న్యూస్ 18 నిర్ధారించట్లేదని గమనించగలరు.
2024-04-26T17:25:59Z
మహా బలం.. తెలిస్తే వదలరు.. వేసవి కాలానికి రారాజు ఈ పండు!
తాటి ముంజలు తాటిచెట్ల కాయల నుంచి లభిస్తాయి. ఇవి వేసవిలో దొరికే ముఖ్యమైన పండ్లలో ఒకటి. ఇవి చూడటానికి జెల్లీలా, పట్టుకుంటే జారిపోయేంత మృదువుగా ఉంటాయి. తియ్యగా, నోట్లో వేసుకుంటే కరిగిపోయేలా ఉండే వీటి లోపలి భాగంలో నీరు ఉంటుంది. ఈ పండు శరీరానికి కలిగించే చలువ వల్ల దీన్ని ‘ఐస్ యాపిల్’ అని కూడా అంటారు. తాటి ముంజలు మన భారత దేశంలో దాదాపు అన్ని రాష్ట్రాల్లో లభిస్తాయి. ముఖ్యంగా మన దక్షణ భారత దేశంలో విరివిగా దొరుకుతాయి. చలికాలంలో పూతగా మొదలై వేసవి ప్రారంభంలో తాటి ముంజలు ఏర్పడుతాయి.సమ్మర్ వచ్చేసింది. వేడి దాటిని తట్టుకునేందుకు ఎన్నో ఆరోగ్యపరమైన జాగ్రత్తలు తీసుకోవాలి. అలాగే ఈ సీజన్‌లో పండ్లు, పళ్ల రసాలు ఎక్కువగా తీసుకుంటే బాడీ డీ హైడ్రేట్ అవ్వకుండా ఉంటుంది. పండ్లలో కూడా ముఖ్యంగా పుచ్చకాయ, ఖర్బూజ వంటివి ఎక్కువ నీటి శాతంతో పాటు ప్రొటీన్లను కలిగి ఉంటాయి. అయితే వీటన్నింటికి కంటే మానవ శరీరానికి ఎక్కువ మేలు చేసేవి తాటి ముంజలు. కేవలం వేసవిలో మాత్రమే ఇవి విరివిగా లభిస్తాయి. అధిక నీరు ఉండటం కారణంగా తాటి ముంజలు శరీరాన్ని చల్లపరిచే గుణం ఉంటుంది. ఐస్ యాపిల్స్‌లో ఎ, బి, సి వంటి విటమిన్లు, జింక్, ఐరన్, పొటాషియం, ఫాస్పరస్, కాల్షియం మొదలైన ఖనిజాలు పుష్కలంగా ఉన్నాయి. వేసవి వేడి నుంచి శరీరాన్ని చల్లబరిచేది తాటి ముంజలు. ఇన్ని ఉపయోగాలున్నా ఈ తాటి ముంజలను శ్రీకాకుళంలో ప్రతి సెంటర్ వద్ద జోరుగా విక్రయాలు జరుపుతున్నారు. డజన్ రూ.100 పైనే అమ్ముతున్నారు. తమకు అన్ని ఖర్చులు పోను రోజుకు రూ.1000 వరకు ఆదాయం ఉంటుందని చెబుతున్నారు. మరెందుకు ఆలస్యం ఈ ఐస్ యాపిల్ ని తినండి… చల్లగా ఉండండి.
2024-04-26T12:09:55Z
ఏసీ వాడుతున్నారా? కరెంట్ బిల్ తక్కువగా రావాలంటే ఇలా చేయండి
వేసవి కాలం ఉక్కగా ఉన్నప్పుడు ఏసీ ఆన్ చేసి, ఉష్ణోగ్రత తగ్గించేస్తాం. నిద్రలోకి జారుకుంటాం. కాసేపటి తర్వాత చల్లదనం ఎక్కువై నిద్ర సరిగా పట్టదు. ఇలా అయితే ప్రమాదం అంటున్నారు నిపుణులు. వేసవిలో ఏసి ఎంత ఉష్ణోగ్రతలో నిద్రపోవాలని తెలుసుకుందాం. వేసవి వచ్చేసింది. కాబట్టి మనం ఎండాకాలానికి ప్రిపేర్ అయిపోవాల్సిందే. ఫ్యాన్లూ, ఏసీలకూ నో రెస్ట్. చాలా సార్లు ఏసీ, ఫ్యాన్‌లను మనం మనకు నచ్చినట్లు వాడేస్తాం. కానీ వాటిని జాగ్రత్తగా వాడుకోకపోతే, చాలా ఇబ్బందులు పడాల్సి వస్తుందని విశాఖకు చెందినఏసి నిర్వాహకులు మురళి అంటున్నారు. ముఖ్యంగా ఏసీ లెవెల్ సరిగా లేకపోతే, కరెంటు బిల్లుపై తీవ్ర ప్రభావం పడుతుంది. అంతేకాదు నిద్ర కూడా సరిగా పట్టదు. అందుకే ఏసిని ఉపయోగించే విషయంలో ఈ జాగ్రత్తలు తెలుసుకోవాలని అంటున్నారు. మనం ఏసీ ఉష్ణోగ్రతను ఎప్పుడు ఎలా ఉంచుకోవాలో తెలియకపోతే, ఆరోగ్యంపై చెడు ప్రభావం పడుతుంది. ఏసీ పనిచెయ్యాలి. అదే సమయంలో మన ఆరోగ్యం దెబ్బతినకూడదు. అలాగే కరెంటు బిల్లూ పెరగకూడదు. అంటే.. మనం గదిలో ఉన్న ఉష్ణోగ్రత, బయటి ఉష్ణోగ్రతలను లెక్కలోకి తీసుకొని, ఏసీ ఎంత ఉండాలో డిసైడ్ అవ్వాలి. అది సరిగ్గా నిర్ణయించుకుంటే, మనకు మంచి నిద్ర పడుతుందంటున్నారు. మీరు ఏసి ఉష్ణోగ్రత మరీ తక్కువగా ఉంచినట్లయితే, అది మీ ఆరోగ్యంపై చెడు ప్రభావం చూపుతుంది.ఉష్ణోగ్రత 21 డిగ్రీల సెల్సియస్‌లో ఉంచితే 15 ఏళ్లలోపు పిల్లలు ప్రశాంతంగా నిద్రపోవచ్చని నిపుణులు చెబుతున్నారు. చిన్న పిల్లలు అతి వేడి, అతి చల్లదనాన్ని తట్టుకోలేరు. కాబట్టి పిల్లల గది ఉష్ణోగ్రత 21 డిగ్రీలు ఉంటే, అప్పుడు వారు హాయిగా నిద్రపోతారు. పెద్దలకు ఏసి ఉష్ణోగ్రత 20 డిగ్రీల సెల్సియస్ ఉండాలి. ఈ ఉష్ణోగ్రత దగ్గర నిద్ర బాగా, సౌకర్యవంతంగా ఉంటుంది. ఏసీ ఉష్ణోగ్రత 20 డిగ్రీల సెల్సియస్ కంటే తక్కువగా ఉంచితే చలి విపరీతంగా పెరిగి అనారోగ్యం బారిన పడే ప్రమాదం ఉంటుంది. వృద్ధులు చలిని భరించలేరు. అందువల్లగది ఉష్ణోగ్రత 24 డిగ్రీల సెల్సియస్ కంటే తక్కువగా ఉంటే, వారి ఆరోగ్యం క్షీణించవచ్చు అంటున్నారు. ఏసిలో మీరు టైమర్‌ని సెట్ చేసుకోండి. సెట్ చేసుకున్నదీ లేనిదీ పడుకునేముందు చెక్ చేసుకోండి. లేదంటే, ఉదయం పూట విపరీతమైన చలి పెరిగి, ఆరోగ్యం చెడిపోవచ్చు. ఉదయం పూట ఏసీ వల్ల గది చాలా చల్లగా అయిపోతూ ఉంటే దాన్ని దృష్టిలో పెట్టుకొని రాత్రి ఏసీ టెంపరేచర్ సరిగ్గా సెట్ చేసుకుని నిద్రపోవాలి.
2024-04-25T11:35:38Z
